The Latest

ကိုးကန့်တပ်က စက်သုံးဆီ၊ ကုန်ပစ္စည်းအားလုံး သယ်ဆောင်ခွင့် ပိတ်ထားတဲ့ သိန္နီနဲ့ကွတ်ခိုင်လမ်းပိုင်းမှာ အတက်ယာဉ်အားလုံးကို ပိတ်ထားတော့မယ်လို့ဆို

တအာင်းတပ်မတော်- PSLF/TNLA ထိန်းချုပ်ထားတဲ့ ကွတ်ခိုင်မြို့နဲ့ ကိုးကန့်တပ်- MNDAA ထိန်းချုပ်ထားတဲ့ သိန္နီလမ်းကို အဆင်းသာ ခွင့်ပြုပြီး သိန္နီကနေ ကွတ်ခိုင်ဘက် တက်လာတဲ့ ယာဉ်တွေကိုတော့ ကိုးကန့်တပ်ဘက်က ဖြတ်သန်းခွင့် မပေးတော့ဘူးလို့ ကားသမားတွေက ရွှေဖီမြေကို ပြောပါတယ်။

သပိတ်ကျင်းမြို့နယ်ထဲ စစ်ရှောင်တွေ နေထိုင်တဲ့နေရာမှာ ဒရုန်းနဲ့ ဗုံးကြဲခံရလို့ စစ်ရှောင် ၂ ဦး သေဆုံး

မန္တလေးတိုင်း သပိတ်ကျင်းမြို့နယ်ထဲ စစ်ရှောင်တွေ နေထိုင်တဲ့စခန်းတစ်ခုမှာ ဒရုန်းနဲ့ ဗုံးကြဲတိုက်ခိုက်ခံရလို့ စစ်ရှောင် ၂ ဦး သေဆုံးခဲ့တယ်လို့ ဖြစ်စဉ်သိရှိထားသူ အမျိုးသားတစ်ဦးက ရွှေဖီမြေကို ပြောပါတယ်။

စစ်ကောင်စီတပ်ထိုးစစ် တကောင်းမြို့အနီး ရောက်လာ၊ တကောင်းမြို့ကို တော်လှန်ရေးတပ်တွေ လက်လွှတ်ရဖွယ်ရှိနေ

အမျိုးသား ညီညွတ်ရေးအစိုးရ- NUG ထိန်းချုပ်ထားတဲ့ မန္တလေးတိုင်း သပိတ်ကျင်းမြို့နယ်ထဲရှိ တကောင်းမြို့အနီးကို စစ်ကောင်စီတပ် ရောက်ရှိနေပြီး တကောင်းမြို့ကို တော်လှန်ရေးတပ်တွေ လက်လွှတ်ရဖွယ် ရှိနေတယ်လို့ မြေပြင်သတင်းအရင်းအမြစ်တွေက ရွှေဖီမြေကို ပြောပါတယ်။

တိုက်ပွဲ ပြင်းထန်နေတဲ့ ဖားကန့်မြို့နယ်မှာ စစ်ကောင်စီတပ်ရဲ့ ဗုံးကြဲတိုက်ခိုက်မှုကြောင့် အမျိုးသမီးတစ်ဦး သေဆုံးပြီး ၃ နှစ်အရွယ် သားဖြစ်သူ ဒဏ်ရာရ

တိုက်ပွဲ ဆက်လက် ပြင်းထန်နေတဲ့ ဖားကန့်မြို့နယ်မှာ စစ်ကောင်စီတပ်ရဲ့ လေကြောင်း တိုက်ခိုက်မှုကြောင့် မိခင်ဖြစ်သူ သေဆုံးခဲ့ပြီး အသက် ၃ နှစ်အရွယ် သားက ထိမှန်ဒဏ်ရာ ရရှိခဲ့တယ်လို့ ဖားကန့်မြို့ခံ အမျိုးသားတစ်ဦးက ရွှေဖီမြေကို ပြောပါတယ်။

သိန္နီကနေ ကွတ်ခိုင်ဘက်တက်မယ့် ကုန်ကားအားလုံးကို သိန္နီမှာ ကိုးကန့်တပ်က ပိတ်ဆို့ထား၊ ကားတွေ နာရီနဲ့ချီ တန်းစီစောင့်ဆိုင်းရ

ဒီနေ့ မတ်လ ၇ ရက်ကစပြီး သိန္နီကနေ ကွတ်ခိုင်ဘက် ကုန်ကားတွေကို ပေးမဖြတ်တော့ဘဲ သိန္နီတိုးဂိတ်မှာ ကိုးကန့်တပ်- MNDAA က အကုန်လုံး ပိတ်ဆို့ထားပြီး ကားတွေလည်း နာရီနဲ့ချီ တန်းစီစောင့်ဆိုင်းနေရတယ်လို့ ကြုံတွေ့ခဲ့ရတဲ့ ကားသမားတွေက ပြောပါတယ်။

PNO က ဖမ်းဆီးသွားတဲ့ မောက်မယ်မြို့နယ် ဒုံပုံးရွာခံ ၃ ဦးထဲက ၂ ဦးကို‌‌ ပစ်သတ်ပြီး ကျန်တစ်ဦးကို ငွေ ၂၈ သိန်းနဲ့ ပြန်ရွေးခိုင်း

ရှမ်းတောင် မောက်မယ်မြို့နယ် ဒုံပုံးကျေးရွာခံ ၃ ဦးကို စစ်ကောင်စီ လက်အောက်ခံ ပအိုဝ်းပြည်သူ့စစ်- PNO က ဖမ်းဆီးသွားခဲ့တယ်လို့ PNLA ရဲ့ ပြောရေးဆိုခွင့်ရှိသူ ခွန်ရိန်းယံက ရွှေဖီမြေကို ပြောပါတယ်။

လားရှိုးမှာ သုံးရက်အတွင်း ကား ၃ စီးနဲ့ ဆိုင်ကယ် ၂ စီး ခိုးယူခံရပြီး စစ်ကောင်စီဘက်က အရေးယူနိုင်တာ မရှိသေး

စစ်ကောင်စီတပ် ပြန်လည်ထိန်းချုပ်ထားတဲ့ ရှမ်းမြောက် လားရှိုးမြို့မှာ သုံးရက်အတွင်း ကား ၃ စီးနဲ့ ဆိုင်ကယ် ၂ စီး ခိုးယူခံရပြီး စစ်ကောင်စီဘက်က အရေးယူနိုင်တာ မရှိသေးဘူးလို့ ဒေသခံတွေက ရွှေဖီမြေကို ပြောပါတယ်။

နမ္မတူမှာ စက်သုံးဆီ ကြိုက်ရောင်းကြိုက်ဝယ်စနစ်ဖြစ်နေပြီး အကန့်အသတ်နဲ့ ရောင်းပေးတဲ့ဆိုင်မှာ တစ်လီတာကို ၆ ထောင် ရောင်းချ

တအာင်းတပ်- PSLF/TNLA ထိန်းချုပ်ထားတဲ့ နမ္မတူမြို့မှာ စက်သုံးဆီ တစ်လီတာကို ၆ ထောင်ကနေ ၁ သောင်းခွဲအထိ ကြိုက်ရောင်းကြိုက်ဝယ်အဖြစ် ရောင်းချနေကြောင်း ရွှေဖီမြေက စုံစမ်းသိရှိရပါတယ်။

နမ္မတူမှာ PSLF/TNLA က ကားလိုင်စင် စတင်လုပ်ဆောင်နေပြီး လိုင်စင်ခကို အနည်းဆုံး ၃ သိန်းကနေ ၈ သိန်းအထိ ပေးရ

တအာင်းတပ်မတော်- PSLF/TNLA ထိန်းချုပ်ထားတဲ့ နမ္မတူမြို့မှာ မော်တော်ယာဉ် မှတ်ပုံတင် ကြီးကြပ်ရေးအဖွဲ့- VRT က ကားလိုင်စင် စတင်လုပ်ဆောင်ပေးနေပြီလို့ သိရပါတယ်။

အီရန် ပဋိပက္ခမှာ ညှိနှိုင်းဆွေးနွေးအဖြေရှာဖို့ စစ်ကောင်စီ တိုက်တွန်း

လက်ရှိ အရှေ့အလယ်ပိုင်းမှာ ဖြစ်ပွားနေတဲ့ တိုက်ပွဲပဋိပက္ခအတွင်း စစ်ကောင်စီရဲ့ နိုင်ငံခြားရေးဝန်ကြီးဌာနက မနေ့ မတ်လ ၆ ရက်မှာ ထုတ်ပြန်ချက်တစ်စောင် ထုတ်ပြန်လာပါတယ်။