လက်နက်ကြီး

စစ်ကောင်စီတပ် ပြန်လည်ထိန်းချုပ်ထားတဲ့ ရှမ်းမြောက် နောင်ချိုမြို့နယ်မှာ မပေါက်ကွဲသေးတဲ့ လက်နက်ကြီးကို ခုတ်မိရာကနေ ပေါက်ကွဲလို့ အမျိုးသားတစ်ဦး ပြင်းထန်ဒဏ်ရာ ရရှိခဲ့တယ်လို့ ဖြစ်စဉ်သိရှိထားသူ အမျိုးသားတစ်ဦးက ရွှေဖီမြေကို ပြောပါတယ်။

ကရင်အမျိုးသားအစည်းအရုံး-KNU ထိန်းချုပ်ထားတဲ့ ဒူးသထူခရိုင် သထုံမြို့နယ် ကဒီပုကျေးရွာအုပ်စု ပဏ္ဍိကုန်းကျေးရွာထဲကို စစ်ကောင်စီက လက်နက်ကြီးပစ်ခတ်တိုက်ခိုက်မှုကြောင့် အမြွှာကိုယ်ဝန်ဆောင်အမျိုးသမီး ၁ ဦးနဲ့ ကလေး ၁ ဦး သေဆုံးခဲ့ပြီး ၂ ဦး ဒဏ်ရာရခဲ့တယ်လို့ ဒီနေ့ဇွန်လ ၂၅ ရက်မှာ KNU က ထုတ်ပြန်ထားပါတယ်။

မန္တလေးတိုင်း စဉ့်ကူးမြို့နယ်မှာ စစ်ကောင်စီတပ်က ပစ်ခတ်တဲ့ လက်နက်ကြီးကြောင့် ဒေသခံ ၆ ဦး ဒဏ်ရာ ရရှိခဲ့ကြောင်း ဖြစ်စဉ်ကို သိရှိထားသူ အမျိုးသားတစ်ဦးက ရွှေဖီမြေကို ပြောပါတယ်။

ကချင်ပြည်နယ်၊ ရွှေကူမြို့၊ ပင်စင်ကုန်းရပ်ကွက်မှာ မနေ့ ဇွန်လ ၂၂ ရက်နေ့ နေ့လယ်ပိုင်းမှာ လက်နက်ကြီးကျလို့ အရပ်သားတစ်ဦး သေဆုံးသွားခဲ့ကြောင်း ဒေသခံတွေ ဆီက သိရပါတယ်။

ရခိုင်ပြည်နယ်၊ ကျောက်တောမြို့က ပိုက်သည်နဲ့ လမ်းမတော်ရပ်ကွက်ကို စစ်ကောင်စီတပ်က လေကြောင်း ဗုံးကြဲတိုက်ခိုက်ခဲ့ပြီး ကလေးငယ်တစ်ဦးအပါအဝင် ၇ ဦး သေဆုံးခဲ့တယ်လို့ ဒေသခံတွေက ရွှေဖီမြေသို့ ပြောပါတယ်။