Browsing Category

သတင်း

3351 posts

Stay informed with the latest breaking news and in-depth reporting on a wide range of topics, including local news, education, breaking news and more.

ကိုးကန့်က အွန်လိုင်းငွေလိမ်ဂိုဏ်းခေါင်းဆောင် မြီရှောက်ချန်းရဲ့ သားဖြစ်သူနဲ့ မြေးအပါအဝင် ၁၁ ဦးကို တရုတ်သေဒဏ်စီရင်

စစ်ကောင်စီက တရုတ်ကို လွှဲပြောင်းပေးခဲ့တဲ့ အွန်လိုင်းငွေလိမ်ဂိုဏ်းခေါင်းဆောင် မြီးရှောက်ချန်းရဲ့ သားဖြစ်သူနဲ့ မြေးဖြစ်သူအပါအဝင် ကျားဖြန်လုပ်ငန်းမှာ ပါဝင်ပတ်သက်သူ ၁၁ ဦးကို သေဒဏ်ပေးလိုက်ကြောင်း တရုတ်နိုင်ငံပိုင် CCTV သတင်းဌာနမှာ ထုတ်ပြန်ထားပါတယ်။

TNLA နဲ့ ဆက်စပ်မှုရှိတယ်ဆိုပြီး ဖမ်းဆီးခံရတဲ့ သီပေါနဲ့ ကျောက်မဲက ဒေသခံအများစု ပြန်မလွှတ်သေး၊ ဖမ်းဆီးခံရသူတွေ လွှတ်မြောက်ဖို့ TNLA ဘက်က ဆောင်ရွက်ပေးဖို့ လူထုတွေ တောင်းဆို

တအာင်းတပ်မတော်- PSLF/ TNLA နဲ့ ဆက်စပ်မှုရှိတယ်ဆိုပြီး စစ်ကောင်စီတပ်ရဲ့ ဖမ်းဆီးတာခံရတဲ့ ကျောက်မဲနဲ့ သီပေါမြို့က ဒေသခံတွေအများစုဟာ လက်ရှိအချိန်အထိ ပြန်လည်လွှတ်မြောက်လာတာ မရှိသေးဘူးလို့ ဒေသခံတွေဆီက သိရပါတယ်။

ကိုးကန့်ဒေသမှာ ကျားဖြန်နဲ့ မူးယစ်ဆေးဝါးတွေကို လုံးဝလက်ခံမှာ မဟုတ်ဘူးလို့ MNDAA ခေါင်းဆောင် ဖုန်တာရွှင်ပြော

ကိုးကန့်တပ်မတော်- MNDAA ထိန်းချုပ်ထားတဲ့ ကိုးကန့်ဒေသအတွင်း အွန်လိုင်းငွေလိမ်ဂိုဏ်းနဲ့ မူးယစ်ဆေးဝါးတွေကို လုံးဝလက်ခံမှာ မဟုတ်ဘူးလို့ ကိုးကန့်တပ်ရဲ့ စစ်ဦးစီးချုပ် ဒုတိယဗိုလ်ချုပ်ကြီးဖုန်းတာရွှင်က ပြောကြားခဲ့ပါတယ်။

ရွှေပြည်သာက ကျောင်းတစ်ခုမှာ ကျောင်းသားအချင်းချင်း ရန်ဖြစ်ထိုးကြိတ်ရာကနေ G-7 ကျောင်းသားတစ်ဦး သေဆုံး

ရန်ကုန်တိုင်း ‌ရွှေပြည်သာမြို့က အ.ထ.က ၁ ကျောင်းမှာ ကျောင်းတက်နေကြတဲ့ ကျောင်းသားတွေ အချင်းချင်း ရန်ဖြစ်စကားများရာကနေ Grade-7 ကျောင်းသားတစ်ဦး သေဆုံးသွားခဲ့တယ်လို့ ရွှေဖီမြေက စုံစမ်းသိရပါတယ်။

စစ်ကောင်စီတပ်ရဲ့ လက်နက်ကြီးပစ်ခတ်မှုနဲ့ လေကြောင်းတိုက်ခိုက်မှုကြောင့် KNU ထိန်းချုပ်နယ်မြေက ကလေးငယ် ၂ ဦးနဲ့ အမျိုးသမီးတစ်ဦး ထပ်မံသေဆုံး

ကရင်အမျိုးသားအစည်းအရုံး (KNU) ကော်သူးလေအုပ်ချုပ်နယ်မြေ ဒူးသထူ(သထုံ)ခရိုင်၊ ကျိုက်ထိုမြို့နယ်နဲ့ ခလယ်လွီထူ(ညောင်လေးပင်)ခရိုင် လယ်ဒိုမြို့နယ်မှာ စစ်ကောင်စီတပ်ရဲ့ လက်နက်ကြီးပစ်ခတ်မှုနဲ့ လေကြောင်းတိုက်ခိုက်မှုကြောင့် ကလေးငယ် ၂ ဦးနဲ့ အမျိုးသမီးတစ်ဦးတို့ ထပ်မံသေဆုံးသွားခဲ့တယ်လို့ KNU က မနေ့ ဇန်နဝါရီ ၂၇ ရက် ညမှာ ထုတ်ပြန်ထားပါတယ်။

မူဆယ်မြို့က ရပ်ကွက် (၉) ခုမှာ မူးယစ်ဆေးဝါး လက်လီ လက်ကားဆိုင်ဖွင့်ဖို့ ဟန့်တားသူမရှိတာကြောင့် မကြာမီ စတင်ဖွင့်လှစ်တော့မည်

စစ်ကောင်စီထိန်းချုပ်တဲ့ တရုတ်-မြန်မာနယ်စပ်မြို့ဖြစ်တဲ့ မူဆယ်မြို့မှာ လူမှုကွန်ယက်ပေါ် လူပြောများနေတဲ့ မူဆယ်မြို့ပေါ်က ရပ်ကွက်(၉) ခုမှာ ဖေဖော်ဝါရီလ (၁) ရက်နေ့စပြီး စတင်ဖွင့်လှစ်မယ့် မူးယစ်ဆေးဝါး လက်လီလက်ကားဆိုင်နဲ့ ပတ်သက်ပြီး တောင်ကြီးရှိ ပြည်နယ်ရဲတပ်ဖွဲ့မှူးနဲ့ ရဲချုပ်ရုံးက တစုံတရာ အမိန့်ပေးဟန့်တားသူ မရှိတာကြောင့် စတင်ဖွင့်လှစ်တော့မှာဖြစ်ကြောင်း ရဲသတင်းအရင်းအမြစ်တွေဆီက သိရပါတယ်။

လားရှိုးမြို့ပေါ်ရှိ မဟာဗောဓရုံ ကျောင်းတိုက်က ဘုန်းကြီးတစ်ပါးကို လူတစ်စုက ဝင်ရောက်သတ်ဖြတ်

စစ်ကောင်စီတပ်ပြန်လည်ထိန်းချုပ်ထားတဲ့ လားရှိုးမြို့‌ပေါ်ရှိ မဟာဗောဓရုံကျောင်းတိုက်က ဘုန်းကြီးတစ်ပါး အသတ်ခံရတယ်လို့ ဖြစ်စဉ်သိရှိသူအမျိုးသားတစ်ဦးက ပြောပါတယ်။

ရွှေဘိုမြို့နယ်မှာ စစ်ကောင်စီတပ် ဗုံးကြဲလို့ အရပ်သား ၃ ဦး သေဆုံး

စစ်ကိုင်းတိုင်း ရွှေဘိုမြို့နယ် ငပိအိုးရွာကို စစ်တပ်က ဗုံးကြဲလို့ အရပ်သား ၃ ဦး ထိခိုက်သေဆုံးခဲ့တယ်လို့ Wetlet Informational Network တာဝန်ရှိသူတစ်ဦးက ရွှေဖီမြေကို ပြောပါတယ်။

ဘီးလင်းမှာ စစ်ကောင်စီတပ်ရဲ့ လက်နက်ကြီးကြောင့် မြေးအဖွား ၂ ဦး သေဆုံးပြီး ၂ ဦး ဒဏ်ရာရ

မွန်ပြည်နယ် ဘီးလင်းမြို့အခြေစိုက် စစ်ကောင်စီရဲ့ ခြေမြန်တပ်ရင်း (ခမရ ၃)က ပစ်ခတ်တဲ့ လက်နက်ကြီးဟာ အလူးကြီးအနောက်ခြမ်းရွာထဲ ကျရောက်ပေါက်ကွဲခဲ့ပြီး ရွာထဲက မြေးအဖွား ၂ ဦး သေဆုံးသွားခဲ့တယ်လို့ သိရပါတယ်။

ပုဏ္ဏားကျွန်းနဲ့ မင်းပြားမြို့နယ်ကို စစ်ကောင်စီ လေကြောင်း တိုက်ခိုက်ပြီး ထိခိုက်ပျက်စီးမှုရှိ

အာရက္ခတပ်တော်(AA) ထိန်းချုပ်ထားတဲ့ ရခိုင်ပြည်နယ်၊ ပုဏ္ဏကျွန်းမြို့နယ်နဲ့ မင်းပြားမြို့နယ်ကို စစ်ကောင်စီတပ်က လေကြောင်း တိုက်ခိုက်လို့ စတားလင့် အသုံးဆောင်ပစ္စည်းနဲ့ အဆောက်အဦးတချို့တို့ ထိခိုက်ပျက်စီးသွားခဲ့တယ်လို့ ဒေသခံတွေက ရွှေဖီမြေသို့ ပြောပါတယ်။