ဆျှိုည်ဖီမျေ၊ ကျံရ်ဇူန် ဆငည်း 25၊ “ဝ”
ကာ်မ်မတီလံပ်ဘ္လံက်ချှာင်တြားကပီုန်ဝ – WSP ကဲပ္လိူရ်ႈလေႈဒါႈ ကဲဟည်ဘိူန်းတိုည်း ပ်ုန်က္လာင်းအူန်း ကုင်ခယ်ကဲတ တံပ်ဆီုက်”ဝ”UWSA ကနာည်နံင်တိုည်းနီန် ကဲဒါႈကဲဟည်ခ္လါည်းအာပ်ဟာဝ်း ယိူဝ်ႇပဂေတ်မုန်းအားနီန်အောႏ။
အ်ုန်တောပ်ခေဲင် ပ္လါႇဘေဲႇပ်ုန်ပ္လိူရ်ႈလေႈကဲဒီန်ဒါႈ ဆာ်မိုႈကောန်အီမာည်း 2 အီးဒီန် ဂါရ်မိုႈတိုအီး အီလူည်ႇအူန်းအမှုပျံမ်းတိုအီးနီန် ဆဲႈဒါႈဒီန် ဂါရ်မိုႈဘိုး တိုအီးအီချြံင်ဂေါည် ခေဲင်ကပီုန်ဝနီန်အောႏ။
တံပ်ဆီုက်ဝကဲ ဘိူန်းတိုည်းခ္လါည်းအာပ်ဟာဝ်း တြာခါမ်ပ်ုန်ဆိင်ဘိူန်း ကုင်ခယ်ကဲ ခည်ကျံရ်ဇူန် ဆငည်း 18 ဒိူန် အာရ်အီး၊ ခည်ကျံရ်ဇူန် ဆငည်း 11 ဒိူန် တိုအီးရေဲန်ဇီုင်းကာန်ကျားဖြန်နီန် 78 အီး၊ ခည်ကျံရ်ဇူန် ဆငည်း 3 ဒိူန်အူအီးကာည်း အမှိူဝ် ကျံရ်ဇူန် ဆငည်း 24 နီန် အာရ်အီး ကစုကပိုမ်ကဲတိုန်းဟာဝ်း ခေဲင်အူကျံရ်နီန် ဟည်မိုႈ 4 လိူဝ်ႈအောႏ။
ကဲက္လာင်းဒါႈ ပ်ုန်တိုည်းဘိူန်း ခ္လါည်းအာပ်ဟာဝ်း ကဒါႇWSP ကဲနီန် အ်ုန်မိုႈ ပ်ုန်ဟြာင်းက္လာင်းခယ်ကဲတ “ ဝ” ကဲ ကနာည်နံင်တိုည်းနီန် အ်ုန်မိုႈဘိုး ပ်ုန်လည်ကပိုမ်ရေဲန်ဟာဝ်း ဖုင်ပလိက်ဝ ကာည်း ဖုင်ပလိက်ခယ်ကဲအောႏ။
ပ်ုန်ခ္လါည်းအာပ်ဒဲႈ ကဒါႇ”ဝ”ကဲ အ်ုန်အီမိုႈကျားဖြန် ကာည်း တြာခါမ်နီန် ဆဲႈဒါႇဒီန် အ်ုန်အီမိုႈတိုအီးကုင်ခယ် အီလီပ်ဒေဲႈတောပ်ဒေင်အာဝ်နီန်မာ် ကဲတိုည်းကဒံပ် အာပ်ဟာဝ်းဖါ်ႈ ခံင်မဝ်းပ်ုန်ဘိူန်းတိုည်းကဲ အ်ုန်အီငေါႈဒါဘီလျံနီန်မာ် ကဲခ္လါည်းအာပ်ဟာဝ်း ဟည်မိုႈ 2 လိူဝ်ႈအောႏ။
ကဝ်အီကပ္လါႇဆဒါင် – လိုည်ပိုႈဆပေ
~ ~ ~
ဆဒါင်ဖုင်ယဲဆျှိည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
