ဆုမွန်၊ ကျံရ်ဇူန် ဆငည်း 9၊ တာန်ယာန်
ကဝ်အီမိူဝ်ႈဇီုင်းကပ္လိူင် ခေဲင်ဖုင်ပျံတ်ငံရ် ပကီုင်းတာန်ယာန်နီန်အူအီး က္လာင်းဒါႈ ဂေါႇမိုႈဘြည်က္လာည်းကဆဝ်းနီန် အ်ုန်ပဲန်ဖါ်ႈ ကတာည်းတက္လာ်ႈ ကတ်ုတ်ယံမ်းကောန်အီပ်ုန်အူအီးအောႏ။
အမှိူဝ် ကျံရ်ဇူန် ဆငည်း 8 ခီညှာဇေဝ်ဒိူန် အ်ုန်ပဲန်ဖါ်ႈကတာည်းတက္လာ်ႈ ကတာည်းတက်ုတ် ယံမ်းဟာဝ်းဖါ်ႈ ကောန်အီပ်ုန် အ်ုန်အီဘိူန်းအဆာက် 45 ဆန်ုမ်နီန်အောႏ။
ကဝ်အီမိူဝ်ႈဇီုင်းကပ္လိူင် ခေဲင်ဖုင်ပျံတ်ငံရ်နီန်အူအီး က္လာင်းဒါႈ “အ်ုန်က္လာည်းပါ်ဆိူမ်။ ခေဲင်ဇံင်ပေန်ခ္လဒိူန်မာ် အိုမ်ဒါင်း။ ကတာည်းပ်ုန်ဘိအူန်းကဲ အ်ုန်အီထိင်အူန်း ရေင်လိုင်းနီန် ပ်ုန်ဖါ်ႈတက္လာ်ႈ တက်ုတ်ဟာဝ်းဂါင်ကဲ။ ခေဲင်ဂါင်ကဲ အ်ုန်မိူဝ်ႈတိုအီး အာရ်အီး။ ကောန်အီပ်ုန်ဒီန် ကတာည်းတက္လာ်ႈဖါ်ႈစီ တက်ုတ်ဟာဝ်းအ်ုန်။ ကောန်ကညောမ်စီ အာဝ်ဘာည်းဆေ”။
ကဲဒါႈ ဆာ်မိုႈ တိုပိုင်းခန္ဓာယံမ်း ကောန်အီပ်ုန်ဒီန်မိုႈ ဖုင်ပျံတ်ငံရ်တာန်ယာန်ကဲ ဟြီုက်ဖါ်ႈစီ တာင်တိုန်းပယုင်ဆနံမ်ဒါင်းအောႏ။
ခေဲင်အာရ်အိုည်ဆငည်းနီန် ဆဲႈဒါႇ ပကပီုန်ဆျှံမ်ကဒါႇပိူည် ခေဲင်ကီုင်းတာန်ယာန်နီန် အ်ုန်အီမိုႈ ပကပီုန်ဆျှံမ်ကဒါႇက်ြုမ် ပကီုင်းတောင်ကြီး ကဒါႇကီုင်းညောင်ရွှေနီန်မာ် ဂေါႇမိုႈဘြည်က္လာည်းကဆဝ်းဖါ်ႈ အ်ုန်ပဲန်ဟာဝ်း အိုမ်ဒါင်းအောႏ။
ကဝ်အီကပ္လါႇဆဒါင် – လိုည်ပိုႈဆပေ
~ ~ ~
ဆဒါင်ဖုင်ယဲဆျှိည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
