လူ့အခွင့်အရေး

ကချင်ပြည်နယ် စီတာပူရပ်ကွက်မှာ သီတာအေးလမ်းမပေါ်မှာ လက်နက်ကြီးကျရောက်ပေါက်ကွဲခဲ့လို့ အရပ်သား ၃ ဦး ထိခိုက်ဒဏ်ရာရရှိခဲ့တယ်လို့ ဖြစ်စဉ်သိရှိသူအမျိုးသားတစ်ဦးက ရွှေဖီမြေကို ပြောပါတယ်။

စစ်ကိုင်းတိုင်း ခင်ဦးမြို့နယ် ညောင်ပင်ကြီးစုရွာကို စစ်ကောင်စီတပ်က လေကြောင်းနဲ့ ပေါင် ၂၅၀ ဗုံးကြဲချတိုက်ခိုက်လို့ ဒေသခံ အမျိုးသား ၂ ဦးနဲ့ အမျိုးသမီးတစ်ဦး သေဆုံးခဲ့ပြီး ၈ ဦးဒဏ်ရာရခဲ့တယ်လို့ ဒေသခံ အမျိုးသမီးတစ်ဦးက ရွှေဖီမြေကို ပြောပါတယ်။

ရခိုင်ပြည်နယ် ကျောက်ဖြူမြို့နယ် မီးကျောင်းရေသောက်ကျေးရွာထဲကို စစ်ကောင်စီက ဂျက်ဖိုက်တာယာဉ်ကို အသုံးပြုပြီး ဗုံးကြဲချခဲ့တာကြောင့် ရွာခံ အမျိုးသမီး ၂ ဦး ပွဲချင်းပြီး သေဆုံးသွားခဲ့တယ်လို့ ဒေသတွင်း သတင်းရင်းမြစ်တစ်ဦးဆီကနေ သိရပါတယ်။