The Latest

မိုးကုတ်အနောက်ပိုင်းမှာ စစ်ကောင်စီတပ်နဲ့ တော်လှန်ရေး ပူးပေါင်းတပ်တွေအကြား တိုက်ပွဲ ဖြစ်ပွားနေ

တရုတ်နိုင်ငံရဲ့ ကြားဝင်စေ့စပ်မှုကြောင့် စစ်ကောင်စီတပ် ပြန်ရခဲ့တဲ့ မန္တလေးတိုင်း မိုးကုတ်မြို့ အနောက်ပိုင်းမှာ စစ်ကောင်စီတပ်နဲ့ တော်လှန်ရေးပူးပေါင်းတပ်တွေ တိုက်ပွဲ ဆက်ဖြစ်နေတယ်လို့ မြေပြင်အခြေအနေ သိရှိသူတွေက ရွှေဖီမြေကို ပြောပါတယ်။

ကွတ်ခိုင်မြို့အနီး TNLA ရဲ့ တပ်စခန်း ပစ်ခတ်ခံရပြီး တအာင်းတပ်နဲ့ ကိုးကန့်တပ်အကြား ပြေလည်မှု မရသေး

ညီနောင်မဟာမိတ်တပ်ဖြစ်တဲ့ ကိုးကန့်တပ်နဲ့ တအာင်းတပ်အကြား မြေပြင်တင်းမာမှု ပြေလည်မှု မရသေးဘဲ တအာင်းတပ်ရဲ့ တပ်စခန်းကို ကိုးကန့်တပ်ဘက်က လာရောက် ပစ်ခတ်တိုက်ခိုက်ခဲ့တယ်လို့ မြေပြင်သတင်းအရင်းအမြစ်တွေက ရွှေဖီမြေကို ပြောပါတယ်။

ကောလင်းမြို့နယ်အရှေ့ခြမ်း လေကြောင်းနဲ့ တိုက်ခိုက်ခံရ၊ ကိုယ်ဝန်သည်အပါအဝင် ၂ ဦး သေဆုံး

စစ်ကိုင်းတိုင်း ကောလင်းမြို့နယ်အရှေ့ခြမ်း လေကြောင်းကနေ ဗုံးကြဲတိုက်ခိုက်ခံရပြီး ကိုယ်ဝန်သည် ၁ ဦးအပါအဝင် ၂ ဦး သေဆုံးခဲ့တယ်လို့ ဒေသခံ အမျိုးသားတစ်ဦးက ရွှေဖီမြေကို ပြောပါတယ်။

ဖားကန့်မှာ တိုက်ပွဲ ဆက်ပြင်းထန်နေ၊ လက်နက်ကြီးကျလို့ ရွှေဂေါင်ဂေါင် ကုမ္ပဏီအတွင်းက ကားတွေ ပေါက်ကွဲမီးလောင်

တိုက်ပွဲ ဆက်လက် ပြင်းထန်နေတဲ့ ကချင်ပြည်နယ် ဖားကန့်မြို့ရှိ ရွှေဂေါင်ဂေါင် ကုမ္ပဏီထဲ လက်နက်ကြီး ကျရောက်ပေါက်ကွဲလို့ ကားတွေ မီးလောင်ပျက်စီးသွားတယ်လို့ စစ်ရေးသတင်းအရင်းအမြစ်တစ်ဦးက ရွှေဖီမြေကို ပြောပါတယ်။

ကော်သူလေးတပ်ရဲ့ ခြုံခိုတိုက်ခိုက်မှုကြောင့် KNLA ရဲဘော် ၅ ဦး ဒဏ်ရာ ရခဲ့တယ်လို့ KNU ထုတ်ပြန်

ကရင်အမျိုးသားအစည်းအရုံး- KNU ကော်သူးလေအုပ်ချုပ်နယ်မြေ မြိတ်ထားဝယ်ခရိုင် ကစယ်ဒိုမြို့နယ်မှာ ကရင်တပ်မတော်- KNLA ရဲ့ စစ်ကြောင်းကို ကော်သူလေးတပ်မတော်- KTLA က ခြုံခိုတိုက်ခိုက်ခဲ့တာကြောင့် KNLA ရဲဘော် ၅ ဦး ဒဏ်ရာ ရခဲ့တယ်လို့ KNU ဗဟိုက ထုတ်ပြန်ထားပါတယ်။

ဟိုပင်မှာ ဓားပြ တိုက်ခံရပြီးနောက် မိသားစုဝင် ၆ ဦးလည်း သတ်ခံရ

ကချင်ပြည်နယ် မိုးညှင်းမြို့နယ် ဟိုပင်မြို့မှာ ဓားပြ တိုက်ခံရပြီး ၆ ဦး သတ်ဖြတ်ခံခဲ့ရကြောင်း မြို့ခံအမျိုးသမီးတစ်ဦးရဲ့ ပြောပြချက်အရ သိရပါတယ်။

မယ်စဲ့မြို့နယ်အတွင်း သုံ့ပန်း‌တွေ ထိန်းသိမ်းထားတဲ့နေရာကို လေကြောင်းကနေ ဗုံးကြဲတိုက်ခိုက်လို့ ၈ နှစ်အရွယ် ကလေး ၁ ဦးအပါအဝင် ၅ ဦး သေဆုံး

ကရင်နီပြည် မယ်စဲ့မြို့နယ်အတွင်း သုံ့ပန်းတွေ ထိန်းသိမ်းထားတဲ့နေရာကို စစ်ကောင်စီတပ်က လေကြောင်း‌ကနေ ဗုံးကြဲတိုက်ခိုက်လို့ ၈ နှစ်အရွယ် ကလေး ၁ ဦးအပါအဝင် ၅ ဦး သေဆုံးခဲ့တယ်လို့ ကရင်နီကြားကာလအစိုးရ- IEC ရဲ့ အထွေထွေအတွင်းရေးမှူး(၂) ဗညားခွန်းအောင်က ရွှေဖီမြေကို ပြောပါတယ်။

လားရှိုးမြို့မှာ စက်သုံးဆီ အကန့်အသတ်နဲ့သာ ရောင်းချပေးနေပြီး လမ်းဘေးဆိုင်မှာ တစ်လီတာကို ၁ သောင်းခွဲအထိ ဈေးပေါက်နေ

ရှမ်းမြောက် လားရှိုးမြို့မှာ စက်သုံးဆီကို အကန့်အသတ်နဲ့သာ ရောင်းချပေးနေပြီး လမ်းဘေးမှာ ဗူးအလိုက် ရောင်းချသူတွေ တစ်လီတာကို ၁ သောင်းခွဲကျပ်ဝန်းကျင်အထိ ရောင်းနေတယ်လို့ လားရှိုးဒေသခံတွေက ရွှေဖီမြေကို ပြောပါတယ်။

မိုးကုတ်မှာ စစ်ကောင်စီက အုပ်ချုပ်ရေးယန္တရား လည်ပတ်နိုင်ပေမဲ့ မိုးမိတ်မှာ ၃ လကျော်တဲ့အထိ အုပ်ချုပ်ရေး မလည်ပတ်နိုင်

တရုတ်အကူအညီနဲ့ စစ်ကောင်စီတပ် ပြန်ရခဲ့တဲ့ မန္တလေးတိုင်း မိုးကုတ်မြို့မှာ အုပ်ချုပ်ရေးယန္တရား လည်ပတ်နိုင်ပေမဲ့ ရှမ်းမြောက် မိုးမိတ်မြို့မှာတော့ ၃ လကျော် ကြာတဲ့အထိ မလည်ပတ်နိုင်သေးဘဲ မြေပြင်မှာလည်း ပစ်ခတ်မှု ဆက်ဖြစ်နေတယ်လို့ ဒေသခံတွေက ရွှေဖီမြေကို ပြောပါတယ်။

တရုတ်က ပြည်ပသို့ လောင်စာဆီ တင်ပို့မှု ယာယီ ရပ်ဆိုင်းလိုက်ပြီလို့ သတင်းထွက်ပေါ်

တရုတ်က မြန်မာနိုင်ငံအပါအဝင် ပြည်ပနိုင်ငံတွေဘက် လောင်စာဆီ တင်ပို့ရောင်းချတာတွေကို ယာယီ ရပ်ဆိုင်းဖို့ မနေ့ မတ်လ ၄ ရက်မှာ ညွှန်ကြားချက်တစ်ခု ထုတ်ပြန်စာတစ်စောင်ပြန့်နှံ့နေပါတယ်။