စစ်အုပ်ချုပ်ရေး ကြေညာထားတဲ့ ချင်းပြည်နယ်၊ ကန်ပက်လက်မြို့နယ်ထဲက ကျင်ဒွေးမြို့၊ မုန်းချောင်းတံတားအနီးကို စစ်ကောင်စီက လေကြောင်း ဗုံးကြဲတိုက်ခိုက်ခဲ့ပြီး အရပ်သား ၉ ဦး ထက်မနည်း သေဆုံးခဲ့တယ်လို့ သိရပါတယ်။

တနင်္သာရီတိုင်းက မောတောင်မြို့ပေါ်ကို စစ်ကောင်စီတပ်က လေကြောင်းတိုက်ခိုက်မှု ပြုလုပ်သွားတာကြောင့် အရပ်သား ၂ ဦး သေဆုံးခဲ့တယ်လို့ ကရင်အမျိုးသားအစည်းအရုံး – KNU က ထုတ်ပြန်ထားပါတယ်။

ကိုးကန့်တပ် – MNDAA အနေနဲ့ လူ့အခွင့်အရေး ချိုးဖောက်မှုတွေကို တာဝန်ယူမှု၊ တာဝန်ခံမှုရှိဖို့နဲ့ ဌာနေတိုင်းရင်းသားတွေရဲ့ ဝိသေသလက္ခဏာတွေကို မဖျက်ဆီးဖို့အပါအဝင် အချက် ၈ ချက်ပါတဲ့ ထုတ်ပြန်ချက်တစ်စောင်ကို တအာင်းအရပ်ဖက်အဖွဲ့အစည်းကွန်ရက် TCSN က ထုတ်ပြန်လိုက်ပါတယ်။

ရှမ်းအရှေ့ တာချီလိတ်မြို့နယ်ထဲက ကျားဖြန်ရုံ ၂ ခုကို စစ်ကောင်စီတပ်က ဝင်ရောက်စီးနင်းခဲ့ရာ ကျားဖြန်လုပ်ကိုင်သူ တရုတ်နိုင်ငံသားအပါအဝင် မြန်မာနိုင်ငံသား ၅၂ ဦးကို ဖမ်းဆီးရမိခဲ့တယ်လို့ စစ်ကောင်စီက ထုတ်ပြန်ထားပါတယ်။