ရွှေဖီမြေ၊ ဇွန်လ ၂၅ ရက်၊ နမ့်ဆန်
တအာင်းတပ်မတော်- PSLF/TNLA က နိုင်ငံတကာ မူးယစ်ဆေးဝါး တိုက်ဖျက်ရေးလုပ်ငန်းစဉ်မှာ ပူးပေါင်းပါဝင်တဲ့အနေနဲ့ ၂၀၂၄၊ ၂၀၂၅ ခုနှစ်အတွင်း ၂ နှစ်တာ ဖမ်းဆီးရမိထားတဲ့ မူးယစ်ဆေးဝါးတွေကို အများပြည်သူရှေ့မှာ မီးရှို့သွားမယ်လို့ ထုတ်ပြန်လာပါတယ်။
ဖမ်းဆီးရမိတဲ့ မူးယစ်ဆေးဝါးတွေကတော့ ဘိန်းဖြူ ၁၀၈.၇၄ ကီလိုဂရမ်၊ ယာမ စိတ်ကြွဆေးပြား ၆၁၆.၃ ကီလိုဂရမ်၊ ဘိန်းမဲ ၁၉.၄၀၉ ကီလိုဂရမ် စုစုပေါင်း ကျပ်ငွေ ၂၀ ဘီလျံ တန်းဖိုးရှိတယ်လို့ ဆိုပါတယ်။
PSLF/TNLA ဟာ လွန်ခဲ့တဲ့ ၂၀၁၂ ကစပြီး မူးယစ်ဆေးဝါး တိုက်ဖျက်ရေးလုပ်ငန်းကို အရှိန်အဟုန်မြှင့် လုပ်ဆောင်ခဲ့ပြီး ၂၀၁၂ ကနေ ၂၀၂၅ ခုနှစ်အထိ ၁၃ နှစ်ကာလအတွင်း ဘိန်းဖြူ ၇၀၀.၁ ကီလိုဂရမ်၊ ဘိန်းဖြူခဲ ၂၅ ကီလိုဂရမ်၊ ဘိန်းမဲ ၃၅၆.၀၁ ကီလိုဂရမ်နဲ့ ယာမ စိတ်ကြွဆေးပြား ၂,၆၀၂.၃၆ ကီလိုဂရမ်တို့ကို မီးရှို့ဖျက်ဆီးနိုင်ခဲ့တယ်လို့ ဖော်ပြထားပါတယ်။
ဒါ့အပြင် ဘိန်းခင်း ၅,၃၁၃ ဧကကိုလည်း ဖျက်ဆီးနိုင်ခဲ့ပြီး မူးယစ်ဆေးဝါး သုံးစွဲသူ ၁၁,၃၃၇ ဦးကို အကျင့်စာရိတ္တ ပြုပြင်တာတွေ လုပ်ဆောင်ပေးခဲ့တယ်လို့ ပြောဆိုထားပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
