တိုက်ပွဲသတင်း

ဒီနေ့ မတ်လ ၁၄ ရက် မနက် ၁၀ နာရီခွဲမှာ ကွတ်ခိုင်မြို့ကို စတင်ထိုးစစ်ဆင်တိုက်ခိုက်ခဲ့တဲ့ ကိုးကန့်တပ်ဟာ လက်ရှိ မြို့ပေါ်က ဌာနဆိုင်ရာအများစုကို သိမ်းပိုက်ထားပြီး ခံစစ် အသင့်ပြင်ထားလိုက်ပြီလို့ ဒေသခံတွေက ရွှေဖီမြေကို ပြောပါတယ်။

ဒီနေ့ မတ်လ ၁၄ ရက် မနက်မှာ တအာင်းတပ်ထိန်းချုပ်ထားတဲ့ ကွတ်ခိုင်မြို့အပါအဝင် နမ့်ဖတ်ကာ၊ကျင်စခန်းကျော့၊တာမိုးညဲနဲ့ မုံးစီးရှိ TNLA ရဲ့ တပ်စခန်းတွေကို တစ်ပြိုင်နက်ထဲ ထိုးစစ်ဆင်ခဲ့ပေမယ့် TNLA ဘက်က အရင်ပစ်လို့ ပြန်လည်ခုခံတာဖြစ်တယ်လို့ ကိုးကန့်တပ် ဒီနေ့လည်ပိုင်းမှာ စာထုတ်ပြန်ထားပါတယ်။

ကိုးကန့်တပ်-MNDAA ရဲ့ ဒရုန်းပစ်ခတ်မှုကြောင့် ကွတ်ခိုင်မြို့နယ်ထဲက ကျေးရွာ ၃ ရွာ ထက်မနည်းက ဒေသခံတွေ တောထဲထွက်ပြေးတိမ်းရှောင်နေရတယ်လို့ ဒေသခံတွေက ပြောပါတယ်။

တအာင်းတပ်- TNLA ထိန်းချုပ်ထားတဲ့ ကွတ်ခိုင်မြို့ထဲအထိ ကိုးကန့်တပ် MNDAAရဲ့ ထိုးစစ် ဝင်ရောက်လာပြီး မြို့ထဲမှာ နှစ်ဖက် တိုက်ပွဲအပြင်းအထန် ဆက်ဖြစ်နေတယ်လို့ ဒေသခံတွေဆီက သိရပါတယ်။

တအာင်းတပ်-TNLA ထိန်းချုပ်ထားတဲ့ ကွတ်ခိုင်မြို့ကို ကိုးကန့်တပ်-MNDAAက စတင်ထိုးစစ်ဆင်တိုက်ခိုက်နေပြီး မြို့ထဲလက်နက်ကြီး ပစ်ခတ်သံတွေကြားနေရတယ်လို့ ဒေသခံတွေက ပြောပါတယ်။