ရူပ်ရာင် – CJ

မာည်းရူပ၊ ကျံရ်အောဂ်ုတ် ဆငည်း 3၊ မာဝ်းႎံင်း

ဇိုချီုင်တောႈ ခနံန်စဝ်တဘ်ုတ် ရီမ်းပြောကျောင် နတ်စစ်လင်း အ်ုန်အီဂေါည် ပဇံင် (2) ကီုင်းမာဝ်းႎံင်း ဒီပ်ုန်ထိင်ခြဲအူန်း တံပ်ဆီုက်တအာင်း – PSLF/TNLA ကဲနီန် အ်ုန်ဟည်ငျားဖါ်ႈ ညဲ့မဴင် လကပံတ်ဟာဝ်းပွံတ် ဇိူင်အ်ုန် အူကဒါႇအောႏ။

ခည်ကျံရ်အောဂ်ုတ် ဆငည်း 2 ခိင်ဆံန် ကပံတ် 2နြီလေႈအူကဒည်ဒိူန် ခနံန် စဝ်နန္ဒ အ်ုန်အီဘိူန်းအဆာက်တော် 42ဆန်ုမ်နီန် ငျားဒေညဲ့မဴင် ဇိုချီုင်တောႈအ်ုန်တဘ်ုတ် ရီမ်းပြောကျောင်ဒီန်အောႏ။

တိုအီးဂေါည်ခေဲင်မာဝ်းႎံင်းနီန်အူအီး က္လာင်းတဆျှိုည်ဖီမျေဒါႈ “ခနံန်စဝ် ငျားဒေညဲ့မဴင် ခိင်တောႈအ်ုန်တဘ်ုတ် ရီမ်းပြောကျောင်ဒီန်။ ဇိူင်အ်ုန် ကဒါႇတံမ် ကတ်ုတ်ဟာဝ်းပွံတ်”

အ်ုန်ဆီုပ်ဒါႈဘိုး ကနာည်နံင်ဘယ်ဒေဆနံမ်းဒဲႈ တစဝ်နန္ဒနီန် ဟည်တိုန်းဟိုက်အ်ုန် ပယုင်ဆနံမ်ဒါင်း လာဆေဝ်ယာ့်အောႏ။

မိူဝ်ႈဘိုးတိုအီးခေဲင်မာဝ်းႎံင်းကဲအူအီး က္လာင်းဒါႈ ခေဲင်ပ္လေါည်ကတီုက်ကပဴင် ဆီမ်းကီုင်းမာဝ်းဒိူန် ခေဲင်ကျောင်နတ်စစ်လင်းနီန် အ်ုန်မိုႈဖါ်ႈ ဒီပ္လေႈတံပ်ကညာအာဏာဆီုက်ဇေဝ်ကဲတတံပ် မဴင်ကဇေန်နီးမာ် နံင်မိုႈလိူည် မဴင်ပ်ုန်တီႇအူန်းကဲယာ့်။

ခည်ကျံရ်မာချှ် ဆငည်း 7ဒိူန်မာ် ယိူဝ်ႇတကဲတိူဝ်ႈကနိုက် ပ္လေဘောမ် အ်ုန်အီညှံမ်အီပဒူႈဒိူန် ဟည်ပဒူႈဖါ်ႈ လယံမ်းတိုအီး 2အီးကာည်း ဘာတ် 4အီးအောႏ။

တောပ်ဘည်စြာင်းပ်ုန်ဘိူန်းအူန်း ဖုင်ယဲဆျှိုည်ဖီမျေ ဂေါႇလာက်နာက်အီဒါ့်ကီုတ်ကဲဒိူန် ဇူႈပွံတ်ကျံရ်‌ေႎှဲပ်ဘျူရီ ရောတ်ဘံင်ကျံရ် အောဂ်ုတ်နီန် တိုအီးရဝ် ဟည်ယံမ်း 2အီးကာည်း ဘာတ် 7အီးယာ့်အောႏ။

ကဝ်အီကပ္လါႇဘေဲႇဆဒါင် – Lway N Tra

ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။

Shwe Phee Myay YouTube

Shwe Phee Myay Telegram

Sign Up for Our Newsletters

Get notified of the best deals on our WordPress themes.

You May Also Like

ခေဲင်ကီုင်းမာဝ်းဝံင်းနီန် တံပ်ဆီုက်ကညာအာဏာဆီုက်ဇေဝ်ကဲ ဂီုည်ပဲန်ကရဲင်ပ္လေါည်ကတီုက်ကပဲင်

ဘိူန်းအယ်နံပ် ဒီထိုးဟာဝ်း တံပ်ကညာအာဏာဆီုက်ဇေဝ်ကဲ ခေဲင်ကီုင်းမာဝ်း ရီမ်းပြောခိုမုန်နီန် တံပ်ကညာအာဏာဆီုက်ဇေဝ် ကာည်း တံပ်ဆီုက်တအာင်း TNLA ကဲပဲန်ကရဲင်ဖါ်ႈ ပ္လေါည်ကတီုက်ကပဴင်နီန် ခေဲင်ကီုင်းမာဝ်းႎံင်းဒီ‌ေပန်ခ္လနီန် ဂီုည်မိုႈလိူည် TNLA ကဲ ထိင်ခြဲအောႏ။

တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင်တောပ်ကော်င် ခေဲင်ရဝ်လုံဝယ် တိုက်ဟာဝ်းဘိုးဂါင်ဂေါည်

တံပ်ဆီုက်တအာင်း TNLA ကဲ ပ္လိူရ်ႈလေႈဒါႈ ဒီပဲန်ကရဲင် ပ္လေါည်ကတီုက်ကပဴင် ခေဲင်လှံင်မာဝ်းႎံင်းနီန် တံပ်ကညာအာဏာဆီုက်ဇေဝ်ကဲ ဒါယာန်ပ်ုရ်ပျောႈဟာဝ်းဘျုင် 30 ပိုင်း ကာည်း ဘျုင်တောပ်ကော်င် 3 ပိုင်းအောႏ။

ဒီခေဲင်ကီုင်းသပိတ်ကျင်းနီန် ကဒါႇဂီုန်း တံပ်ကညာအာဏာဆီုက်ဇေဝ်ကဲ ဟည်ႎီရ်ဘိူန်းဒေ ထိင်ခြဲ

ကဲအီဂေါည်ခေဲင်ပ္လေါည်ကတီုက်ကပဴင်ကဲနီန် က္လာင်းတဆျှိုည်ဖီမျေဒါႈ ဒီကီုင်းသပိတ်ကျင်း ကပီုန်ဒါင်းမာန်းတလေး အ်ုန်အီမိုႈဒီပ်ုန်ထိင်ခြဲအူန်း တံပ်လံပ်တီုက်ႎှီုန်းကဲနီန် ကဒါႇဂီုန်း တံပ်ကညာအာဏာဆီုက်ဇေဝ်ကဲ ဟည်ႎီရ်ဘိူန်းဒေ ထိင်ခြဲအူန်း ခည်ကျံရ်ဇူန်လည် ဆငည်း 22ဒိူန်အောႏ။

ဂေါႇမိုႈကဝ်အီဇိူရ်ႈကားနီန် ဒါဘိုတ်ဘြူႈ ကောန်အီမာည်း 2အီး ဂါရ်အီကဇိူရ်ႈကယံင်းကား ပတော်င်စီး စီပဲန် 1အီးယံမ်းဖါ်ႈ ဘာတ်အူအီး

ဂေါႇမိုႈကဝ်အီဇိူရ်ႈကားနီန် ဒါဘိုတ်ဘြူႈ ဂါရ်ႎါႎည်း 2အီး အီကဇိူရ်ႈကယံင်းကား ပကီုင်းအေးသာယာ လှံင်တော်င်စီး ကပီုန်ဆျှံမ်ကဒါႇက်ြုမ် အ်ုန်အီမိုႈ ဒီပ်ုန်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် စီပဲန် ကဝ်အီမိုႈႎါးအ်ုန် ယံမ်းဖါ်ႈ ကဝ်အီမိုႈႎည်းစီ ကတူႈဟာဝ်းဖေးဆဲဝ်အောႏ။