နိုင်ငံရေး

ဓနုတော်လှန်ရေး လက်နက်ကိုင်အင်အားစု၊ အရပ်ဖက်အဖွဲ့အစည်း၊ အမျိုးသမီးနဲ့လူငယ်၊ ပညာရှင်၊ CDM၊ ၈၈ မျိုးဆက်၊ စာပေနဲ့ယဉ်ကျေးမှု ဖွံ့ဖြိုးတိုးတက်ရေးအတွက် တက်ကြွလှုပ်ရှားသူ၊ ပြည်တွင်းပြည်ပရှိ ဓနုအင်အားစုအားလုံးပါဝင်တဲ့ ဓနုအမျိုးသားအဆင့် ဆွေးနွေးညှိနှိုင်းပွဲဖိုရမ်ကို အဆင့်ဆင့် ကျင်းပပြုလုပ်ခဲ့ပြီး ဓနုအမျိုးသားဖက်ဒရယ်ကောင်စီ- DNFC ကို ဖွဲ့စည်းခဲ့တယ်လို့ ထုတ်ပြန်ချက်အရ သိရပါတယ်။

စစ်ကောင်စီရဲ့ ရွေးကောက်ပွဲကနေ ထွက်ပေါ်လာတဲ့ ပြည်ထောင်စုလွှတ်တော်က ရွေးချယ်တင်မြှောက်ပြီး သမ္မတဖြစ်လာတဲ့ အာဏာသိမ်း စစ်ခေါင်းဆောင် မင်းအောင်လှိုင်ကို ရှမ်းနီအမျိုးသားများတပ်မတော် (SNA)၊ ရခိုင့်ဦးဆောင်ပါတီ AFP နဲ့ မိုင်းလားတပ် NDAA တို့က ဂုဏ်ပြုကြောင်း သဝဏ်လွှာတွေ ပေးပို့ခဲ့ကြပါတယ်။

စစ်ကောင်စီ ကျင်းပတဲ့ ရွေးကောက်ပွဲကနေ ထွက်ပေါ်လာတဲ့ ပြည်ထောင်စုလွှတ်တော်ကနေ ရွေးချယ်တင်မြှောက်ပြီး သမ္မတဖြစ်လာတဲ့ အာဏာသိမ်း စစ်ခေါင်းဆောင် ဦးမင်းအောင်လှိုင်ကို ဂုဏ်ပြုကြောင်း “ဝ” တပ်ဖွဲ့ – UWSA က ဒီနေ့ ဧပြီ ၃ ရက်မှာ ထုတ်ပြန်ပါတယ်။

“ဝ” တပ်မတော် – UWSA က လူသတ်မှု ကျူးလွန်သူ နောက်ထပ်အမျိုးသားတစ်ဦးကို လူမြင်ကွင်းရှေ့မှာ သေဒဏ်ချမှတ်ပြီး သေဆုံးသူရဲ့ ရုပ်အလောင်းကို ဖျောက်ဖျက်ရာမှာ ကူညီပေးတဲ့ ရည်းစားဖြစ်သူ အမျိုးသမီးကိုတော့ ထောင်ဒဏ်ချမှတ်ခဲ့တယ်လို့ “ဝ” ပြည်တရားစီရင်ရေးကော်မတီ – WSP က ထုတ်ပြန်ခဲ့ပါတယ်။

မတ်လ ၃၁ ရက်က စစ်ကောင်စီရဲ့ ခေါင်းဆောင်သစ်တွေဖြစ်လာတဲ့ တပ်မတော်ကာကွယ်ရေးဥဦးစီးချုပ်သစ် ဗိုလ်ချုပ်ကြီး ရဲဝင်းဦးနဲ့ ဒုတပ်ချုပ် ဗိုလ်ချုပ်ကြီး ကျော်စွာလင်းကို ဂုဏ်ပြုကြောင်း မိုင်းလားတပ်- NDAA က မနေ့ မတ်လ ၃၁ ရက်မှာ ထုတ်ပြန်လာပါတယ်။

စစ်ကိုင်းတိုင်းထဲက ထီးချိုင့်မြို့တစ်ခုလုံးကို စစ်ကောင်စီတပ်က ပြန်လည်ထိန်းချုပ်လိုက်ပြီလို့ မြေပြင်သတင်းအရင်းအမြစ်တချို့က ရွှေဖီမြေကို ပြောပါတယ်။