ရဲမာန်၊ ဧပြီ ၂၁ ရက်၊ မုံရွာ
စစ်ကိုင်းတိုင်း မုံရွာမြို့နယ် သင်္ကြန်အတက်နေ့က စစ်ကောင်စီတပ်ရဲ့ လေကြောင်းတိုက်ခိုက်မှုမှာ သေဆုံးသူ ၂၁ ဦးထိ ရှိလာပြီလို့ မုံရွာမြို့နယ် သတင်းမှန်ပြန်ကြားရေးက ထုတ်ပြန်လာပါတယ်။
ပြီးခဲ့တဲ့ ဧပြီလ ၁၆ ရက် သင်္ကြန်အတက်နေ့မှာ မြို့ရွာမြို့နယ် ထန်းဇလုပ်ကျေးရွာအနီးကို အနောက်မြောက်တိုင်း စစ်ဌာနချုပ်(နမခ)တက် ဂျိုင်ရိုကော်ပတာ ၃ စီးနဲ့ ဗုံးကြဲတိုက်ခိုက်ခဲ့တာဖြစ်တယ်လို့ ဖော်ပြထားပါတယ်။
“သေဆုံးသူ ၂၁ ထိရှိလာပြီ။ အဲထဲမှာ ကလေး ၃ ဦးပါတယ်”လို့ မုံရွာမြို့နယ် သတင်းမှန်ပြန်ကြားရေးက တာဝန်ရှိသူတစ်ဦးက ရွှေဖီမြေကို ပြောပါတယ်။
ပြီးခဲ့တဲ့ ဧပြီ ၁၆ ရက်နေ့ (သင်္က်ြန်အတက်နေ့) နေ့လည် ၂ နာရီခွဲက ဗုံးကြဲတိုက်ခိုက်မှုမှာ ပွဲချင်းပြီး ၃ ဦးသေဆုံးပြီး ဆိုင်ကယ် ဝပ်ရှော့အပါအဝင် နေအိမ် ၄ လုံးလည်း မီးလောင်ပျက်စီးခဲ့တယ်လို့ ထုတ်ပြန်ထားပါတယ်။
ပြီးခဲ့တဲ့ ဖေဖော်ဝါရီ ၄ ရက် မနကမ ၅ နာရီဝန်းကျင်မှာ စစ်ကောင်စီတပ်က မုံရွာမြို့နယ် သက်ကယ်ကျင်းရွာက မီးဘေးစစ်ရှောင်ရှိရာ ဘုန်းကြီးကျောင်းကို လေကြောင်းကနေ ဗုံးကြဲတိုက်ခိုက်ခဲ့လို့ အရပ်သား ၂ ဦး သေဆုံးခဲ့တယ်လို့ သိရပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
