ဆျှိုည်ဖီမျေ၊ ကျံရ်အောဂ်ုတ် ဆငည်း 1၊ နော်င်ခေဝ်
TNLA ကဲ ပ္လိူရ်ႈလေႈ အဒိူဝ် ကျံရ်အောဂ်ုတ် ဆငည်း 1နီန်ဒါႈ ကံပ်အာဝ်မိူဝ်ႈပ္လေါည်ကတီုက်ကပဴင်မာ် ဂေါႇမိုႈတံပ်ကညာအာဏာဆီုက်ဇေဝ်ကဲ ဒါယာန်ပ်ုရ် ဒေဲႈပျောႈပ္လေ ပရဝ်ဒိုးပင် လှံင်နော်င်ခေဝ် အ်ုန်အီမိုႈဒီပ်ုန်ထိင်ခြဲအူန်း တံပ်ဆီုက်တအာင်း – TNLA ကဲ စီပဲန်တိုအီးရဝ် 1အီး ယံမ်းဖါ်ႈ ဘာတ် 2အီးအောႏ။
ကဲဒါႈ ခည်ကျံရ်ဇူန်လည် ဆငည်း 31ဒိူန် တံပ်ကညာအာဏာဆီုက်ဇေဝ်ကဲ ဒေဲႈပျောႈ ပေါင် 250 2ပိုင်းကာည်း ပဴင်ဒါဒရုင် 15ပိုင်းအောႏ။
ကဲပ္လိူရ်ႈအူန်း ခေဲင်ပ္လါႇဘေဲႇဒါႈ ကောန်အီပ်ုန် ဘိူန်းအဆာက် 32ဆန်ုမ် 1အီး ယံမ်းဖါ်ႈ ဆဲႈဒါႇတာအံင်ပါန် ဘိူန်းအဆာက် 42ကာည်း ယာတီန်တီန်အူး ဘိူန်းအဆာက် 68ဆန်ုမ်ကဲနီန်ဘာတ် ဆိက်ပ္လေဘျုင် ဟည်လလူလေဲဝ်ဟာဝ်း ဂါင်ဂေါည် 8ကြောင်ကာည်း ကားဘ 1ကြောင်အောႏ။
ခည်ကျံရ်ဇူန်လည် ဆငည်း 30ဒိူန်မာ် ကံပ်အာဝ်မိူဝ်ႈဆဲ့ ပ္လေါည်ကတီုက်ကပဴင် ဂေါႇမိုႈ တံပ်ကညာအာဏာဆီုက်ဇေဝ်ကဲ ဒါယာန်ပ်ုရ်ဂျက် ဒေဲႈပျောႈပ္လေ 2ပိုင်း၊ ပ္လေလာက်နာက်ဒါင်း 10ပိုင်း၊ ဒရုင် 2ကြောင် ပရဝ်ဟိုခိုနီန် စီပဲန်ကောန်အီပ်ုန်အူအီး ဘာတ်ဖါ်ႈ တိူဝ်လူလေဲဝ်ဟာဝ်း ဂါင်ဂေါည် 2ကြောင်အောႏ။
တောပ်ဘည်စြာင်းပ်ုန်ဘိူန်းအူန်း ဖုင်ယဲဆျှိုည်ဖီမျေ ဇူႈပွံတ်ကျံရ်ဇူန်လည် ဆငည်း 1 ရောတ်ဘံင် ကျံရ်ဇူန်လည် ဆငည်း 31 ခေဲင်ဘြည်အူကျံရ်နီန် ဂေါႇဖေးရာန်ယာန်ပ်ုန် ကာည်း ဖေးရာန်လာက်နာက်ဒါင်း တံပ်ကညာအာဏာဆီုက်ဇေဝ်ကဲ တိုအီးရဝ် ဟည်ယံမ်းဖါ်ႈ 30အီး ဘာတ် 46အီးအောႏ။
ကဲပ္လိူရ်ႈအူန်း ခေဲင်ပ္လါႇဘေဲႇဒါႈ ကဆီုဝ်ကူန်ရဝ်မာဂါင်ကဲ ကနာည်နှာင်းဘယ်ဒေႎဲႈ ဖေးရာန်ယာန်ပ်ုရ် တံပ်ကညာအာဏာဆီုက်ဇေဝ်ကဲ လိုခည်းအူန်းဆဒိဒါင်းဒါင်း တလံပ်အရေးဆီုက်နီန်အောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
