ပို့လဘား၊ ဇန်နဝါရီ ၄ ရက်၊ လားရှိုး
ရှမ်းမြောက် လားရှိုးမြို့မှာ ယာဉ်မောင်းနှင်ခွင့် ယာယီကတ်ပြားကို ကိုးကန့်တပ်မတော်- MNDAA က ပြုလုပ်ပေးနေတယ်လို့ စုံစမ်းသိရှိရပါတယ်။
ဒီနေ့ ဇန်နဝါရီ ၄ ရက်မှာ လားရှိုးမြို့ထဲက လိုင်စင်ကား၊ လိုင်စင်မဲ့ မော်တော်ယာဉ်၊ ကုန်တင်ကား စတဲ့စက်တပ်ယာဉ် မှန်သမျှကို မြို့တွင်း စက်တပ်ယာဉ် မောင်းနှင်ခွင့် ယာယီကတ် ပြုလုပ်ပေးနေတယ်လို့ လားရှိုးပြန်လည်ထူထောင်ရေး တာဝန်ရှိသူတစ်ဦးက ပြောပါတယ်။
“ကားကြီးတို့ ကားသေးတို့ အကုန်လုပ်ပေးတယ်။ အဲလိုလုပ်ပေးရတာကလည်း ကားတွေ အခိုးခံရရင် အလွယ်တကူ စိစစ်ရှာပေးလို့ လွယ်အောင် လုပ်တာ။ အဲဒီကတ် လုပ်ပြီးရင် အဲဒီကတ်ပြားကို ကိုင်ပြီး ကားနဲ့ တွဲပြီး ဓာတ်ပုံရိုက် မှတ်တမ်းေတွ ယူထားတယ်။ လုပ်ပေးတာလည်း သူတို့ကို ပိုက်ဆံ တစ်သောင်းခွဲတော့ ကောက်တယ်။ အဲဒီ ခဲခြစ်နဲ့ ကတ် လောင်းတာက အပြင်လူ ငှားပြီး လုပ်ပေးနေတာမို့ အဲဟာပဲ ကောက်တယ်”
လားရှိုးမြို့တွင်း ပြန်လည် ဝင်ရောက်နေထိုင်သူတွေဟာ ကတ်ပြား လာရောက်ပြုလုပ်နေကြပြီး နောက်ပိုင်းမှာတော့ ကတ်ပြား ပြုလုပ်သူတွေဟာ သက်ဆိုင်ရာ ရပ်ကွက်ရုံးမှာ သွားရောက် အကြောင်းကြား ပြုလုပ်နိုင်တယ်လို့ ပြောပါတယ်။
မြို့တွင်း စက်တပ်ယာဉ် မောင်းနှင်ခွင့် ယာယီကတ်ပြား သက်တမ်းမှာ တစ်နှစ်သက်တမ်းဖြစ်ပြီး နောက်ပိုင်းမှာ သက်တမ်း တိုးတာ၊ လိုင်စင် လုပ်ပေးတာတွေကို ပြုလုပ်ပေးသွားမယ်လို့ ၎င်းက ပြောပါတယ်။
ပြီးခဲ့တဲ့ ဒီဇင်ဘာ ၁၆ ရက်မှာလည်း MNDAA က လားရှိုးမြို့မှာ ဘီးလိမ့်ခွန်ကို စတင်ကောက်ခံခဲ့ပါတယ်။
