ရွှေဖီမြေ၊ ဩဂုတ် ၃၁ ရက်၊ နမ့်ဆန်
တအာင်းဒေသ နမ့်ဆန်မြို့နယ် တောင်မကျေးရွာအုပ်စု လပိုင်းကျေးရွာမှာ မီးအကြီးအကျယ်လောင်ခဲ့ပြီး နေအိမ် ၃ လုံးနဲ့အတူ တန်ဖိုးကြီးပစ္စည်းအများအပြား ဆုံးရှုံးမှုဖြစ်ပေါ်ခဲ့တယ်လို့ သိရပါတယ်။
မီးလောင်မှုဟာ ရွာတွင်းထဲရှိ နေအိမ်တစ်အိမ်က မီးဖိုမီးအကြွင်းအကျန်ကနေ စတင်လောင်ခဲ့တာဖြစ်ပြီး ဩဂုတ် ၃၀ ရက် မနက် ၁၀ နာရီခွဲကနေ နေ့လည် ၁၂ ခွဲအထိ ၂ နာရီကြာ လောင်ကျွမ်းခဲ့တာ ဖြစ်ပါတယ်။
တအာင်းမီးသတ်တပ်ဖွဲ့နဲ့ နီးစပ်သူတစ်ဦးရဲ့ ပြောကြားချက်အရ မီးလောင်မှုထဲမှာ နေအိမ် ၃ လုံး၊ CZI ဆိုင်ကယ် ၂ စီး၊ ခြံရမ်းစက် ၃ ခု၊ ပိုက်ဆံ သိန်း ၁၃၀၊ ချိန်းစော ၁ လက်၊ စက်ချုပ်စက် ၁ ခု၊ ၁၂ ကောင်အဂျင် လက်ဖက်ခြောက် စတဲ့ပစ္စည်းအများအပြား ဆုံးရှုံးခဲ့တယ်လို့ သိရပါတယ်။
အဲဒီပစ္စည်းတွေရဲ့ တန်ဖိုးဟာ စုစုပေါင်း ၁၂၅,၁၈၀,၀၀၀ ကျပ်အထိ ရှိပြီး မီးလောင်မှုအဆင့်ကို အဆင့် A အဖြစ် သတ်မှတ်ထားတယ်လို့ မီးသတ်တပ်ဖွဲ့နဲ့နီးစပ်သူတစ်ဦးက ရွှေဖီမြေကို ပြောပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
