ရွှေဖီမြေ၊ ဇွန်လ ၁၇ ရက်
မြန်မာ့မဟာဗျူဟာနဲ့ မူဝါဒ လေ့လာရေးအင်စတီကျူ့ ISP (Myanmar) ရဲ့ အမှုဆောင် ဒါရိုက်တာ ဦးမင်းဇင်ဟာ တရုတ်နိုင်ငံ ကူမင်းမြို့မှာ ပြုလုပ်မယ့် ပညာရပ်ဆိုင်ရာကို သွားရောက်တဲ့အချိန် တရုတ်အာဏာပိုင်တွေက မှားယွင်းတဲ့ စွပ်စွဲချက်နဲ့ ဖမ်းဆီးခဲ့တာဖြစ်ပြီး ပြန်လွှတ်ပေးဖို့ကို ISP – Myanmar က ထုတ်ပြန်တောင်းဆိုလိုက်ပါတယ်။
ISP – Myanmar ဟာ လွပ်လပ်ပြီး ပါတီစွဲကင်းတဲ့၊ အစိုးရမဟုတ်တဲ့ သုသေတနအဖွဲ့အစည်း (Think Tank) တစ်ခုသာဖြစ်တဲ့အလျောက် မြော်မြင်ချက်ကလည်း မြန်မာနိုင်ငံအတွင်း ရုန်းထကြံ့ခိုင်မှု အားကောင်းပြီး သည်းခံစိတ်ကြီးမားတဲ့ လူ့အဖွဲ့အစည်းတစ်ရပ် ပေါ်ထွန်းလာစေရေးဖြစ်တယ်လို့ ဆိုပါတယ်။
အခုလို အထောက်အထားမဲ့၊ အခြေအမြစ်မရှိတဲ့ တရုတ်ရဲ့ စွပ်စွဲချက်မှန်သမျှကို ISP – Myanmar အနေနဲ့ ပြင်းပြင်းထန်ထန် ကန့်ကွက်ပြီး ငြင်းပယ်ရှုံးချကြောင်း ဆိုထားပါတယ်။
အဖွဲ့အစည်းအနေနဲ့ လွတ်လပ်တဲ့ သုသေတနအဖွဲ့အဖြစ် ဆက်လက်ရပ်တည်ပြီး အများပြည်သူ အကျိုးစီးပွားအတွက် အထောက်အကူပြုနိုင်တဲ့ သုသေတန အခြေပြု သုံးသပ်ချက်တွေနဲ့ ဆန်းစစ်ချက်တွေကို ဆက်လက်ထုတ်ဝေတင်ပြသွားမယ်လို့ ထုတ်ပြန်လိုက်ပါတယ်။
တရုတ်ရဲ့ ပြောရေးဆိုခွင့်ရှိသူကတော့ ဦးမင်းဇင်ကို သူလျှိုလုပ်မှုနဲ့ ဖမ်းဆီးလိုက်တာလို့ တရားဝင် ပြောဆိုခဲ့ပြီးနောက် ISP – Myanmar က အခုလို ထုတ်ပြန်လိုက်တာလည်း ဖြစ်ပါတယ်။
ဦးမင်းဇင်ကတော့ ISP – Myanmar ရဲ့ ဦးဆောင်သူတစ်ဦးဖြစ်ပြီး မြန်မာ့နိုင်ငံရေး၊ ဒီမိုကရေစီအသွင်ကူးပြောင်းရေး၊ တိုင်းရင်းသားပဋိပက္ခတွေနဲ့ တရုတ်ရဲ့ မြန်မာနိုင်ငံအပေါ် သက်ရောက်မှုတွေကို သုသေတနပြုခဲ့သူတစ်ဦးလည်း ဖြစ်တယ်လို့ သိရပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
