ရွှေဖီမြေ၊ ဩဂုတ် ၁ ရက်၊ လားရှိုး
စစ်ကောင်စီ ထိန်းချုပ်ထားတဲ့ လားရှိုးမြို့မှာ မနေ့ ဇူလိုင် ၃၁ ရက်က ဖုန်းခိုးယူသွားသူ ၂ ဦးနဲ့ ဖုန်းလက်ခံဝယ်ယူထားသူတွေကို ဖမ်းဆီးရမိခဲ့တယ်လို့ စစ်ကောင်စီရဲ့ ဝါဒဖြန့်မီဒီယာတွေမှာ ရေးသားဖော်ပြထားပါတယ်။
ဖုန်းဝယ်ယူသူ ၂ ဦးကို မန်အိုင်ကျေးရွာအုပ်စု ကုန်းမုံရွာ ရေကန်တောင်လမ်းမှာ လမ်းသွားလမ်းလာတဲ့ အမျိုးသား ၁ ဦးနဲ့ အမျိုးသမီး ၂ ဦးတို့ကို စစ်ဆေးရာ ဖမ်းဆီးရမိခဲ့တာပဲ ဖြစ်ပါတယ်။
အဲဒီ ၂ ဦးဟာ ဖုန်းခိုးယူသွားချိန် ဗီဒီယိုမှတ်တမ်း ရှိထားသူတွေဖြစ်ပြီး ဖုန်းကို ရပ်ကွက်(၈)မှာ သွားရောင်းခဲ့ပြီး ဖုန်းဝယ်ယူထားတဲ့ ဆိုင်ပိုင်ရှင်ကိုပါ စစ်ကောင်စီဘက်က ဖမ်းခေါ်သွားတယ်လို့ ဒေသခံတစ်ဦးက ပြောပါတယ်။
လားရှိုးမြို့ထဲက ရပ်ကွက်တွေထဲ သူခိုးကို ဖမ်းမိရင် ဓာတ်ပုံရိုက်ပြီး လိုင်းပေါ် မတင်ကြဖို့ စစ်ကောင်စီခန့် ရပ်ကွက်အုပ်ချုပ်ရေးမှူးတွေက ပြောဆိုထားပေမဲ့ ပြီးခဲ့တဲ့ ဇူလိုင် ၂၈ ရက်မှာလည်း လားရှိုးမြို့ထဲ သူခိုးတစ်ဦးကို ဒေသခံတွေက ဝိုင်းဝန်းဖမ်းဆီးခဲ့တဲ့ ရုပ်သံဖိုင်တစ်ခု ထပ်မံ ထွက်ပေါ်လာခဲ့ပါတယ်။
စစ်ကောင်စီ ထိန်းချုပ်ထားတဲ့ လားရှိုမှာ ခိုးမှု၊ ဓားပြတိုက်မှု ဆက်တိုက် ဖြစ်ပွားနေပြီး သက်ဆိုင်ရာတွေဘက်က ဖမ်းဆီးနိုင်မှု အားနည်းနေကြောင်း ဒေသခံတွေက ဝေဖန်ထောက်ပြနေကြပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
