ဆျှိုည်ဖီမျေ၊ ကျံရ်ဇူန် ဆငည်း 1၊ အေဲမ်ခြီရ်
တံပ်နာန်းတအာင်း – TNLA ကဲ ရိူရ်ႈလေႈပ္လါႇဘေဲႇ ကဘ္လာင်းဆာင်လာင် ခည်ကျံရ်မေ ဆငည်း 31ဒိူန်ဒါႈ ယာမ်းညပ်ုန်ကစုအူန်းကဲ ကနာည်နံင်ဒါတ ဇီုင်းကာန်ဘီုင်မာဝ်း ခေဲင်ရဝ်ကော်င်တံပ် လှံင်အေဲမ်ခြီရ်နီန် ပဒူႈဟာဝ်းအောႏ။
ယာမ်းညပ်ုန်ကစုအူန်းကဲ ခေဲင်ရဝ်ကော်င်တံပ်နီန် အ်ုန်ပဒူႈဟာဝ်းဖါ်ႈ ခည်ကျံရ်မေ ဆငည်း 31 ခိင်ဆံန်ကပံတ် 12နြီလေႈအူကဒည်ဒိူန် ဂေါႇပ်ုန်ကဒူႈဟာဝ်းဒီန် ဘည်ဘိူန်းဟာဝ်း တိုအီးခေဲင်အရာပ်ကဲ တဖေးဆဲဝ် ဂါင်ဂေါည်ကဲမံင်ခ္လမာ် ဟည်လူလှေဲဝ်ႏဟာဝ်းအောႏ။
ဖုင်ယဲဆျှိုည်ဖီမျေ ဘိူန်းတခေါရ်နံပ် တတိုအီးခေဲင်အရာပ်ကဲဒါႈ ဂေါႇပ်ုန်ပဒူႈဟာဝ်းဒီန် ကောန်အီပ်ုန် 25အီးကာည်း ကောန်အီမာည်း 30အီး ဟည်ယံမ်းဟာဝ်းဖါ်ႈ အီဘာတ်မာ် ဂေါည်ပွံတ်ပေန်ကိူရ်အီးအောႏ။
တံပ်နာန်းတအာင်း – TNLA ကဲ က္လာင်းအူန်း ဘည်နောႈခေဲမ်ကဲတောပ်ရမာ ကဲအီဒါ့်ကီုတ်အူန်းကဲနီန် ကနာည်တိုအီးခေဲင်အရာပ် ကဲအီဘ်ုပ်ချှူမ်ဟာဝ်း ဂေါႇပ်ုန်ပဒူႈကဲနီန်အောႏ။
ယာမ်းညအ်ုန်အီပဒူႈဟာဝ်းကဲနီန် ကဲဒါႈမိုႈယာမ်းည ပ်ုန်ကစုအူန်း ကနာည်နံင်ဒါ ခေဲင်ဇီုင်းကာန်ဘီုင်မာဝ်း တီုင်ဌာနလံပ်ဘြောင်ရိူန်းခြီရ် TNLA ကဲယာ့်အောႏ။
ကဲဒါႈအူန်းဘိုး ကဲနံင်စေတ်မေန်းကတီးကရီးဖါ်ႈ ဘည်မိုႈဘည်ဘာည်း တောပ်ပ်ုန်ပဒူႈဟာဝ်းနီန် နံင်တိူဝ်ႈလာည်းအရေး တကဲအီရံပ်ဇီုင်းကပ္လိူင်ကဲနီန်အောႏ။
ဆဲႈဒါႇဒီန် ကဲပ္လိူရ်ႈအူန်းဘိုးဒါႈ ကဲနံင်ကပိုမ်ဒါတောပ် တီုင်ဌာနအီကဆီုဝ်ကဆဲင်ကဲ ရေဲန်ဟာဝ်းချာ်န်းချာ်န်း ဇီုင်းကာန်လံပ်ကဇောည်၊ ဘည်တိူရ်ႈမေန်းခေါခါႇကာည်း လံပ်ႎီရ်ပျိူဝ်ႇယိူဝ်ႇ ကနာည်ကူန်ရဝ်မာဂါင် ကဲအီကတူႈချှူမ်ဟာဝ်း ဂေါႇပ်ုန်ပဒူႈနီန်ယာ့်အောႏ။
ကဝ်အီကပ္လါႇဆဒါင် – Lway N Tra
~ ~ ~
ဆဒါင်ဖုင်ယဲဆျှိည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
