The Latest
ရွာငံမြို့နယ်ထဲက ဒေသခံ ၇ ဦး စစ်ကောင်စီတပ် ထပ်မံ ဖမ်းဆီးသွား၊ ဖမ်းထားတဲ့ ဒေသခံ ၄၇ ဦးက ၃၀ ကျော် ပြန်လွှတ်လာပြီး ရိုက်နှက်ဒဏ်ကြောင့် အမျိုးသားတစ်ဦး သေဆုံး
ရှမ်းတောင် ဓနုဒေသ ရွာငံမြို့နယ် အင်းကုန်ကျေးရွာခံ ၄ ဦး၊ နွားဘန်းကြီးရွာခံ ၂ ဦးနဲ့ ဉာဏ်ကြီးရှင်ကော်ဖီစက်ရုံ ဝန်ထမ်း ၁ ဦး စုစုပေါင်း ရွာခံ ၇ တို့ကို စစ်ကောင်စီတပ်က ထပ်မံ ဖမ်းဆီးသွားခဲ့ပါတယ်။
လုံခြုံရေးအကြောင်းပြပြီး သီပေါတံတားကို ဖွင့်ပေးဖို့ အစီအစဉ်မရှိကြောင်း စစ်ကောင်စီရဲ့ ပြည်ထဲရေးဒုဝန်ကြီးပြော
ရှမ်းမြောက် လားရှိုး-မန္တလေးကို ဆက်သွယ်ထားတဲ့ သီပေါတံတားကို နယ်မြေတည်ငြိမ်မှုမရှိသေးဘူးဆိုတဲ့ အကြောင်းပြချက်ပြပြီး ဖွင့်လှစ်ပေးဖို့ အစီအစဉ်မရှိသေးကြောင်း စစ်ကောင်စီရဲ့ ပြည်ထဲရေးဒုဝန်ကြီး ဗိုလ်ချုပ်မင်းသူက ပြောကြားခဲ့ပါတယ်။
လောက်ကိုင်ရှိ ကျားဖြန်အိမ်ရာတွေကို ကျဆုံးသွားတဲ့ မိသားစုဝင်နဲ့ ဒဏ်ရာရ ရဲဘော်တွေကို MNDAA ခွဲဝေပေး
ကိုးကန့်ဒေသ လောက်ကိုင်မြို့မှာ ကျားဖြန်ငွေလိမ်ဂိုဏ်းဆီကနေ သိမ်းဆည်းရမိတဲ့ အဆောက်အအုံတွေကို ပြန်လည်ပြင်ဆင်ပြီး ကျဆုံးသွားတဲ့ ရဲဘော်မိသားစုဝင်နဲ့ ဒဏ်ရာရ ရဲဘော်တွေကို ခွဲဝေပေးခဲ့ကြောင်း ကိုးကန့်တပ်- MNDAA က ထုတ်ပြန်ပါတယ်။
ဝက်လက်မှာ စစ်ကောင်စီတပ်ရဲ့ ဗုံးကြဲတိုက်ခိုက်မှုကြောင့် ဒေသခံ ၂ ဦး သေဆုံး ၃ ဦး ဒဏ်ရာရ
စစ်ကိုင်းတိုင်း ဝက်လက်မြို့နယ် တောင်ခြမ်းဘက်နဲ့ စစ်ကိုင်း မြောက်ခြမ်းဘက်မှာ စစ်ကောင်စီတပ်ရဲ့ ဗုံးကြဲတိုက်ခိုက်မှုကြောင့် ဒေသခံ ၂ ဦး သေဆုံးခဲ့ပြီး ၃ ဦး ဒဏ်ရာ ရခဲ့တယ်လို့ Wetlet Informational Network က ဒီနေ့ ဇူလိုင် ၂၈ မှာ ထုတ်ပြန်ထားပါတယ်။
ရွာငံမှာ စစ်ကောင်စီတပ်နဲ့ တော်လှန်ရေးတပ်ဖွဲ့ တိုက်ပွဲ ဖြစ်ပြီးနောက် စစ်ကောင်စီတပ်က ရွာခံ ၄၀ ဝန်းကျင်ကို ဖမ်းဆီးထားပြီး ရိုက်နှက်
ရှမ်းတောင် ဓနုဒေသ ရွာငံမြို့နယ် ကျောက်ငှက်ကျေးရွာအုပ်စု ဆင်ပြားရွာအနီးမှာ စစ်ကောင်စီတပ်က စစ်ကြောင်း ၂ ကြောင်းနဲ့ ထိုးစစ်ဆင်တာကြောင့် တော်လှန်ရေးတပ်ဖွဲ့တွေနဲ့ တိုက်ပွဲ ဖြစ်ပွားခဲ့တယ်လို့ ဒေသခံသတင်းရင်းမြစ်တစ်ဦးက ရွှေဖီမြေကို ပြောပါတယ်။
မိုင်းလားကနေတစ်ဆင့် တရုတ်နိုင်ငံ ကျင်ဟုန်မြို့ထဲ တရားမဝင် ဝင်ရောက်အလုပ်လုပ်ကိုင်နေတဲ့ မြန်မာနိုင်ငံသား တစ်ထောင်ကျော် တရုတ်ဘက်က ဖမ်းဆီးပြီး NDAA ထံ လွှဲပြောင်း၊ NDAAက စစ်ကောင်စီထံ ပြန်ပို့နေတယ်လို့ အလုပ်သမားတွေပြော
အမျိုးသားဒီမိုကရေတစ်မဟာမိတ်တပ်မတော် (NDAA) ထိန်းချုပ်ထားတဲ့ ရှမ်းအရှေ့ မိုင်းလားမြို့ကနေ တရုတ်နိုင်ငံ ကျင်ဟုန်မြို့ထဲ တရားမဝင် ဝင်ရောက်အလုပ်လုပ်ကိုင်နေတဲ့ မြန်မာနိုင်ငံသား တစ်ထောင်ကျော်ကို တရုတ်ရဲတွေက ဖမ်းဆီးပြီး ပြန်ပို့ခဲ့တယ်လို့ ရွှေဖီမြေက စုံစမ်းသိရှိရပါတယ်။
