ပိုႈလဘား၊မာည်းအဆျှဴင်၊ အောဂ်ုတ် ဆငည်း 4၊ မာဝ်းႎံင်း
အဒိူဝ် ကျံရ်အောဂ်ုတ် ဆငည်း 4 ခီညှာ ကပံတ် 10 နြီလေႈ 30 မနေတ်ဒိူန် တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင် ပအရာပ်ထိင်ခြဲ တံပ်ဆီုက်တအာင်း PSLF/ TNLA ကဲ ပမာဝ်းႎံင်း။
တိုအီးအရာပ်ကဲအူအီး က္လာင်းတဖုင်ဆျှိုည်ဖီမျေဒါႈ ကဲပျောႈဟာဝ်းဘျုင်နီန် ခေဲင်ကီုင်းမာဝ်းႎံင်း ဒီဂေါည်ဂီုန်းတိုအီး ရီမ်းပြောက္လာႈကမာည်း ကာည်း လူမ်ဇီုင်းဆပယ်ဆငါးနီန်အောႏ။
ကဲဒါႈ “ ကဲပျောႈဟာဝ်းအူပိုင်း။ အ်ုန်ဇောႈကဒါႇလူမ်ဆပယ်ဆငါး။ ကဒါႇက္လာႈကမာည်း။ အ်ုန်နံင်မိူဝ်ႈအေ့ တိုအီးလ။ ကဇေန်နီး ညှံမ်နံပ်စိ”။
ကနာည်နံင်နံပ် စဲင်စဲင်ဟဟနီန် ဖုင်းယဲဆျှိုည်ဖီမျေမာ် ဂီုည်ဆီုပ်တခေါရ်ဟာဝ်းဘိုးအောႏ။
အမှိူဝ် ကျံရ်အောဂ်ုတ် ဆငည်း 3 ဘံန်ဆံန် ကပံတ် 2 နြီလေႈ 30 မနေတ်ဒိူန်မာ် တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင် ရီမ်းပြောကီုင်းမာဝ်းႎံင်း ပကီုင်းဆဘော ခေဲင်တံပ် ခလရ – 23 နီန် ပေါင် 500 နီန် 4 ပိုင်းအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
