လေကြောင်းတိုက်ခိုက်မှု

စစ်ကိုင်းတိုင်း အင်းတော်မြို့နယ် မော်လူးဒေသက လေဘိုကျေးရွာကို စစ်ကောင်စီတပ်က လေကြောင်းကနေ ဗုံးကြဲတိုက်ခိုက်လို့ မိသားစုဝင်အားလုံး သေဆုံးခဲ့ရတဲ့ဖြစ်စဉ် ဖြစ်ပွားခဲ့တယ်လို့ သိရပါတယ်။

ချင်းပြည်နယ်၊ တွန်းဇံမြို့နယ်မှာရှိတဲ့ ချင်းအမျိုးသားတပ်တော် (CNA) နဲ့ ချင်းကာကွယ်ရေးတပ် (တွန်းဇံ) တို့ရဲ့ ပူးပေါင်းတပ်စခန်းကို ဇိုမီးတော်လှန်ရေးတပ်မတော် (ZRA) က ဒရုန်းဖြင့် တိုက်ခိုက်ခဲ့တယ်လို့ ဒေသခံတွေဆီက သိရပါတယ်။

စစ်ကိုင်းတိုင်း ရွှေဘိုမြို့နယ် ငပိအိုးရွာကို စစ်တပ်က ဗုံးကြဲလို့ အရပ်သား ၃ ဦး ထိခိုက်သေဆုံးခဲ့တယ်လို့ Wetlet Informational Network တာဝန်ရှိသူတစ်ဦးက ရွှေဖီမြေကို ပြောပါတယ်။

မွန်ပြည်နယ် ဘီးလင်းမြို့အခြေစိုက် စစ်ကောင်စီရဲ့ ခြေမြန်တပ်ရင်း (ခမရ ၃)က ပစ်ခတ်တဲ့ လက်နက်ကြီးဟာ အလူးကြီးအနောက်ခြမ်းရွာထဲ ကျရောက်ပေါက်ကွဲခဲ့ပြီး ရွာထဲက မြေးအဖွား ၂ ဦး သေဆုံးသွားခဲ့တယ်လို့ သိရပါတယ်။

အာရက္ခတပ်တော်(AA) ထိန်းချုပ်ထားတဲ့ ရခိုင်ပြည်နယ်၊ ပုဏ္ဏကျွန်းမြို့နယ်နဲ့ မင်းပြားမြို့နယ်ကို စစ်ကောင်စီတပ်က လေကြောင်း တိုက်ခိုက်လို့ စတားလင့် အသုံးဆောင်ပစ္စည်းနဲ့ အဆောက်အဦးတချို့တို့ ထိခိုက်ပျက်စီးသွားခဲ့တယ်လို့ ဒေသခံတွေက ရွှေဖီမြေသို့ ပြောပါတယ်။

မန္တ လေးတိုင်း မန္တလေး အလယ်ပိုင်းတိုင်း စစ်ဌာနချုပ်မှာ ဗိုလ်ချုပ်ကြီး မင်း‌အာင်လိူင်က မန္တလေး မင်းဝတ်တန်ဆာဝတ်ဆင်ပြီး ယတြာချေဖို့ ခေတ္တတည်းခိုးစဉ် ရှော့တိုက်ဒုံး ၅ လုံးပစ်ခတ်ခံခဲ့ရတယ်လို့ သိရပါတယ်။

မကွေးတိုင်း အောင်လံမြို့နယ် တပ်ကုန်းကျေးရွာက လေကြောင်းတိုက်ခိုက်မှုအတွင်း ဒဏ်ရာရသူတွေထဲက အသက် ၁၃ နှစ်အရွယ် မောင်လမင်းကိုကိုဆိုသူက ထပ်မံသေဆုံးခဲ့တယ်လို့ သိရပါတယ်။

ကချင်ပြည်နယ်၊ မိုးညှင်းခရိုင်၊ ဖားကန့်မြို့မှာ ဒီနေ့ ဇန်နဝါရီလ ၂၅ ရက်မှာ ပြုလုပ်တဲ့ စစ်ကောင်စီရဲ့ ရွေးကောက်ပွဲ အပိုင်း ၃ အတွင်း မြို့ပေါ်က မဲရုံတွေ ပိတ်လိုက်ရတဲ့ အနေအထားရှိခဲ့ကြောင်း ဒေသခံတွေဆီက သိရပါတယ်။

စစ်ကိုင်းတိုင်း ကောလင်းမြို့နယ်အရှေ့ဘက်ခြမ်းက ရှမ်းကုန်းရွာကို စစ်ကောင်စီတပ်က လေကြောင်းနဲ့ ဗုံးကြဲတိုက်ခိုက်မှုကြောင့် ဒေသခံ ၁ ဦးသေဆုံးပြီး ၃ ဦးဒဏ်ရာရခဲ့တယ်လို့ ဒေသခံတစ်ဦးက ရွှေဖီမြေကိုပြောပါတယ်။

ရခိုင်ပြည် ကျောက်ဖြူမြို့နယ်က စစ်ရှောင်တွေ နေထိုင်တဲ့နေရာကို စစ်ကောင်စီတပ်က လေကြောင်းကနေ ဗုံးကြဲတိုက်ခိုက်ခဲ့တာကြောင့် စစ်ရှောင် ၂ ဦးသေဆုံးပြီး ကလေးငယ် ၁ ဦးအပါအဝင် ၅ ဦး ဒဏ်ရာရရှိခဲ့တယ်လို့ အာရက္ခတပ်တော်- AA က ထုတ်ပြန်ထားပါတယ်။