လေကြောင်းတိုက်ခိုက်မှု

အာရက္ခတပ်တော်- AA ထိန်းချုပ်ထားတဲ့ ရခိုင်ပြည် ကျောက်တော်၊ ဂွနဲ့ ကျိန္တလီမြို့မှာ စစ်ကောင်စီတပ်ရဲ့ လေကြောင်း ဗုံးကြဲတိုက်ခိုက်မှုကြောင့် ဒေသခံ ၁၀ ဦး သေဆုံးခဲ့ပြီး ၂၄ ဦး ဒဏ်ရာ ရရှိခဲ့တယ်လို့ AA က ထုတ်ပြန်ထားပါတယ်။

ရှမ်းတောင်-ကရင်နီနယ်စပ် ဖယ်ခုံမြို့နယ် မိုးဗြဲမြို့အနီးမှာ စစ်ကောင်စီနဲ့ ကရင်နီ တော်လှန်ရေးတပ်တွေအကြား တိုက်ပွဲဖြစ်ပွားနေပြီး စစ်တပ်ဘက်က ဗုံးကြဲတိုက်ခိုက်နေတယ်လို့ မြေပြင်အခြေအနေ သိရှိသူတစ်ဦးက ရွှေဖီမြေကို ပြောပါတယ်။

စစ်ကိုင်းတိုင်း ဝက်လက်မြို့နယ်ရှိ နတ်ကုန်းရွာသစ်နဲ့ ဝက်လူးအိုင်ရွာထဲကို စစ်ကောင်စီတပ်ဘက်က အသေခံဒရုန်းနဲ့ ဗုံးကြဲခဲ့ရာ အမျိုးသမီးတစ်ဦး သေဆုံးပြီး အမျိုးသမီး ၂ ဦး ထိမှန်ဒဏ်ရာရခဲ့တယ်လို့ မြေပြင်အခြေအနေ သိရှိသူတစ်ဦးက ရွှေဖီမြေကို ပြောပါတယ်။

ကရင်နီပြည်နယ် ဒီးမော့ဆိုမြို့အနောက်ဘက်ခြမ်းက ကျေးရွာမှာ တိုက်ပွဲဖြစ်ပွားခြင်းမရှိဘဲ စစ်ကောင်စီတပ်က လေကြောင်းကနေ ဗုံးကြဲတိုက်ခိုက်ခဲ့တာကြောင့် အသက် ၃၈ နှစ်အရွယ် ဘာသာရေးဆရာတစ်ဦး သေဆုံးခဲ့ရတယ်လို့ မြေပြင်သတင်းရင်းမြစ်တစ်ဦးက ရွှေဖီမြေကို ပြောပါတယ်။

အာရက္ခတပ်တော်(ULA/AA) ထိန်းချုပ်ထားတဲ့ ရခိုင်ပြည်နယ်တောင်ပိုင်း၊ ရမ်းဗြဲမြို့နယ်နဲ့ တောင်ကုတ်မြို့နယ်မှာရှိတဲ့ စစ်ဘေးရှောင်နေရာတွေကို စစ်ကောင်စီက လေကြောင်းတိုက်ခိုက်လို့ စစ်ဘေးရှောင် ၂ ဦး သေဆုံးပြီး ၅ ဦးထက်မနည်း ဒဏ်ရာရရှိခဲ့တယ်လို့ ဒေသခံတွေက ရွှေဖီမြေသို့ ပြောပါတယ်။

စစ်ကိုင်းတိုင်း ခင်ဦးမြို့နယ်မှာ စစ်ကောင်စီတပ်ရဲ့ လေကြောင်း တိုက်ခိုက်မှုကြောင့် ဒေသခံ ၄ ဦး သေဆုံးခဲ့ပြီး ၈ ဦးထက်မနည်း ဒဏ်ရာ ရရှိခဲ့တယ်လို့ ဒေသခံ အမျိုးသားတစ်ဦးက ရွှေဖီမြေကို ပြောပါတယ်။