Kyaukme

ဒီနေ့ စက်တင်ဘာ ၃၀ ရက် နေ့လည်ပိုင်းမှာ စစ်ကောင်စီတပ်ဟာ ကျောက်မဲမြို့တွင်း ထိုးဖောက်ဝင်ရောက်နေပြီး ကျောက်မဲမြို့ထဲ မီးလောင်ဗုံးသုံးပြီး ဗုံးကြဲတိုက်ခိုက်နေတယ်လို့ သိရပါတယ်။

ရှမ်းမြောက် ကျောက်မဲမြို့ အေးချမ်းသာသုဿန်ကုန်းမှာ အမျိုးသားနှစ်ဦး မိုင်းနင်းမိပြီး သေဆုံးသွားခဲ့တယ်လို့ ဒေသခံတစ်ဦးက ပြောပါတယ်။

စစ်ကောင်စီတပ် ထိုးစစ်ဆင်တိုက်ခိုက်နေတဲ့ ကျောက်မဲမြို့မှာ မြို့အနီးရှိ ခိုမုန်ကျေးရွာမှာ စစ်ကောင်စီနဲ့ တအာင်းတပ်မတော် TNLA အကြား တိုက်ပွဲ ဆက်လက်ပြင်းထန်နေပြီး မြို့တွင်းကို TNLA ဘက်က ဆက်လက်ထိန်းချုပ်ထားတယ်လို့ သိရပါတယ်။

တိုက်ပွဲပြင်းထန်နေတဲ့ ကျောက်မဲမြို့နယ်မှာ စစ်ကောင်စီတပ်က လေကြောင်းကနေ ဗုံး အလုံး ၃၀ နဲ့ အဆိပ်ငွေ့ဗုံး ၃ လုံး လာရောက်ကြဲချတိုက်ခိုက်ခဲ့တယ်လို့ တအာင်းတပ် TNLA က ထုတ်ပြန်ထားပါတယ်။

စစ်ကောင်စီတပ်က ကျောက်မဲမြို့ဘက်ကို ထိုးစစ်ဆင်နေချိန် တအာင်းတပ် – PSLF/TNLA ထိန်းချုပ်ထားတဲ့ ကျောက်မဲမြို့အနီးမှာရှိနေတဲ့ မိုင်းတင်းကျေးရွာထဲမှာ ရှမ်းပြည်တိုးတက်ရေးပါတီ – SSPP က ရွာခံတွေကိုအစည်းအဝေးခေါ်ပြီးနောက် ရွာထဲရှိ TNLA ကို ​ကျေးရွာထဲမနေဖို့ ရွာခံတွေ ဆန္ဒပြခဲ့ကြတယ်လို့ စုံစမ်းသိရပါတယ်။

ကျောက်မဲမြို့ကို ပြန်ရဖို့ ထိုးစစ်ဆင်တိုက်ခိုက်နေတဲ့ စစ်ကောင်စီတပ်ဟာ ကျောက်မဲမြို့နယ် နမ့်စော့ကျေးရွာထဲ Y-12 လေယာဉ်နဲ့ ဗုံးကြဲတိုက်ခိုက်ခဲ့ရာ ဘုန်းကြီးကျောင်းဆောင်နဲ့ နေအိမ်တချို့ ပျက်စီးခဲ့တယ်လို့ သိရပါတယ်။

စစ်ကောင်စီတပ်ဟာ ၎င်းတို့ လက်လွှတ်ထားရတဲ့ ကျောက်မဲမြို့ကို ပြန်ရဖို့ အပြင်းအထန် ထိုးစစ်ဆင်နေပြီး ကျောက်မဲမြို့နဲ့ ၅ မိုင်ဝန်းကျင်အကွာ စခန်းသာကျေးရွာဘက် ရောက်ရှိနေပြီး တိုက်ပွဲ ဆက်လက် ပြင်းထန်နေတယ်လို့ စစ်မြေပြင်မှာ ရှိနေသူတွေက ပြောပါတယ်။