လေကြောင်းတိုက်ခိုက်မှု

စစ်ကိုင်းတိုင်း မြင်းမှုမြို့နယ် ရွှေကျောင်းကန်ရွာကို စစ်ကောင်စီတပ်က လေကြောင်းကနေ ဗုံးကြဲတိုက်ခိုက်ခဲ့လို့ အသက် ၂ နှစ်အရွယ် ကလေး ၁ ဦးအပါအဝင် ၉ ဦးသေဆုံးခဲ့တယ်လို့ မြင်းမူမြို့နယ် မီးဘေးလုံခြုံရေး တာ၀န်ခံက ရွှေဖီမြေကို ပြောပြပါတယ်။

ကချင်ပြည်နယ် မိုးမောက်မြို့နယ်နဲ့ စစ်ကိုင်းတိုင်းဟုမ္မလင်းမြို့နယ်‌တွေထဲကို စစ်ကောင်စီတပ်က လေကြောင်းကနေ ဗုံးကြဲတိုက်ခိုက်လို့ အရပ်သား၇ ဦးထက်မနည်း သေဆုံးတာတွေရှိခဲ့တယ်လို့ ဖြစ်စဉ်သိရှိသူအမျိုးသားတစ်ဦးက ရွှေဖီမြေကိုပြောပါတယ်။

စစ်ကိုင်းတိုင်း မြောင်မြို့နယ် နဘက်စံပြကျေးရွာကို စစ်ကောင်စီတပ်က လေကြောင်းကနေ ဗုံးကြဲတိုက်ခိုက်လို့ အရပ်သား ၅ ဦး ဒဏ်ရာရရှိခဲ့တယ်လို့ မြောင်မြို့နယ် ပြည်သူ့ကာကွယ်ရေးတပ် TGR မှ တာဝန်ရှိသူတစ်ဦးက ရွှေဖီမြေကို ပြောပါတယ်။

စစ်ကိုင်းတိုင်း ခင်ဦးမြို့နယ် ညောင်ပင်ကြီးစုရွာကို စစ်ကောင်စီတပ်က လေကြောင်းနဲ့ ပေါင် ၂၅၀ ဗုံးကြဲချတိုက်ခိုက်လို့ ဒေသခံ အမျိုးသား ၂ ဦးနဲ့ အမျိုးသမီးတစ်ဦး သေဆုံးခဲ့ပြီး ၈ ဦးဒဏ်ရာရခဲ့တယ်လို့ ဒေသခံ အမျိုးသမီးတစ်ဦးက ရွှေဖီမြေကို ပြောပါတယ်။

ရခိုင်ပြည်နယ် ကျောက်ဖြူမြို့နယ် မီးကျောင်းရေသောက်ကျေးရွာထဲကို စစ်ကောင်စီက ဂျက်ဖိုက်တာယာဉ်ကို အသုံးပြုပြီး ဗုံးကြဲချခဲ့တာကြောင့် ရွာခံ အမျိုးသမီး ၂ ဦး ပွဲချင်းပြီး သေဆုံးသွားခဲ့တယ်လို့ ဒေသတွင်း သတင်းရင်းမြစ်တစ်ဦးဆီကနေ သိရပါတယ်။