Browsing Category

ထုတ်ပြန်ချက်

43 posts

ရှမ်းမြောက်မှာ စစ်ပဋိပက္ခတွေကြောင့် ထိခိုက်နစ်နာသူ ၉၀၀ နီးပါးရှိ၊ သူတို့တွေကို လူသားချင်း စာနာမှုအကူအညီတွေ ပေးဖို့ TWO တောင်းဆို

စစ်တပ်အာဏာသိမ်းတဲ့ ၂၀၂၁ ခုနှစ် ဖေဖော်ဝါရီလကနေ ၂၀၂၄ ခုနှစ်အထိ ရှမ်းမြောက်မှာ တိုက်ပွဲပဋိပက္ခတွေကြောင့် အရပ်သား ၈၉၄ ဦး ထိခိုက်နစ်နာခဲ့ရပြီး နစ်နာသူတွေကို လူသားချင်းစာနာမှုအကူအညီတွေ ပေးနိုင်ဖို့ နိုင်ငံတကာအနေနဲ့ ဝိုင်းဝန်းကူညီဖို့ တအာင်းအမျိုးသမီးအဖွဲ့အစည်း TWO က တောင်းဆိုလိုက်ပါတယ်။

စစ်ကောင်စီတပ် မြေမြှုပ်မိုင်း အသုံးပြုမှု ရပ်တန့်အောင် ဖိအားပေးပြီး မြေမြှုပ်မိုင်း ရှင်းလင်းနိုင်ဖို့ နည်းပညာနဲ့ငွေကြေး ကူညီပေးဖို့ နိုင်ငံတကာကို TWO တောင်းဆို

စစ်ကောင်စီတပ်ကို မြေမြှုပ်မိုင်း အသုံးပြုမှု ရပ်တန့်အောင် ဖိအားပေးပြီး ပဋိပက္ခ ဖြစ်ပွားခဲ့တဲ့ဒေသမှာ ကျန်ရှိနေတဲ့ မြေမြှုပ်မိုင်းတွေ ရှင်းလင်းနိုင်ဖို့ နည်းပညာနဲ့ငွေကြေး ကူညီပေးဖို့ နိုင်ငံတကာ အဖွဲ့အစည်းတွေကို တောင်းဆိုတယ်လို့ တအာင်းအမျိုးသမီးအဖွဲ့အစည်း- TWO က ဒီနေ့ ဖေဖော်ဝါရီ ၇ ရက်မှာ ပြုလုပ်တဲ့ “လုံခြုံမှုကင်းမဲ့သော ဘဝများ” အစီရင်ခံစာ သတင်းစာရှင်းလင်းပွဲမှာ ပြောဆိုထားပါတယ်။

TLEC က ၂၀၂၅-၂၀၂၆ ပညာသင်နှစ်မှာ ကျောင်းပေါင်း ၅၀၀ ကျော် ဖွင့်လှစ်နိုင်ခဲ့ပြီး ကျောင်းသူကျောင်းသား ၅ သောင်းကျော် သင်ကြားပေးခဲ့

တအာင်းပြည် ပညာရေးကောင်စီ- TLEC က ၂၀၂၅-၂၀၂၆ ပညာသင်နှစ်အတွင်း စာသင်ကျောင်းပေါင်း ၅၁၁ ကျောင်း ဖွင့်လှစ်နိုင်ခဲ့ပြီး ကျောင်းသူကျောင်းသား ၅၃,၆၅၃ ဦး တက်ရောက်သင်ကြားခဲ့တယ်လို့ သိရပါတယ်။

PSLF/TNLA က သဘာဝပတ်ဝန်းကျင် ထိန်းသိမ်းဖို့ဆိုပြီး သစ်တောဧရိယာ ဧက ၂ သိန်းခွဲကို ကြိုးဝိုင်းသတ်မှတ်၊ စည်းကမ်း ချိုးဖောက်သူကို ဥပဒေအရ အရေးယူမယ်

တအာင်းတပ်မတော်- PSLF/TNLA ရဲ့ ဌာနတစ်ခုဖြစ်တဲ့ မြေယာနဲ့ သစ်တောထိန်းသိမ်းရေးဌာနက သစ်တောကြိုးဝိုင်း ဧကပေါင်း ၂ သိန်းခွဲ သတ်မှတ်လိုက်တယ်လို့ ထုတ်ပြန်လာပါတယ်။

စစ်ကောင်စီတပ်ရဲ့ ထိုးစစ်ကြောင့် ဖရူဆို-ထားလဲ-နန်းဖဲ-ဘောလခဲ လမ်းပိုင်းကို အသုံးမပြုဖို့ KNDF ပြော

စစ်ကောင်စီတပ်ဘက်က ထိုးစစ်ဆင် တိုက်ခိုက်နေတာကြောင့် ဖရူဆို-ထားလဲ-နန်းဖဲ-ဘောလခဲ လမ်းပိုင်းကို အသုံးမပြုဖို့ ကရင်နီအမျိုးသားများ ကာကွယ်ရေးတပ်- KNDF က ဒီနေ့ ဖေဖော်ဝါရီ ၆ ရက်မှာ သတင်းထုတ်ပြန်ပါတယ်။

MNDAA နဲ့ ရုန်းရင်းဆန်ခတ် ဖြစ်ပွားပြီး ဖမ်းဆီးခံရတဲ့ ဒေသခံတွေကို ပြန်လွှတ်ပေးဖို့ ရှမ်းအဖွဲ့အစည်း ၁၁ ဖွဲ့ တိုက်တွန်း

ကိုးကန့်တပ်မတော်- MNDAA ရဲ့ ရွှေတူးဖော်မှုကို ကန့်ကွက်ဆန္ဒပြချိန်မှာ ရုန်းရင်းဆန်ခတ် ဖြစ်ပွားပြီး ဖမ်းဆီးခံရတဲ့ ဒေသခံ ၉ ဦးကို အမြန်ဆုံး ပြန်လွှတ်ပေးဖို့ ရှမ်းအဖွဲ့အစည်း ၁၁ ဖွဲ့က တိုက်တွန်းကြောင်း ဒီနေ့ ဖေဖော်ဝါရီ ၆ ရက်မှာ ပူးတွဲထုတ်ပြန်ပါတယ်။

မိုင်းရယ်နယ်ထဲက ဟိုက်ပုကျေးရွာအနီးမှာ ကျားဖြန်လုပ်ကိုင်သူ တရုတ်နိုင်ငံသား ၃၀၀ ကျော်ကို စစ်ကောင်စီဖမ်းဆီး

ရှမ်းမြောက် မိုင်းရယ်မြို့နယ် ဟိုက်ပုကျေးရွာအနီးမှာ ကျားဖြန်လုပ်ကိုင်သူ တရုတ်နိုင်ငံသား ၃၀၀ ကျော်ကို ဖမ်းဆီးရမိခဲ့တယ်လို့ စစ်ကောင်စီက ဒီနေ့ ဖေဖော်ဝါရီ ၃ ရက်မှာ ထုတ်ပြန်ပါတယ်။

စစ်ကောင်စီတပ်ရဲ့ လက်နက်ကြီးပစ်ခတ်မှုနဲ့ လေကြောင်းတိုက်ခိုက်မှုကြောင့် KNU ထိန်းချုပ်နယ်မြေက ကလေးငယ် ၂ ဦးနဲ့ အမျိုးသမီးတစ်ဦး ထပ်မံသေဆုံး

ကရင်အမျိုးသားအစည်းအရုံး (KNU) ကော်သူးလေအုပ်ချုပ်နယ်မြေ ဒူးသထူ(သထုံ)ခရိုင်၊ ကျိုက်ထိုမြို့နယ်နဲ့ ခလယ်လွီထူ(ညောင်လေးပင်)ခရိုင် လယ်ဒိုမြို့နယ်မှာ စစ်ကောင်စီတပ်ရဲ့ လက်နက်ကြီးပစ်ခတ်မှုနဲ့ လေကြောင်းတိုက်ခိုက်မှုကြောင့် ကလေးငယ် ၂ ဦးနဲ့ အမျိုးသမီးတစ်ဦးတို့ ထပ်မံသေဆုံးသွားခဲ့တယ်လို့ KNU က မနေ့ ဇန်နဝါရီ ၂၇ ရက် ညမှာ ထုတ်ပြန်ထားပါတယ်။

စစ်ကောင်စီတပ်ဖွဲ့ဝင် ၅၀၀ ဦးကို ကိုးကန့်တပ်က လွှတ်ငြိမ်းခွင့် ထပ်ပေး

ကိုးကန့်ရိုးရာ ” တာကျောင်” ပူဇော်ပွဲ အထိမ်းအမှတ်ဆိုပြီး ဖမ်းဆီးထားတဲ့ စစ်ကောင်စီတပ်ဖွဲ့ဝင် ၅၀၀ ဦးနဲ့ အကျဥ်းသား ၉ ဦးကို လွှတ်ငြိမ်းခွင့်ပေးပြီး ပြန်လွှတ်ပေးခဲ့တယ်လို့ ကိုးကန့်တပ်- MNDAA က မနေ့ ဇန်နဝါရီ ၂၅ ရက်မှာ သတင်းထုတ်ပြန်ပါတယ်။

သီပေါနဲ့ မိုင်းရယ်ကြားမှာ မူးယစ်ဆေးဝါး ချက်စက်ရုံနဲ့ ချက်လုပ်ရာမှာ အသုံးပြုတဲ့ ပစ္စည်းတွေကို ဆက်တိုက်ဖမ်းဆီးရမိနေ

ရှမ်းမြောက် သီပေါမြို့နယ်နဲ့ မိုင်းရယ်မြို့နယ်မှာ မူးယစ်ဆေးဝါး ချက်လုပ်ရာမှာ အသုံးပြုတဲ့ ပစ္စည်းတွေ ထပ်မံဖမ်းဆီးမိခဲ့တယ်လို့ စစ်ကောင်စီတပ်က မနေ့ ဇန်နဝါရီ ၁၆ ရက်မှာ ထုတ်ပြန်ထားပါတယ်။