Browsing Category

Ta’ang Edition

226 posts

ပလာဆေဝ် ကဲစွဲဖါ်ႈကောန်တဘိုက်အာရ်အီး ဒါႈဂါရ်မိုႈတိုအီးဘြား ပလိက်ကဲအီဂေါည်ခြူမ်တည်း တံပ်ကညာအာဏာဆီုက်ဇေဝ်ကဲ ဂီုည်မဲႈမောဂါရ်ကံပ်ယံမ်းဘီရ်

ဖုင်ယဲဆျှိုည်ဖီမျေတခေါရ်နံပ်မိုႈတ ပလိက်ကဲအီဂေါည်ခြူမ်တည်း တံပ်ကညာအာဏာဆီုက်ဇေဝ်ကဲနီန် စွဲဖါ်ႈကောန်တဘိုက်အာရ်အီး ဂါရ်အီကဇိူရ်ႈကယံင်းဆဲင်ကယ် ပကီုင်းလာဆေဝ် ကပီုန်ဆျှံမ်ကဒါႇပိူည် အ်ုန်အီမိုႈဒီပ်ုန်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် မဲႈမောကံပ်ယံမ်းဘီရ်ဟာဝ်းအောႏ။

ပနောင်ခေဝ်နီန် ကောန်အီမာည်းအူအီး ငျားဖါ်ႈဒေလိုက်ဟာဝ်းမဴင်နီန် လယံမ်းဖါ်ႈအ်ုန် ကောန်အီပ်ုန်အူအီးစီ ကတူႈဖေးဘာတ်ဟာဝ်း

တိုအီးအရာပ် ကောန်အီမာည်းအူအီး က္လာင်းဒါႈ ဒီႎီရ်ထိင်ခြဲ တံပ်ကညာအာဏာဆီုက်ဇေဝ်ကဲ ပကပီုန်ဆျှံမ်ကဒါႇပိူည် ခေဲင်လှံင်နောင်ခေဝ်နီန် ဂေါႇမိုႈကဲငျားဒေလိုက်ဟာဝ်းမဴင်နီန် ကောန်အီမာည်းအူအီး ယံမ်းဟာဝ်းဖါ်ႈ ကောန်အီပ်ုန်အူအီးစီ ကတူႈဖေးဘာတ်ဟာဝ်းအောႏ။

ဂေါႇမိုႈမဴင်တီႇခေဲင်ကတာည်းကာည်း ဂြိုခြီုင်လာက်နာက်ဆီုက်အီကီုတ်ကဲနီန် စီပဲန်ကညာလိုင်းငါမ်းမာည်း အီဂေါည်ပနော်င်ခေဝ်ကဲနီန် ဘ်ုပ်ႎီုန်ဟာဝ်းဒိုႇ လိုင်းကဲ၊ တံပ်ကညာအာဏာဆီုက်ဇေဝ်ကဲ အာဝ်ဆာင်လာင်ဒဲႈစိ

ဘိူန်းအယ်နံပ် တောပ်ပ်ုန်က္လာင်းကောန်အီပ်ုန် ကဝ်အီဂေါည်ခေဲင်အရာပ်ဒီန်အူအီးဒါႈ ဂေါႇမိုႈမဴင်တီႇခေဲင်ကတာည်းကဲနီန် ဆီုင်ဂီုည်မိူဝ်ႈအူန်း ခေဲင်လိုင်းငါမ်းမာည်း ပလှံင်နော်င်ခေဝ်ကဲနီန် စီပဲန်ကညာလိုင်းကဲကဒါႇဂီုန်း ဘ်ုပ်ႎီုန်ဟာဝ်းဒိုႇ လိုင်းငါမ်းမာည်းကဲဒီန်အောႏ။

ပလှံင်နော်င်ခေဝ် ကောန်အီပ်ုန်အူအီး ငျားဖါ်ႈညဲ့မဴင် ယံမ်းဟာဝ်း

ကောန်အီမာည်း ကဝ်အီနံပ်ဘည်မိုႈဘည်ဘာည်းနီန်အူအီး က္လာင်းဒါႈ ကောန်အီပ်ုန်ကဝ်အီဂေါည်ရဝ်မတ်လွတ် လှံင်နော်င်ခေဝ် ကပီုန်ဆျှံမ်ကဒါႇပိူည် အ်ုန်အီမိုႈဒီပ်ုန်ႎီရ်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန်အူအီး ငျားဖါ်ႈညဲ့မဴင် ယံမ်းဟာဝ်းအောႏ။

ပမိူင်းလား အိုမ်ပျြံင်ထာတ်ကတ်ုတ်ဖါ်ႈ မောကံပ်အာဝ်ဘိူန်းဇိူရ်ႈ

ဘိူန်းအယ်တခေါရ်နံပ်တ ကဲအီရေဲန်ဇီုင်း ပမိူင်းလားကဲနီန်ဒါႈ ပကီုင်းမိူင်းလား ကပီုန်ဆျှံမ်ကဒါႇလေႈဆာင်ငည်းနီန် အိုမ်ပျြံင်ထာတ်ဟည်ကတ်ုတ်ဖါ်ႈ မောကံပ်အာဝ်ဘိူန်းဇိူရ်ႈအောႏ။

ဂေါႇမိုႈအိုမ်ပျြံင်ထာတ်ကတ်ုတ် စီပဲန်ဖုင်လံပ်ငိူပ်မေန်းကဲ ကတူႈခည်းကီန်းဒည်း ကဆီုဝ်လံပ်တိူဝ်ႈတိုန်း အီဆူနာ

ကဲအီရေဲန်ဇီုင်းကာန် လံပ်ငိူပ်မေန်းကဲနီန် က္လာင်းဒါႈ ဂေါႇငေါႈခံန်အိုမ်ပျြံင်ထာတ်ကာည်း ဂေါႇမိုႈအိုမ်ပျြံင်ထာတ် ပကပီုန်ဆျှံမ်ကဒါႇပိူည်နီန် ကတ်ုတ်ဟာဝ်း စီပဲန်ဖုင်လံပ်ငိူပ်မေန်းကဲ ဂီုည်ကတူႈအူန်းကီန်းဒည်း ကဆီုဝ်ဇီုင်းကာန် လံပ်တိူဝ်ႈတိုန်း အီဆူနာကဲနီန်အောႏ။

ဂေါႇဘျုင်ပဒူႈပအေဲမ်ကိုက်နီန် ခေဲင်ကဲအီကတူႈဖေးနီန် အ်ုန်တောပ် ကောန်ကညောမ် 2 အီး၊ အူအီးစီကတူႈဖေးဘာတ်

ဘိူန်းအယ်နံပ်တောပ်ဘည်က္လာင်း တိုအီးအရာပ်ကဲဒါႈ ပကပီုန်ဆျှံမ် ကဒါႇပိူည် ခေဲင်ကီုင်းအေဲမ်ကိုက်နီန် ဂေါႇမိုႈဘျုင်ဒရုင်နီန် ပဲန်ပဒူႈခေဲင်လူမ် တီုင်ကောန်အီပ်ုန်နီန် ကောန်ကညောမ် 2 အီးကတူႈဖေး ကာည်း ကောန်အီပ်ုန်အူအီး ကတူႈဖေးဘာတ်ဟာဝ်းအောႏ။

ပလာဆေဝ် ကနာည်နံင်ဘိူန်းဇိူရ်ႈ အိုမ်ပျြံင်ထာတ် ဘ်ုပ်ဟာဝ်းဇံင်းကယည်ဖါ်ႈ အိုရ်ဆီုင်ခည်ဆိူမ် အိုမ်ပျြံင်ထာတ် အူလီတာမာ် ခံန်ဟိုက်ဒေဲႈပွံတ် ဘံင် 1မှီုန်လေႈဖံန်ဟြဲင်

ဘိူန်းအယ်တခေါရ်နံပ်တ တိုအီးခေဲင်အရာပ်ကဲဒါႈ ဂေါႇမိုႈအိုမ်ပျြံင်ထာတ် ပကီုင်းလာဆေဝ် ကပီုန်ဆျှံမ်ကဒါႇပိူည် အ်ုန်အီမိုႈဒီပ်ုန်ႎီရ်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် စီပဲန်ကား ဆဲင်ကယ်ကဲ ဘ်ုပ်ဇံင်းအူန်းဖါ်ႈ ကနာည်နံင်ဘိူန်းဇိူရ်ႈ အိုမ်ပျြံင်ထာတ်နီန်အောႏ။

ပလာဆေဝ် ကဲတိုည်းဖါ်ႈ မှာန်းရိူန်းတကား အီမိုႈနံမ်ဘာတ်လျေဲဝ် လေႈဆငည်းကိူပ်ကာည်း ကားအီမိုႈနံမ်ဘာတ်ကိူပ် လေႈဆငည်းလျေဲဝ်နီန်

ဇူႈပွံတ်ကျံရ်မာချှ် ဆငည်း 20 ဒိူန် ရောတ်စာ်မ်းခိင်ညှာကျံရ်မာချှ် ဆငည်း 23နီန် ဖုင်ငိူပ်မေန်းယာန်ကဲ ဂီုည်နှံက်ဒေတိုည်း မှာန်းရိူန်းတ ကားဆဴင်ကယ် ဆငည်းကိူပ်နီန် နံမ်ဘာတ်လျေဲဝ်၊ ဆငည်းလျေဲဝ်နီန် နံမ်ဘာတ်ကိူပ် ရအာည်ႇလူမ်ဇီုင်းကာန်ဆငါး အီဂေါည်ခေဲင်ဇံင် (1) ရီမ်းပြောအဝိုင်းပတ် ကီုင်းလာဆေဝ်အောႏ။

တံပ်ကညာအာဏာဆီုက်ဇေဝ်ကဲ ကနာည်နံင်ဘိူန်းဒေထိင်ခြဲဟာဝ်း တောပ်ဒေင် မိူင်မီတ် – တွင်းငယ်နီန် ကဲပွံတ်ဆီုက်ငါးအာရ်ကဒါႇနီန် တီုက်ဟာဝ်းဖါ်ႈ ပ္လေါည်ကတီုက်ကပဴင်နီန်မာ် ပဲန်ကရဲင်

ကဝ်အီဒဲႈဆဒါင် အ်ုန်အီဂေါည်ခေဲင်အရာပ်ကဲ က္လာင်းတဖုင်ဆျှိုည်ဖီမျေဒါႈ တံပ်ကညာအာဏာဆီုက်ဇေဝ်ကဲ ဒေင်အ်ုန်အီတောပ်အရေး ကနာည်လံပ်ဆီုက် ဒေင်မိူင်မီတ် ကာည်း လှံင်သပိတ်ကျင်း ဒေင်ရဝ်တွင်းငယ်နီန် ကနာည်နံင်ဘယ်ကဲဒေထိင်ခြဲဟာဝ်း ကဲဂေါည်ပွံတ်ဒေဒါ ဆီုက်ငါးအာရ်ကဒါႇနီန် တီုက်ဟာဝ်းဖါ်ႈ ပ္လေါည်ကတီုက်ကပဴင်နီန်မာ် ပဲန်ကရဲင်ခည်းအောႏ။