Lashio

ဘိူန်းအယ်နံပ်တ တိုအီးခေဲင်အရာပ်ကဲ မိုႈတ ပဇံင် (5) ကီုင်းလာဆေဝ် အ်ုန်အီမိုႈဒီပ်ုန်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် ကဲႎိူဝ်ႈဖါ်ႈ ပါင်ကတော်ဒါင်း ခေဲင်ႎါင်း အ်ုန်အီဂေါည်ပမာန်အာည်ဂိုရ်နီန် ကဲဘိူည်ႎိူဝ်ႈဘြည်ပေန်ကျံရ်မာ် မောကံပ်ရောတ်ကဇေန်နီး ညှံမ်မိူဝ်ႈစိ ဘည်ဘိဟာဝ်းကဲအောႏ။

တိုအီးကီုင်းလာဆေဝ်ကဲအူအီးက္လာင်း တဖုင်ဆျှိုည်ဖီမျေဒါႈ ဒီဘိူန်းတံပ်ကညာအာဏာဆီုက်ဇေဝ်ကဲတထိင်ခြဲ ကပီုန်ဆျှံမ်ကဒါႇပိူည် ခေဲင်ကီုင်းလာဆေဝ်နီန် ကောန်အီပ်ုန်အူအီးကတူႈအီပဴင်အ်ုန်ဒါဆနာတ် ဘာတ်ကဆဝ်းအောႏ။

တိုအီးခေဲင်အရာပ်ကဲ က္လာင်းတဆျှိုည်ဖီမျေဒါႈ ပ်ုန်လေႈဒေဲႈဆဒါင် ဒါႈမိုႈ တံပ်ကိုးကာင် MNDAA ကဲ က္လိုတ်ႎီရ်နီန် လံပ်ဘြောင်ချှာင် တံပ်ကိုးကာင်း ကဲအီဂေါည်နှာရိူဝ်ႇကီုင်းလာဆေဝ်ကဲနီန် ဆီုင်ဂီုည်ကပါ်ႇကပံန်အူန်း အာဝ်မိူဝ်ႈစိ ဘည်က္လိုတ်ႎီရ်ကဲအောႏ။

ဖုင်ဆျှိုည်ဖီမျေကဲ ဘိူန်းတခေါရ်နံပ် ဂေါႇပ်ုန်ဆူည်ႇ တံပ်ကညာအာဏာဆီုက်ဇေဝ်ကဲတ က္လိုတ်ဗီရ်နီန် တံပ်ကိုကာင် ကာည်း တံပ်ကညာအာဏာဆီုက်ဇေဝ်ကဲ ပဲန်လံပ်အရေးဆီုက်ကဲဂီုည်ဘ္လောမ်အူန်း နှာရိူဝ်ႇကီုင်းလာဆေဝ်အောႏ။