Browsing Category

လေကြောင်းတိုက်ခိုက်မှု

167 posts

မောက်မယ်မြို့နယ်က နာဟီးရွာထဲကို PNO အဖွဲ့ ပစ်လိုက်တဲ့ လက်နက်ကြီးကြောင့် ဒေသခံ ၂ ဦး ဒဏ်ရာရ

ရှမ်းတောင် မောက်မယ်မြို့နယ်က နာဟီးကျေးရွာထဲကို စစ်ကောင်တပ်နဲ့ PNO ပအိုဝ်းပြည်သူစစ်အဖွဲ့တို့ ပစ်ခတ်လိုက်တဲ့ လက်နက်ကြီးကြောင့် ဒေသခံ ၂ ဦး ထိခိုက်ဒဏ်ရာရခဲ့တယ်လို့ ပအိုဝ်းအမျိုးသား လွတ်မြောက်ရေး တပ်မတော် PNLA ရဲ့ ပြောရေးဆိုခွင့်ရှိသူ ခွန်ရိန်းယံက ရွှေဖီမြေကို ပြောပါတယ်။

နွားထိုးကြီးနယ်မှာ စစ်ကောင်စီတပ်က မီးလောင်အက်ဆစ်ဗုံးနဲ့ တိုက်ခိုက်တာကြောင့် တော်လှန်ရေးတပ်ဖွဲ့ဝင် ၆ ဦးဒဏ်ရာရ

မန္တလေးတိုင်း နွားထိုးကြီးမြို့နယ်မှာ စစ်ကောင်စီတပ်က မီးလောင်အက်ဆစ်ဗုံးတွေနဲ့ ဗုံးကြဲတိုက်ခိုက်ခဲ့တာကြောင့် တော်လှန်ရေးတပ်ဖွဲ့ဝင် ရဲဘော် ၆ ဦးဒဏ်ရာရရှိခဲ့တယ်လို့ နွားထိုးကြီး PDF ရဲ့ တာဝန်ရှိသူတစ်ဦးက ရွှေဖီမြေကို ပြောပါတယ်။

ဆားလင်းကြီးမြို့နယ်အခြေစိုက် တော်လှန်ရေးတပ်ဖွဲ့တွေရဲ့ တပ်စခန်းတစ်ခု လေကြောင်းတိုက်ခိုက်ခံရပြီး တော်လှန်ရေးတပ်ဖွဲ့ဝင် ၁၂ ဦး ကျဆုံး

စစ်ကိုင်းတိုင်း ဆားလင်းကြီးမြို့နယ်အခြေစိုက် တော်လှန်ရေးတပ်ဖွဲ့တွေရဲ့ တပ်စခန်းတစ်ခုကို စစ်ကောင်စီတပ်က လေကြောင်းကေနေ ဗုံးကြဲတိုက်ခိုက်လို့ တော်လှန်ရေးတပ်ဖွဲ့ဝင် ၁၂ ဦး ကျဆုံးခဲ့တယ်လို့ ဒေသခံအမျိုးသားတစ်ဦးက ရွှေဖီမြေကို ပြောပါတယ်။

စစ်ကောင်စီတပ်ရဲ့ လက်နက်ကြီးပစ်ခတ်မှုကြောင့် ကျိုက်ထိုမြို့နယ်က အရပ်သား ၃ ဦး သေဆုံးပြီး ၃ ဦး ဒဏ်ရာရ

ကရင်အမျိုးသားအစည်းအရုံး (KNU) ထိန်းချုပ်နယ်မြေ ဒူးသထူခရိုင်၊ ကျိုက်ထိုမြို့နယ်မှာ စစ်ကောင်စီတပ်ရဲ့ လက်နက်ကြီးပစ်ခတ်မှုကြောင့် အရပ်သား ၃ ဦး သေဆုံးပြီး ၃ ဦး ဒဏ်ရာရခဲ့တယ်လို့ KNU က မနေ့ ဖေဖော်ဝါရီ ၁၂ ရက်မှာ ထုတ်ပြန်ထားပါတယ်။

ပြည်ထောင်စုနေ့မှာ စစ်ကောင်စီတပ်ရဲ့ ဗုံးကြဲမှုကြောင့် မြောက်ဦးနဲ့ ကျောက်တော်က ဒေသခံ ၇ ဦး သေဆုံးပြီး ၁၆ ဦး ဒဏ်ရာရ

အာရက္ခတပ်တော် – AA ထိန်းချုပ်ထားတဲ့ ရခိုင်ပြည်နယ် မြောက်ဦးမြို့နဲ့ ကျောက်တော်မြို့ကို စစ်ကောင်စီတပ်က လေကြောင်းကနေ ဗုံးကြဲတိုက်ခိုက်ခဲ့ကြောင့် ဒေသခံ ၇ ဦး သေဆုံးပြီး ၁၆ ဦး ဒဏ်ရာရရှိခဲ့တယ်လို့ ဒေသခံအမျိုးသားတစ်ဦးက ရွှေဖီမြေကို ပြောပါတယ်။

ဒီပဲယင်းက ဘုတ္ထန်းရွာ လေကြောင်းတိုက်ခိုက်ခံရလို့ အမျိုးသား ၁ ဦး သေဆုံးပြီး နေအိမ် အလုံး ၃၀ နီးပါး ပျက်စီး

စစ်ကိုင်းတိုင်း ဒီပဲယင်းမြို့နယ်က ဘုတ္ထန်းရွာဟာ လေကြောင်းကနေ ဗုံးကြဲတိုက်ခိုက်ခံရတာကြောင့် အမျိုးသား ၁ ဦး သေဆုံးပြီး နေအိမ် အလုံး ၃၀ နီးပါး ပျက်စီးတယ်လို့ ဒီပဲယင်းမြို့နယ် ပြည်သူ့အုပ်ချုပ်ရေးအဖွဲ့က ထုတ်ပြန်ထားပါတယ်။

လားရှိုးမှာ ရှော့တိုက်ဒုံးနဲ့ ပစ်ခတ်တိုက်ခိုက်ခံရပြီးနောက် စစ်ကောင်စီတပ်က စစ်ဆေးမှုတွေ တင်းကြပ်လာ

စစ်ကောင်စီတပ် ပြန်ထိန်းချုပ်ထားတဲ့ ရှမ်းမြောက် လားရှိုးမြို့မှာ ရှော့တိုက်ဒုံးနဲ့ ပစ်ခတ်တိုက်ခိုက်ခံရပြီးနောက် စစ်ကောင်စီတပ်က စစ်ဆေးမှုတွေ တင်းကြပ်လာတယ်လို့ လားရှိုးမြိုခံတွေနဲ့ ခရီးသွားတွေက ရွှေဖီမြေကို ပြောပါတယ်။

မောက်မယ်မြို့နယ်ထဲက ကျေးရွာတွေကို PNO အဖွဲ့က အသေခံဒရုန်းနဲ့ လက်နက်ကြီး ပစ်ခတ်တိုက်ခိုက်တာကြောင့် နေအိမ် ၂၀ ကျော် ပျက်စီး

ရှမ်းတောင် မောက်မယ်မြို့နယ်ထဲက ကျေးရွာ ၃ ရွာထဲကို တိုက်ပွဲဖြစ်ပွားခြင်းမရှိဘဲ စစ်ကောင်စီရဲ့ လက်အောက်ခံတပ်တဲ့ ပအိုဝ်းပြည်သူ့စစ် PNO အဖွဲ့က လက်နက်ကြီးနဲ့ အသေခံဒရုန်း ပစ်ခတ်တိုက်ခိုက်ခဲ့တာကြောင့် ဒေသခံတွေရဲ့ နေအိမ်အလုံး ၂၀ ကျော် ပျက်စီးသွားခဲ့တယ်လို့ ပအိုဝ်းအမျိုးသား လွတ်မြောက်ရေးတပ်မတော် PNLA ရဲ့ ပြောရေးဆိုခွင့်ရှိသူ ခွန်ရိန်းယံက ရွှေဖီမြေကို ပြောပါတယ်။

မြောင်မြို့နယ်က ဇရပ်ကုန်းကျေး‌ရွာကို လေကြောင်းကနေ ဗုံး ၂ ကြိမ် ကြဲချတိုက်ခိုက်လို့ အရပ်သား ၂ ဦး ဒဏ်ရာရ

စစ်ကိုင်းတိုင်း မြောင်မြို့နယ် ဇရပ်ကုန်းကျေး‌ရွာကို စစ်ကောင်စီတပ်က လေကြောင်းကနေ ဗုံး ၂ ကြိမ် ကြဲချတိုက်ခိုက်ခဲ့လို့ အရပ်သား ၂ ဦး ထိမှန်ဒဏ်ရာရခဲ့တယ်လို့ မြောင်မြို့နယ် ပြည်သူ့ကာကွယ်ရေးတပ် TGR မှ တာဝန်ရှိသူတစ်ဦးက ရွှေဖီမြေကို ပြောပါတယ်။

KNU ထိန်းချုပ်ဒေသမှာ မြေမြှုပ်မိုင်း၊ ဒရုန်းနဲ့ လေကြောင်း တိုက်ခိုက်မှုကြောင့် ၂ ဦး သေဆုံးပြီး လသားကလေးအပါအဝင် ၇ ဦး ဒဏ်ရာရ

ကရင်အမျိုးသားအစည်းအရုံး KNU ထိန်းချုပ်ဒေသ ပဲခူးတိုင်း မူးမြို့နယ်၊ ဆောထိ (ရွှေကျင်) မြို့နယ်နဲ့ ကျောက်ကြီး(လယ်ဒို) စတဲ့မြိုနယ်တွေမှာ ဖေဖော်ဝါရီ ၃ ရက် ကနေ ၈ ရက်အထိ စစ်ကောင်စီတပ်ရဲ့ လေကြောင်း၊ ဒရုန်းနဲ့ မြေမြှုပ်မိုင်းကြောင့် အရပ်သား ၂ ဦး သေဆုံးခဲ့ပြီး ၁ လသားကလေးအပါအဝင် ၇ ဦး ထိခိုက်ဒဏ်ရာရခဲ့ကြောင်း KNU ရဲ့ ထုတ်ပြန်ချက်အရ သိရပါတယ်။