Muse

တရုတ်-မြန်မာနယ်စပ်မြို့ဖြစ်တဲ့ မူဆယ်မြို့က ကေတီဗီဆိုင်တစ်ခုမှာ လိုင်းကြေးကိစ္စနဲ့ ပတ်သက်ပြီး ညှိနှိုင်းခဲ့ကြရတာကနေ ခိုက်ရန်ဖြစ်ပွားပြီး နမ့်ခမ်းမြို့မ ပြည်သူ့စစ်နဲ့အတူ လိုက်ပါလာတဲ့ ကျားဖြန့်လုပ်ကိုင်သူ တရုတ်နိုင်ငံသား အမျိုးသားတစ်ဦး သေနတ်ထိမှန်ဒဏ်ရာရရှိခဲ့တယ်လို့ သိရပါတယ်။

ညီနောင်မဟာမိတ် ၃ ဖွဲ့ဖြစ်တဲ့ တအာင်းတပ် – TNLA၊ ရခိုင့်တပ် – AA၊ ကိုးကန့်တပ် – MNDAA တို့ ပူးတွဲထိန်းချုပ်ထားတဲ့ မူဆယ်မြို့နယ် ၁၀၅ မိုင်မှာ ကုန်သွယ်ရေးပြန်စနေပြီလို့ ကုန်သည်တွေဆီကနေ သိရပါတယ်။

စစ်ကောင်စီထိန်းချုပ်တဲ့ ရှမ်းမြောက်၊ မူဆယ်မြို့မှာ မင်္ဂလာဆောင်ဖျော်ဖြေဖို့အတွက်ဆိုပြီး အဆိုတော် ရှင်မင်းမြတ်နဲ့ ၎င်းရဲ့သူငယ်ချင်းဖြစ်သူကို လိမ်လည်ဖိတ်ခေါ်ခဲ့ပြီး ပြန်ပေးဆွဲကာ ငွေကျပ်သိန်း ၃ ထောင်ကျော် ပြန်ပေးခဲ့ရတယ်လို့ အဆိုတော် ရှင်မင်းမြတ်က သူ့ရဲ့ လူမှုကွန်ယက်စာမျက်နှာမှာ စစ်ကောင်စီရဲ့ မှုခင်းရဲတပ်ဖွဲ့ထံ ဖြစ်စဉ်အသေးစိတ်ပါ တိုင်ကြားထားတဲ့ တိုင်ကြားစာနဲ့ ရေးသားထားပါတယ်။

ညီနောင်မဟာမိတ် ၃ ဖွဲ့ ထိန်းချုပ်ထားတဲ့ မူဆယ် ၁၀၅ မိုင်မှာ ညီနောင်မဟာမိတ်တပ်ဖွဲ့က ညသန်ခေါင်ယံ လူအိပ်ချိန် အိမ်တံခါးကို ဖျက်ဆီးပြီး လူတွေ ဝင်ရောက်ဖမ်းဆီးနေတာတွေ ပြုလုပ်နေတယ်လို့ ဒေသခံတွေက ရွှေဖီမြေကို ပြောပါတယ်။

မူဆယ်မြို့နယ်၊ နမ့်အွမ်ရွာမှာ မနေ့ ဇန်နဝါရီလ ၄ ရက်နေ့က ဒေသခံတွေရဲ့ နွားခြံတွေကို ကိုးကန့်တပ်က ဖျက်ဆီးပြီး မုံညင်းခင်းထဲကိုပါ ဆိတ်လွှတ်ထည့်နေကြောင်း ဒေသခံတွေက ရွှေဖီမြေကို ပြောပါတယ်။