Lway Htwe

1226 posts

မင်းအောင်လှိုင်ရဲ့ ရက် ၁၀၀ ငြိမ်းချမ်းရေးလမ်းစဉ်ဟာ အာဏာတည်မြဲရေးအတွက် ဟန်ပြသာဖြစ်လို့ TNLA အပါအဝင် တိုင်းရင်းသားလက်နက်ကိုင်နဲ့ တော်လှန်ရေးအဖွဲ့တွေ ပူးပေါင်းမှု မလုပ်သင့်ကြောင်း တအာင်းအရပ်ဖက်အဖွဲ့အစည်း ထုတ်ပြန်

အာဏာသိမ်းစစ်ခေါင်းဆောင် မင်းအောင်လှိုင်က ဖိတ်ခေါ်ထားတဲ့ ရက် ၁၀၀ ငြိမ်းချမ်းရေးဟာ သူ့ရဲ့အာဏာတည်မြဲရေးအတွက် ဟန်ပြငြိမ်းချမ်းရေး ဖြစ်တာကြောင့် TNLA အပါအဝင် တိုင်းရင်းသားလက်နက်ကိုင်အဖွဲ့နဲ့ တော်လှန်ရေးတပ်ဖွဲ့တွေ သတိထားဖို့ လိုအပ်ပြီး ပူးပေါင်းဆောင်ရွက်မှု မလုပ်သင့်ဘူးလို့ တအာင်းအရပ်ဖက်အဖွဲ့အစည်းများကွန်ရက်- TCSN က ထုတ်ပြန်လာပါတယ်။

တန့်ဆည်မြို့နယ်ထဲမှ ကျေးရွာ ၅ ရွာထက်မနည်းက စစ်ရှောင်အပါအဝင် ဒေသခံ ထောင်နဲ့ချီ ရေဘေးသင့်ပြီး အရေပြားရောဂါ ခံစားနေရလို့ အကူအညီ လိုအပ်နေ

စစ်ကိုင်းတိုင်း တန့်ဆည်မြို့နယ်ရှိ ကျေးရွာ ၅ ရွာထက်မနည်းက ဒေသခံ ထောင်နဲ့ချီဟာ ရေဘေးသင့်ပြီး အကူအညီ လိုအပ်နေကြတယ်လို့ ရေဘေးသင့်သူတွေကို ကူညီကယ်ဆယ်နေသူတစ်ဦးက ရွှေဖီမြေကို ပြောပါတယ်။

ကလောချောင်းရေ တက်နေတာကြောင့် ရပ်ကွက်တွေထဲ ရေကြီးနေတဲ့အပြင် စပါးခင်းလည်း ပျက်စီး၊ ချောင်းရေ ဆက်ကြီးနိုင်တာကြောင့် သတိထားသွားလာဖို့ လိုအပ်

ရှမ်းတောင် ကလောမြို့မှာ မိုးအဆက်မပြတ် ရွာသွန်းတာကြောင့် ချောင်းရေတက်ပြီး ရပ်ကွက်တချို့မှာ ရေကြီးနေသလို ချောင်းအနီးက စပါးခင်းတွေလည်း ပျက်စီးသွားကြောင်း ချောင်းအနီးရှိ အမျိုးသမီးရဲ့ ပြောပြချက်အရ သိရပါတယ်။

လမ်းတွေ ပြိုကျနေလို့ ကျောက်မဲ-မိုင်းလုံလမ်း ကားတွေ သွားလာလို့မရ

ရှမ်းမြောက် ကျောက်မဲမြို့နဲ့ မိုင်းလုံမြို့ကို ဆက်သွယ်ထားတဲ့ ကားလမ်းမပေါ်မှာ မြေပြိုမှုနဲ့ လမ်းတွေ ပြိုနေတာကြောင့် ကားတွေ သွားလာလို့ မရသေးဘဲ လမ်းတွေ ဆက်လက် ပြုပြင်နေရဆဲ ဖြစ်တယ်လို့ ဒေသခံတွေက ရွှေဖီမြေကို ပြောပါတယ်။

ခင်ဦး၊ ရွှေဘို၊ ဝက်လက်မြို့နယ်တွေမှာ ရေကြီးမှုကြောင့် ကျေးရွာပေါင်း ၄၀ ကျော် ရေမြှုပ်နေ၊ အရေးပေါ်အကူအညီ လိုအပ်

စစ်ကိုင်းတိုင်း ခင်ဦး၊ ရွှေဘိုနဲ့ ဝက်လက်မြို့နယ်တွေမှာ ဖြစ်ပွားနေတဲ့ ရေကြီးရေလျှံမှုကြောင့် အနည်းဆုံး ကျေးရွာပေါင်း ၄၀ ကျော် ရေနစ်မြှုပ်မှု ရှိနေပြီး သောင်းနဲ့ချီတဲ့ ဒေသခံတွေဟာ အရေးပေါ်အကူအညီ လိုအပ်နေတယ်လို့ ဒေသခံနဲ့ ကူညီကယ်ဆယ်ရေး လုပ်ကိုင်နေသူတွေက ပြောပါတယ်။

ကွတ်ခိုင်မှာ KIA က မူးယစ်ဆေးဝါးသုံးစွဲလို့ ယူဆသူတွေကို ဖမ်းဆီးပြီး ငွေပေးနိုင်တဲ့သူကိုသာ ပြန်လွှတ်ပေးနေ

ရှမ်းမြောက် ကွတ်ခိုင်မြို့နယ်ရှိ ကျေးရွာတချို့က ဒေသခံတွေကို မူးယစ်ဆေးဝါးသုံးစွဲကြောင်း သံသယရှိသူတွေကို ကချင်တပ်မတော် KIA က ဖမ်းဆီးပြီး ငွေပေးနိုင်တဲ့သူကိုသာ ပြန်လွှတ်ပေးနေကြောင်း ဖမ်းဆီးခေါ်ဆောင်သွားခံရတဲ့ သူတွေနဲ့ နီးစပ်သူ အမျိုးသားတစ်ဦးရဲ့ ပြောပြချက်အရ သိရပါတယ်။

‎အောင်ပန်းမှာ ကလေးငယ်ရဲ့ ရွှေနားကပ် ဖြုတ်ယူပြီး သတ်ဖြတ်သွားတဲ့ အမျိုးသမီးကို ဖမ်းမိ

‎‎ရှမ်းတောင် အောင်ပန်းမှာ အသက် ၆ နှစ်အရွယ် ကလေးငယ်ရဲ့ ရွှေနားကပ်ကို ဖြုတ်ယူပြီး ရေတွင်းထဲ ပစ်ချကာ သတ်ခဲ့တဲ့ တရားခံကို ဖမ်းမိခဲ့ကြောင်း ဖြစ်စဉ်မှာ ပါဝင်ကူညီပေးသူ အမျိုးသားတစ်ဦးရဲ့ ပြောပြချက်အရ သိရပါတယ်။

မူဆယ်မြို့အထွက် စစ်ကောင်စီဂိတ်မှာ တရုတ်ပစ္စည်း ပေးမဖြတ်

မူဆယ်အထွက် စစ်ကောင်စီဂိတ်မှာ အရင်တစ်ပတ်ကတည်းက တရုတ်ပစ္စည်းတွေ ပေးမဖြတ်တော့ကြောင်း ကားသမားတွေဆီက သိရပါတယ်။

နမ္မတူမြို့နယ်ထဲ မူးယစ်ဆေးဝါး၊ လက်နက်နဲ့ ဖောက်ခွဲရေးပစ္စည်း သိမ်းဆည်းထားသူတစ်ဦး ဖမ်းဆီးရမိ

တအာင်းတပ်မတော် ထိန်းချုပ်ထားတဲ့ နမ္မတူမြို့နယ်အတွင်း မူးယစ်ဆေးဝါး၊ လက်နက်နဲ့ ဖောက်ခွဲရေးပစ္စည်း သိမ်းဆည်းထားသူတစ်ဦးကို မြို့နယ် တအာင်းရဲတပ်ဖွဲ့နဲ့မူးယစ်အထူးတပ်ဖွဲ့က ဖမ်းဆီးရမိခဲ့ပါတယ်။

သီပေါမှာ မြစ်ရေ တက်လာပြီး လှေနဲ့ ကမ်းကူးတာ ပိတ်ထားတာကြောင့် တံတားပေါ် ဖြတ်သန်းခွင့်ပေးဖို့ ကားသမားတွေ တောင်းဆို

မိုးအဆက်မပြတ် ရွာသွန်းမှုကြောင့် ရှမ်းမြောက် သီပေါ-လားရှိုးကြားရှိ ဒုဌဝတီမြစ်ရေ တက်လာပြီး လှေနဲ့ ကမ်းကူးတာ ပိတ်ထားတာကြောင့် သီပေါတံတားပေါ် ဖြတ်သန်းသွားလာခွင့်ပေးဖို့ ကားသမားတွေက တောင်းဆိုနေကြပါတယ်။