လူ့အခွင့်အရေး

မကွေးတိုင်း နတ်မောက်မြို့နယ်မှာ စစ်ကောင်စီတပ်ရဲ့ လေကြောင်း တိုက်ခိုက်မှုကြောင့် မိသားစုဝင် ၃ ဦးအပါအဝင် ဒေသခံ ၅ ဦး သေဆုံးခဲ့တယ်လို့ နတ်မောက်မြို့နယ် ပြည်သူ့ကာကွယ်ရေးအဖွဲ့ (ပကဖ)က ထုတ်ပြန်ထားပါတယ်။

ကရင်နီပြည်နယ် ဒီးမော့ဆိုမြို့နယ် နမ့်မယ်ခုံးမြို့က ကျေးရွာတစ်ရွာကို စစ်ကောင်စီတပ်က ဗုံးကြဲတိုက်ခိုက်မှု ပြုလုပ်ခဲ့တယ်လို့ မြေပြင်ဖြစ်စဉ်သိရှိသူတစ်ဦးဆီကနေ သိရပါတယ်။

စစ်ကိုင်းတိုင်း၊ တမူးမြို့နယ်၊ ခမ်းပတ်မြို့ရှိ ကနန်ကျေးရွာကို စစ်ကောင်စီက လေကြောင်း ဗုံးကြဲ တိုက်ခိုက်လို့ အရပ်သားတစ်ဦး သေဆုံးခဲ့ပြီး နေအိမ်အများအပြား ပျက်စီးသွားခဲ့တယ်လို့ ဒေသခံတွေက ရွှေဖီမြေသို့ ပြောပါတယ်။

ရှမ်းတောင် တောင်ကြီးမြို့နယ်မှာ ပေါက်ကွဲမှုဖြစ်ပွားပြီးတဲ့နောက် တောင်ကြီး-ရွှေညောင်-ဟဲဟိုးလမ်းကို စစ်ကောင်စီ တင်းကြပ်စွာ စစ်ဆေးနေ‌ကြောင်း ဒေသခံနဲ့ ခရီးသွားတွေရဲ့ ပြောပြချက်အရ သိရပါတယ်။

ချင်းညီနောင်- CB ထိန်းချုပ်ထားတဲ့ ကန်ပက်လက်မြို့နယ် ကျင်ဒွေးမြို့ကို စစ်ကောင်စီတပ်က လေကြောင်းကနေ ဗုံးကြဲတိုက်ခိုက်လို့ အရပ်သား ၆ ဦး သေဆုံးပြီး ၁၁ ဦးထက်မနည်း ဒဏ်ရာ ရရှိခဲ့တယ်လို့ ဒေသခံတွေဆီက သိရပါတယ်။

အာရက္ခတပ်တော်- AA ထိန်းချုပ်ထားတဲ့ ရခိုင်ပြည် ကျောက်တော်၊ ဂွနဲ့ ကျိန္တလီမြို့မှာ စစ်ကောင်စီတပ်ရဲ့ လေကြောင်း ဗုံးကြဲတိုက်ခိုက်မှုကြောင့် ဒေသခံ ၁၀ ဦး သေဆုံးခဲ့ပြီး ၂၄ ဦး ဒဏ်ရာ ရရှိခဲ့တယ်လို့ AA က ထုတ်ပြန်ထားပါတယ်။

စစ်ကိုင်းတိုင်း ဝက်လက်မြို့နယ်ရှိ နတ်ကုန်းရွာသစ်နဲ့ ဝက်လူးအိုင်ရွာထဲကို စစ်ကောင်စီတပ်ဘက်က အသေခံဒရုန်းနဲ့ ဗုံးကြဲခဲ့ရာ အမျိုးသမီးတစ်ဦး သေဆုံးပြီး အမျိုးသမီး ၂ ဦး ထိမှန်ဒဏ်ရာရခဲ့တယ်လို့ မြေပြင်အခြေအနေ သိရှိသူတစ်ဦးက ရွှေဖီမြေကို ပြောပါတယ်။