Browsing Category

Ta’ang Edition

239 posts

ပလာဆေဝ် ကနာည်နံင်ဘိူန်းဇိူရ်ႈ အိုမ်ပျြံင်ထာတ် ဘ်ုပ်ဟာဝ်းဇံင်းကယည်ဖါ်ႈ အိုရ်ဆီုင်ခည်ဆိူမ် အိုမ်ပျြံင်ထာတ် အူလီတာမာ် ခံန်ဟိုက်ဒေဲႈပွံတ် ဘံင် 1မှီုန်လေႈဖံန်ဟြဲင်

ဘိူန်းအယ်တခေါရ်နံပ်တ တိုအီးခေဲင်အရာပ်ကဲဒါႈ ဂေါႇမိုႈအိုမ်ပျြံင်ထာတ် ပကီုင်းလာဆေဝ် ကပီုန်ဆျှံမ်ကဒါႇပိူည် အ်ုန်အီမိုႈဒီပ်ုန်ႎီရ်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် စီပဲန်ကား ဆဲင်ကယ်ကဲ ဘ်ုပ်ဇံင်းအူန်းဖါ်ႈ ကနာည်နံင်ဘိူန်းဇိူရ်ႈ အိုမ်ပျြံင်ထာတ်နီန်အောႏ။

ပလာဆေဝ် ကဲတိုည်းဖါ်ႈ မှာန်းရိူန်းတကား အီမိုႈနံမ်ဘာတ်လျေဲဝ် လေႈဆငည်းကိူပ်ကာည်း ကားအီမိုႈနံမ်ဘာတ်ကိူပ် လေႈဆငည်းလျေဲဝ်နီန်

ဇူႈပွံတ်ကျံရ်မာချှ် ဆငည်း 20 ဒိူန် ရောတ်စာ်မ်းခိင်ညှာကျံရ်မာချှ် ဆငည်း 23နီန် ဖုင်ငိူပ်မေန်းယာန်ကဲ ဂီုည်နှံက်ဒေတိုည်း မှာန်းရိူန်းတ ကားဆဴင်ကယ် ဆငည်းကိူပ်နီန် နံမ်ဘာတ်လျေဲဝ်၊ ဆငည်းလျေဲဝ်နီန် နံမ်ဘာတ်ကိူပ် ရအာည်ႇလူမ်ဇီုင်းကာန်ဆငါး အီဂေါည်ခေဲင်ဇံင် (1) ရီမ်းပြောအဝိုင်းပတ် ကီုင်းလာဆေဝ်အောႏ။

တံပ်ကညာအာဏာဆီုက်ဇေဝ်ကဲ ကနာည်နံင်ဘိူန်းဒေထိင်ခြဲဟာဝ်း တောပ်ဒေင် မိူင်မီတ် – တွင်းငယ်နီန် ကဲပွံတ်ဆီုက်ငါးအာရ်ကဒါႇနီန် တီုက်ဟာဝ်းဖါ်ႈ ပ္လေါည်ကတီုက်ကပဴင်နီန်မာ် ပဲန်ကရဲင်

ကဝ်အီဒဲႈဆဒါင် အ်ုန်အီဂေါည်ခေဲင်အရာပ်ကဲ က္လာင်းတဖုင်ဆျှိုည်ဖီမျေဒါႈ တံပ်ကညာအာဏာဆီုက်ဇေဝ်ကဲ ဒေင်အ်ုန်အီတောပ်အရေး ကနာည်လံပ်ဆီုက် ဒေင်မိူင်မီတ် ကာည်း လှံင်သပိတ်ကျင်း ဒေင်ရဝ်တွင်းငယ်နီန် ကနာည်နံင်ဘယ်ကဲဒေထိင်ခြဲဟာဝ်း ကဲဂေါည်ပွံတ်ဒေဒါ ဆီုက်ငါးအာရ်ကဒါႇနီန် တီုက်ဟာဝ်းဖါ်ႈ ပ္လေါည်ကတီုက်ကပဴင်နီန်မာ် ပဲန်ကရဲင်ခည်းအောႏ။

တံပ်ကိုးကာင်းကဲ ကပျောဒါႈ ခေဲင်ရဝ်တအာင်း ကဲအီဟောည်ႇဘိူန်းအဆာက် 18ဆန်ုမ် အီဂေါည်ခေဲင် 105မဲင်ကဲနီန် နံင်လိုဒေဲႈထာမ်းဒိုႇ ဇီုင်းကာန်ဆီုက်၊ တကောန်ဆီုက် TNLA ကဲမာ် ကဲက္လာင်းဖါ်ႈ ကနာည်နံင်ထာမ်းဇီုင်းကာန်ဆီုက်တကဲ ဒါႈနံင်ဒဲႈရူရ်ႈကျံရ်

တိုအီးခေဲင်အရာပ်ကဲ က္လာင်းဒါႈ တံပ်ကိုးကာင်း – MNDAA ကဲ ကပျောတိုအီးရဝ်တအာင်းကဲ အီဂေါည်ပ 105မဲင် လှံင်မူစယ်ကဲနီန်ဒါႈ ကဲအီဘိူန်းအဆာက် 18ဆန်ုမ်ကဲဒိူန် နံင်လိုဒေဲႈထာမ်းဒိုႇ ဇီုင်းကာန်ဆီုက်တကဲအောႏ။

ခိင်ထိုးလီပ်ကဲ အ်ုန်အီမိုႈ ဘဝ်ကီုက်ဒါင်းကဲ TNLA နီန် MNDAA ကဲ ပ္လေႈလေႈဘိုး ကောန်ဆီုက်တံပ်ကညာအာဏာဆီုက်ဇေဝ်ကဲ 100 အီး ခေဲင် 5 ကျံရ်နီန် ကဲပ္လေႈလေႈကောန်ဆီုက် ပ်ုန်ဘိူန်းတိုည်းကဲ 1 ဟြဲင်လေႈ

ကဝ်အီဒဲႈဆဒါင် အ်ုန်အီကဒံပ်တောပ် MNDAA ကဲ က္လာင်းတဖုင်ဆျှိုည်ဖီမျေဒါႈ တံပ်ကိုကာင် MNDAA ကဲ ပ္လေႈလေႈဘိုး ကောန်ဆီုက်ပ်ုန်ဘိူန်းတိုည်းကဲ လံမ်တံပ်ကညာအာဏာဆီုက်ဇေဝ်ကဲ 100 အီး အမှိူဝ်ကျံရ်မာချှ် ဆငည်း 18 ခေဲင်ကီုင်းလာဆေဝ်နီန်အောႏ။

ပ္လေါည်ကတီုက်ကပဴင် ဆငည်းအာရ် ပ်ုန်ပဲန်ဒေဲ;ခနားဖုင်ဘဝ်ကီုက်ဒါင်းကဲ 2ဖုင်နီန် ပအေဲမ်ကိုက် ဆီုင်ဂီုည်ရဲင်အူန်း၊ ဘည်ထိုး MNDAA ကဲမာ် ဂီုည်ကႎိင်ဟာဝ်းကဒါႇ ဗျူဟာကုန်း

ာည်းရူပ၊ ကျံရ်မာချှ် ဆငည်း 15၊ အေဲမ်ကိုက် တိုအီးခေဲင်အရာပ်အေဲမ်ကိုက်ကဲ က္လာင်းတဆျှိုည်ဖီမျေဒါႈ ပ္လေါည်ကတီုက်ကပဴင် ပ်ုန်ပဲန်ခနား ဖုင်ဘဝ်ကီုက်ဒါင်း အီမိုႈတံပ်နာန်းတအာင်း –…

တံပ်ကိုကာင်ကဲဟည်ဒဲႈ လည်ပေန်ခ္လခ္လေါႈ ယိူဝ်ႇလာဆေဝ် ဟာဝ်းကဒါႇဒီထိင်ခြဲ တံပ်ဆီုက်တအာင်းကဲ ပအိုမ်ငျံရ်နီန်

ဘိူန်းအယ်နံပ်တ ကညာကားကဲပေန်ခ္လဒိူန်ဒါႈ တံပ်ကိုကာင် MNDAA ဟည်ဒဲႈလည်ပေန်ခ္လဒိူန်ခ္လေါႈဟာဝ်း ယိူဝ်ႇကဒါႇလှံင်လာဆေဝ် ဟာဝ်းကဒါႇထိင်ခြဲ တံပ်ဆီုက်တအာင်း TNLA ကဲ ပအိုမ်ငျံရ်နီန်အောႏ။

ဂေါႇမိုႈကဝ်အီဇိူရ်ႈကားနီန် ဒါဘိုတ်ဘြူႈ ကောန်အီမာည်း 2အီး ဂါရ်အီကဇိူရ်ႈကယံင်းကား ပတော်င်စီး စီပဲန် 1အီးယံမ်းဖါ်ႈ ဘာတ်အူအီး

ဂေါႇမိုႈကဝ်အီဇိူရ်ႈကားနီန် ဒါဘိုတ်ဘြူႈ ဂါရ်ႎါႎည်း 2အီး အီကဇိူရ်ႈကယံင်းကား ပကီုင်းအေးသာယာ လှံင်တော်င်စီး ကပီုန်ဆျှံမ်ကဒါႇက်ြုမ် အ်ုန်အီမိုႈ ဒီပ်ုန်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် စီပဲန် ကဝ်အီမိုႈႎါးအ်ုန် ယံမ်းဖါ်ႈ ကဝ်အီမိုႈႎည်းစီ ကတူႈဟာဝ်းဖေးဆဲဝ်အောႏ။

ပ 105 မဲင်နီန် မဴင်ပ်ုန်ငျားကဲဒေကိုႈနီန် ပဲန်ဖါ်ႈပဒူႈ ကောန်အီမာည်းအူအီး ကာည်း ကောန်အီပ်ုန်အူအီး ကတူႈဖေးဘာတ်ဟာဝ်း

တိုအီးအရာပ်ကောန်အီမာည်းအူအီး က္လာင်းဒါႈ ဒီဘိူန်းဘဝ်ကီုက်ဒါင်း 3 ဖုင်ကဲတထိင်ခြဲ ပကပီုန်ဆျှံမ်ကဒါႇပိူည် လှံင်မူစယ် ပ 105 မဲင်နီန် ဂေါႇမိုႈကဲငျားဒေကိုႈဟာဝ်းမဴင်နီန်ဒါဘိုတ် စီပဲန်ဖါ်ႈပဒူႈ ကောန်အီမာည်းအူအီး ကာည်း ကောန်အီပ်ုန်အူအီး ကတူႈဖေးဘာတ်ဟာဝ်းအောႏ။

ပအေဲမ်ခြီရ် ရီမ်းပြောရဝ်မန်ပူးနီန် ကားအူကြောင်ပဲန်ဖါ်ႈကပ္လ အူအီးယံမ်း အူအီးကတူႈဖေးဘာတ်

ကပီုန်ဆျှံမ်ကဒါႇပိူည် ခေဲင်လှံင်အေဲမ်ခြီရ် ကဒါႇရဝ်မန်ပူးနီန် ကားပါဂျရိုအူကြောင်းနီန် ဘရီတ်အ်ုန်ပဒူႈဖါ်ႈ ပဲန်ဟာဝ်းကားကပ္လ ကဝ်အီကောႈကား ကောန်အီမာည်းနီန်ယံမ်းဟာဝ်းဖါ်ႈ ကောန်အီမာည်း ကဝ်အီတောႇဒေဲႈအ်ုန်စီ ကတူႈဖေးဘာတ်ဟာဝ်းအောႏ။