ပြည်တွင်းသတင်း

တအာင်းတပ် ထိန်းချုပ်ထားတဲ့ ရှမ်းမြောက် နမ့်ခမ်းမြို့နယ် ကောင်းတပ်ကျေးရွာမှာ ယမ်းဂိုဒေါင် ပေါက်ကွဲမှုကြောင့် ထိခိုက်ဆုံးရှုံးခဲ့ရတဲ့ ဒေသခံတွေအတွက် အခြေခံဆေးဝါး အကူအညီတွေ လိုအပ်နေသေးကြောင်း သိရပါတယ်။

ကရင်ပြည်နယ် ခလယ်လွီထူခရိုင် လယ်ဒိုမြို့နယ်မှာ စစ်ကောင်စီတပ်ရဲ့ လက်နက်ကြီး ပစ်ခတ်တိုက်ခိုက်ခဲ့တာကြောင့် ဝေဒေါခို (အင်တိုင်းကုန်း) ကျေးရွာက ဒေသခံ ၃ ဦး သေဆုံးပြီး ၁ ဦး ဒဏ်ရာရခဲ့တယ်လို့ KNU က မနေ့ ဇွန်လ ၂ ရက်မှာ ထုတ်ပြန်ထားပါတယ်။

အာရက္ခတပ်တော်(ULA/AA) ထိန်းချုပ်ထားတဲ့ ရခိုင်ပြည်နယ်တောင်ပိုင်း၊ ရမ်းဗြဲမြို့နယ်နဲ့ တောင်ကုတ်မြို့နယ်မှာရှိတဲ့ စစ်ဘေးရှောင်နေရာတွေကို စစ်ကောင်စီက လေကြောင်းတိုက်ခိုက်လို့ စစ်ဘေးရှောင် ၂ ဦး သေဆုံးပြီး ၅ ဦးထက်မနည်း ဒဏ်ရာရရှိခဲ့တယ်လို့ ဒေသခံတွေက ရွှေဖီမြေသို့ ပြောပါတယ်။

ချင်းညီနောင် (CB) ထိန်းချုပ်ထားတဲ့ ချင်းပြည်နယ်တောင်ပိုင်း၊ မင်းတပ်မြို့နဲ့ ၁၀ မိုင်ခန့်သာဝေးတဲ့ နေရာမှာ စစ်ကောင်စီတပ်နဲ့ ချင်းကာကွယ်ရေး ပူးပေါင်းတပ်တွေကြား တိုက်ပွဲပြင်းထန်နေတယ်လို့ ဒေသခံတွေက ရွှေဖီမြေသို့ ပြောပါတယ်။

“ဝ” တပ်မတော် UWSA က တရုတ်အလိုရှိတဲ့ တရုတ်နိုင်ငံသားတစ်ဦးကို မူးယစ်ဆေးဝါးမှု သံသယနဲ့ ဖမ်းဆီးပြီး တရုတ်ထံ လွှဲပြောင်းပေးခဲ့ကြောင်း “ဝ” ပြည်တရားစီရင်ရေးကော်မတီ WSP ရဲ့ ထုတ်ပြန်ချက်အရ သိရပါတယ်။

“ဝ” တပ်မတော် UWSA က တရုတ်အလိုရှိတဲ့ တရုတ်နိုင်ငံသားတစ်ဦးကို မူးယစ်ဆေးဝါးမှု သံသယနဲ့ ဖမ်းဆီးပြီး တရုတ်ထံ လွှဲပြောင်းပေးခဲ့ကြောင်း “ဝ” ပြည်တရားစီရင်ရေးကော်မတီ WSP ရဲ့ ထုတ်ပြန်ချက်အရ သိရပါတယ်။

ရှမ်းအရှေ့ တာချီလိတ်မြို့နယ် ဝမ်လုံးကျေးရွာမှာ အခြေစိုက်တဲ့ ကျားဖြန့်ငွေလိမ်ဂိုဏ်းတစ်ခုကို စစ်ကောင်စီတပ်က ဝင်ရောက်ဖမ်းဆီးခဲ့ပြီး မြန်မာနိုင်ငံသား ၃၁ ဦးနဲ့အတူ ဆက်စပ်ပစ္စည်းတွေကိုပါ ဖမ်းဆီးရမိကြောင်း စစ်ကောင်စီက ထုတ်ပြန်ပါတယ်။

စစ်ကောင်စီတပ် ပြန်လည်ထိန်းချုပ်နေတဲ့ ရှမ်းမြောက် နောင်ချိုမြို့နယ်မှာ မြေမြှုပ်မိုင်း နင်းမိသူတွေ များလာတာကြောင့် သက်ဆိုင်ရာက တာဝန်ရှိသူတွေအနေနဲ့ မိုင်းရှင်းလင်းရေးလုပ်ငန်းတွေ လုပ်ဆောင်ပေးကြဖို့ ဒေသခံတွေ တောင်းဆိုနေကြကြောင်း သိရပါတယ်။

ရှမ်းမြောက်မှာ ဒီ ၂၀၂၆ ခုနှစ် ဇန်နဝါရီလကနေ မေလအထိ ၅ လအတွင်း ရွှေဖီမြေ ပြုစုထားတဲ့ စာရင်းအရ မြေမြှုပ်မိုင်းတွေကြောင့် ကလေးတစ်ဦးအပါအဝင် ၃ ဦး သေဆုံးခဲ့ပြီး ၁၇ ဦး ထိခိုက်ဒဏ်ရာရရှိခဲ့ပါတယ်။