Ta’ang Edition

ကဝ်အီကဒံပ်တောပ် တာဘြောင်ရဝ်ကုင်ငှေါႇကဲအူအီး က္လာင်းတဖုင်ဆျှိုည်ဖီမျေဒါႈ ဒီထိင်ခြဲတံပ်ဆီုက်တအာင်း PSLF/TNLA ကဲ ပကပီုန်ဆျှံမ်ကဒါႇပိူည် ပကုင်ငှေါႇနီန် ဂေါႇမိုႈအ်ုန်မိုႈ ခိင်တီႇဆ်ုမ် တိုအီးအရာပ်ကဲတဂီုင်နီန် ကနာည်နံင်ဘိူန်းဟံပ်အိုမ် ခေဲင်ကတာည်းဂီုင်နီန် ပ်ုန်ကိူဝ်ႈကဲတခြီရ် ရကႎိုည်ဒီခြံင်အိုမ်နီန် ကဲဒါႈနံင်ဇံင်းဟာဝ်း ဘည်ကိူဝ်ႈခြီရ်နီန် အူကဇေန်

ဘိူန်းအယ်နံပ်မိုႈတ ငံရ်ကဆူမ်းဟာဝ်း KTV အီဂေါည်ပကီုင်းမူစယ် ကပီုန်ဆျှံမ်ကဒါႇပိူည် အ်ုန်အီမိုႈဒီပ်ုန်ထိင်ခြဲအူန်း တံပ်ကညာအာဏာဆီုက်ဇေဝ်ကဲအောႏ။

ဘိူန်းအယ်နံပ်တောပ်စြာင်း ကာ်မ်မတီ လံပ်ႎီရ်ပျိူဝ်ႇယိူဝ်ႇ ရဝ်ကော်င်တံပ်ကဲ မိုႈတဖုင်လံပ်လောတ်လာပ်ခါင် – KIO ကဲ ကဇောည်ဒဲႈရိူန်း ကနာည်လံပ်ႎီရ်ပျိူဝ်ႇယိူဝ်ႇ ရဝ်ကော်င်တံပ်နီန် 550ဆဲန်အောႏ။

တိုအီးအရာပ်ကဲမှာန်းဒါႈ ဆိင်ဒဲႈ ကဝ်အီမိူဝ်ႈဇီုင်းကပ္လိူင်ခေဲင်ကဲ ဒေဲႈဆာင်းလာင်းဒဲႈ မဴင်ပ်ုန်တီႇခေဲင်ကတာည်း ကာည်း လာက်နာက်ပ်ုန်ကီုက်ခေဲင်တီုက်နာန်းနီန် အ်ုန်အီမိုႈ ဒီႎီရ်ထိင်ခြဲ တံပ်ကညာအာဏာဆီုက်ဇေဝ်ကဲ ခေဲင်လှံင်နောင်ခေဝ်နီန် ဂေါႇမိုႈတိုအီးအရာပ်ကဲ ဂီုည်ငျားဇာဝ်းဒေဂီုန်းမဴင်နီန်အောႏ။

တံပ်နာန်းတအာင်း – TNLA ကဲ ရိူရ်ႈလေႈပ္လါႇဘေဲႇ ကဘ္လာင်းဆာင်လာင် ခည်ကျံရ်မေ ဆငည်း 31ဒိူန်ဒါႈ ယာမ်းညပ်ုန်ကစုအူန်းကဲ ကနာည်နံင်ဒါတ ဇီုင်းကာန်ဘီုင်မာဝ်း ခေဲင်ရဝ်ကော်င်တံပ် လှံင်အေဲမ်ခြီရ်နီန် ပဒူႈဟာဝ်းအောႏ။

တိုအီးခေဲင်ရမာအ်ုန်ကဲအူအီး က္လာင်းတဆျှိုည်ဖီမျေဒါႈ ကောန်အီပ်ုန်ဒဲႇ ကဝ်အီဟာဝ်းရေဲန်ဇီုင်းကာန် ရဲ့ကောန်ဒဲႇ ပကီုင်းလောက်ကည် အ်ုန်အီမိုႈဒီပ်ုန်ထိင်ခြဲအူန်း တံပ်ကိုးကာင်း – MNDAA ကဲနီန် 1အီး ဟြာည်ကမာ်ႈဟာဝ်းဖါ်ႈ အာဝ်ဘိူန်းယာ့် ကဆီုပ်ကဘားတရမာအ်ုန်ကဲအောႏ။