ရွှေဖီမြေ၊ ဩဂုတ် ၃၁ ရက်၊ သီပေါ
အသက် ၁၄ နှစ်အရွယ်သာ ရှိသေးတဲ့ ညီမဝမ်းကွဲကို အဓမ္မပြုကျင့်ပြီး သတ်ဖြတ်ခဲ့တဲ့ အသက် ၂၄ နှစ်အရွယ် စိုင်းစံခေါ် စိုင်းဆာစံကို ရှမ်းတပ်မတော်- SSPP/SSA ရဲ့ အထက်တရားရုံးက သေဒဏ် ချမှတ်လိုက်တယ်လို့ SSPP က သတင်းထုတ်ပြန်လာပါတယ်။
ဖြစ်စဉ်ဟာ ပြီးခဲ့တဲ့ ဇွန်လ ၁၄ ရက်မှာ စိုင်းစံက ညီမဝမ်းကွဲဖြစ်တဲ့ နန်းစံဟွမ်ကို အလုပ်သွားရှာပေးမယ်ဆိုပြီး သီပေါမြို့နယ် ဘော်ကြိုကျေးရွာအုပ်စု နမ့်ဟူးရွာအနီးဝန်ကျင်မှာရှိတဲ့ ငှက်ပျောခြံတစ်ခြံအရောက်မှာ အဓမ္မပြုကျင့်ခဲ့တာပဲ ဖြစ်ပါတယ်။
အဓမ္မပြုကျင့်ပြီးနောက် နန်းစံဟွမ်ကို လည်ပင်းညစ်ကာ ပုလင်းကွဲနဲ့ လည်ပင်း၊ ဝမ်းဗိုက်ကို အကြိမ်ကြိမ် ထိုးသတ်ပြီး အလောင်းကို ငှက်ပျောပင်အောက်မှာ စွန့်ပစ်ခဲ့တယ်ဆိုပြီး စိုင်းစံက SSPP ထံ ထွက်ဆိုထားပါတယ်။
SSPP ရဲ့ တရားရုံးမှာ စစ်ဆေးပြီးနောက် သေဒဏ်ချမှတ်ဖို့ ဆုံးဖြတ်ချက် ချပြီးတော့ မနေ့ ဩဂုတ် ၃၀ ရက်မှာ စိုင်းစံကို သေဒဏ် စီရင်လိုက်တာပဲ ဖြစ်ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
