The Latest

မုံးကိုးမှာ TNLA ထံ တာဝန်ထမ်းဆော​င်သူတွေရဲ့ စာရင်းကို ကိုးကန့်တပ် တောင်းခံနေ၊ ဖမ်းဆီးခံထားရတဲ့ တပ်သားတွေလည်း ရှိနေ

ကိုးကန့်တပ် MNDAA က ၎င်းထိန်းချုပ်ထားတဲ့ ရှမ်းမြောက် မူဆယ်မြို့နယ် မုံးကိုးမြို့က တအာင်းရွာတွေကို အစည်းအဝေးခေါ်ယူပြီး ရွာထဲက တအာင်းတပ် TNLA ထံ တာဝန်ထမ်းဆောင်တဲ့ သူတွေရဲ့ စာရင်းတွေ တောင်းခံနေတယ်လို့ ဒေသခံတွေက ပြောပါတယ်။

ကွတ်ခိုင်မြို့ပြင်ရှိ တအာင်းကျေးရွာတွေကို ကိုးကန့်တပ်က ဒရုန်းနဲ့ ဗုံးကြဲတိုက်ခိုက်နေပြီး ရွာတွင်း ဝင်ရောက်စီးနင်းတိုက်ခိုက်နေ၊ ရွာခံတချို့ ဖမ်းဆီးရိုက်နှက်ခံရ၊ အများအပြားတိမ်းရှောင်နေရ

တအာင်းတပ် ထိန်းချုပ်ခဲ့တဲ့ ကွတ်ခိုင်မြို့ကို အလစ်ငိုက် ဝင်ရောက်တိုက်ခိုက်ခဲ့တဲ့ ကိုးကန့်တပ် – MNDAA က ကွတ်ခိုင်မြို့အနီးရှိ လွယ်ဆိုင်နဲ့ ပန်ဆေးရွာတွေကို ဒရုန်းနဲ့ ဗုံးကြဲတိုက်ခိုက်နေပြီး ရွာခံတချို့ကို ဖမ်းဆီးရိုက်နှက်တာတွေ ပြုလုပ်နေတယ်လို့ ဒေသခံတွေက ပြောပါတယ်။

စစ်ရေးပဋိပက္ခကနေ လူမျိုးရေးပဋိပက္ခ ဦးတည်တဲ့လုပ်ရက်ကို ချက်ချင်းရပ်ပြီး တွေ့ဆုံညှိနှိုင်းအဖြေရှာဖို့ တအာင်းအရပ်ဘက်အဖွဲ့အစည်းများကွန်ရက် တောင်းဆို

စစ်ရေးပဋိပက္ခကနေ လူမျိုးရေးပဋိပက္ခ ဦးတည်တဲ့လုပ်ရက်တွေကို ချက်ချင်းရပ်ပြီး တွေ့ဆုံညှိနှိုင်းအဖြေရှာဖို့ ကိုးကန့်တပ် MNDAA နဲ့ တအာင်းတပ် TNLA တို့ကို တအာင်းအရပ်ဘက် အဖွဲ့အစည်းများကွန်ရက် (TCSO) က ထုတ်ပြန်တောင်းဆိုထားပါတယ်။

ကွတ်ခိုင်မြို့ တစ်ခုလုံးကို ကိုးကန့်တပ် ထိန်းချုပ်

တအာင်းတပ်မတော် – PSLF/TNLA ထိန်းချုပ်ထားတဲ့ ရှမ်းမြောက် ကွတ်ခိုင်မြို့ကို ကိုးကန့်တပ် – MNDAA က နှစ်ရက်ကြာ ထိုးစစ်ဆင်တိုက်ခိုက်ခဲ့ပြီး မြို့တစ်ခုလုံးကို ထိန်းချုပ်လိုက်ပြီလို့ ဒေသခံတွေက ပြောပါတယ်။

တအာင်းတပ်ကို ထိုးစစ်ဆင်နေချိန် ကိုးကန့်တပ်နဲ့စစ်ကောင်စီ လားရှိုး ဆင်၂ကောင်ဟိုတည်မှာ တွေ့ဆုံနေ

ဒီနေ့ မတ်လ ၁၆ရက်နေ့ မနက် ၁၀နာရီ ၁၀မိနစ်မှာ ကိုးကန့်တပ်-MNDAAနဲ့ စစ်ကောင်စီတပ်တို့ တွေ့ဆုံဖို့ ပြုလုပ်နေတယ်လို့ ရွှေဖီမြေက စုံစမ်းသိရပါတယ်။

နမ့်ဖက်ကာ- နမ့်ခမ်းကြား ၁၂မိုင်ရွာအနီးမှာ ကိုးကန့်တပ်က ဒရုန်းဗုံးရာချီ အသုံးပြုပြီး ဆက်လက်တိုက်ခိုက်နေ

တအာင်းတပ်ထိန်းချုပ်ထားတဲ့ နမ့်ခမ်းမြို့နယ်နဲ့ နမ့်ဖတ်ကာမြို့အစပ် ၁၂ မိုင်ကျေးရွာအနီးကို ကိုးကန့်တပ်- MNDAAက ဒရုန်းဗုံးသီးအများအပြားနဲ့ ဆက်တိုက်ရောက်ကြဲချတိုက်ခိုက်နေတယ်လို့ မြေပြင်သတင်းအရင်းမြစ်တွေက ရွှေဖီမြေကို ပြောပါတယ်။

ကွတ်ခိုင်တိုက်ပွဲအတွင်း ဟိုကျန့်ရွာ အမျိုးသမီးတစ်ဦး ဒရုန်းဗုံး ထိမှန်ပြီး သေဆုံး

ကိုးကန့်တပ် – MNDAA ဘက်က တအာင်းတပ် – TNLA ကို အပြင်းအထန် ထိုးစစ်ဆင်တိုက်ခိုက်နေတဲ့ ရှမ်းမြောက် ကွတ်ခိုင်မြို့အနီးမှာ အမျိုးသမီးတစ်ဦး ဒရုန်းဗုံးထိမှန်ပြီး သေဆုံးသွားခဲ့တယ်လို့ ကွတ်ခိုင်မြို့ခံ အမျိုးသမီးတစ်ဦးက ပြောပါတယ်။

ညီနောင်မဟာမိတ် ၃ဖွဲ့ ပူးပေါင်းထိန်းချုပ်နေရာအားလုံးက တအာင်းတပ်အလံအားလုံးကို ကိုးကန့်တပ်က ဖြုတ်ချ၊ တအာင်းတပ်နဲ့ ဆက်စပ်သူ လူရာချီ ဖမ်းသွား

ညီနောင်မဟာမိတ် ၃ဖွဲ့ဖြစ်တဲ့ အာရက္ခတပ်တော်(AA)၊တအာင်းတပ်(TNLA)နဲ့ကိုးကန့်တပ်(MNDAA)တို့ ပူးပေါင်းတိုက်ယူထားပြီး အုပ်ချုပ်ထားတဲ့နေရာအားလုံးက တအာင်းတပ်အလံကို ကိုးကန့်တပ်က ဖြုတ်ယူသွားပြီး လူရာနဲ့ချီကိုလည်း ဖမ်းဆီးသွားတယ်လို့ စုံစမ်းသိရပါတယ်။

TNLA နဲ့ MNDAA အကြား ဖြစ်ပွားနေတဲ့ တိုက်ပွဲတွေကိုတွေ့ဆုံဆွေးနွေးနည်းနဲ့ အဖြေရှာဖို့ ကျန်းမာရေးမိသားစု (မန္တလေး) တိုက်တွန်း

တအာင်းတပ်- TNLA နဲ့ ကိုးကန့်တပ်- MNDAA အကြား ဖြစ်ပွားနေတဲ့ တိုက်ပွဲတွေကို တွေ့ဆုံဆွေးနွေးနည်းနဲ့ အဖြေရှာဖို့ ကျန်းမာရေးမိသားစု (မန္တလေး) က ဒီနေ့ မတ်လ ၁၅ ရက်မှာ ထုတ်ပြန်ချက် ထုတ်ပြီး တိုက်တွန်းထားပါတယ်။

ကိုးကန့်တပ် ထိုးစစ်တဲ့နေရာမှလွဲလို့ ကျန်နေရာအားလုံး တအာင်းတပ်က ပစ်ခွင့်မပေးသေးဘူးဟု ဆို၊ ပြည်ထောင်စု လမ်းမတစ်လျှောက်ရှိ တအာင်းတပ်ကို ကိုးကန့်တပ်က ဖယ်ရှား

မနေ့ မတ်လ ၁၄ရက်နေ့ မနက်ပိုင်းကစပြီး ကိုးကန့်တပ်-MNDAAက ကွတ်ခိုင်အပါအဝင် ပြည်ထောင်စုလမ်းတစ်လျှောက် တအာင်းတပ်-TNLA တပ်စခန်းအများအပြားကို ထိုးစစ်ဆင် ဖယ်ရှားခဲ့ပေမယ့် ထိုးစစ် ခုခံနေရတဲ့နေရာတွေကလွဲလို့ ကျန်နေရာအားလုံး တအာင်းတပ်ဘက်က ပစ်မိန့်မပေးသေးဘူးလို့ စုံစမ်းသိးပါတယ်။