သတင်း

စစ်ကောင်စီ ပြန်အုပ်ချုပ်မယ့် ရှမ်းမြောက် လားရှိုးမြို့မှာ စစ်ကောင်စီ၊ ကိုးကန့်တပ်နဲ့ တရုတ်ကိုယ်စားလှယ်တို့ ဆွေးနွေးနေပြီး မြို့အဝင်အထွက်လမ်းကို ယာယီ ပိတ်ထားတယ်လို့ လားရှိုးမြို့ခံတွေက ရွှေဖီမြေကို ပြောပါတယ်။

ဒီနေ့ ဧပြီ ၂၀ ရက် လားရှိုးမြို့တွင်းထဲ လူအသွားအလာ နည်းပါးနေပြီး ဆိုင်တချို့လည်း ပိတ်ထားကြတယ်လို့ လားရှိုးဒေသခံတစ်ဦးက ပြောပါတယ်။

မနေ့ ဧပြီ ၁၈ ရက်က စစ်ကောင်စီကိုယ်စားလှယ်တွေကို တရုတ်နိုင်ငံခြားရေးဝန်ကြီးဌာနရဲ့ အာရှရေးရာ အထူးကိုယ်စားလှယ် တိန်ရှီကျွင်းကိုယ်တိုင်ဦးဆောင်ပြီး လားရှိုးမြို့ထဲ ရောက်ရှိလာပြီးတော့ ကိုးကန့်တပ်ဆီကနေ လားရှိုးမြို့ လွှဲပြောင်းရယူရေး ကိုယ်တိုင် ဆောင်ရွက်ပေးနေတယ်လို့ အခြေနေသိရှိတဲ့ လားရှိုးမြို့ရှိ သတင်းအရင်းမြစ်တွေဆီက သိရပါတယ်။