ရူပ်ရာင် – SAC (Telegram)

မာည်းရူပ၊ ကျံရ်ဇူန်လည် ဆငည်း 31၊ နော်င်ခေဝ်

ဖုင်ယဲဆျှိုည်ဖီမျေ တခေါရ်နံပ် ပကီုင်းနော်င်ခေဝ် အ်ုန်အီမိုႈဒီပ်ုန်ႎီရ်ဘိူန်း တံပ်ကညာအာဏာဆီုက်ဇေဝ်ကဲ တထိင်ခြဲနီန် ကဲဂီုည်တောပ်ဒေဘိဂါင် ဒါႈမိုႈ အ်ုန်ကဆီုဝ်ကဆဲင်တောပ် တံပ်ဆီုက်တအာင်း TNLA ကာည်း PDF ကဲအောႏ။

ဘည်တောပ်ကဲတဘိဂါင် တိုအီးခေဲင်အရာပ် မံင်ခ္လကဲဒိူန်မာ် တံပ်ကညာအာဏာဆီုက်ဇေဝ်ကဲ ဂီုည်တောပ်ဒေတိုည်း ဒါႈမိုႈကဲကဆီုဝ်ကဆဲင်တောပ် တံပ်လံပ်တီုက်ႎှီုန်းကဲအောႏ။

ကောန်အီပ်ုန် နော်င်ခေဝ် အ်ုန်အီနံပ်ဘည်မိုႈဘည်ဘာည်းနီန်အူအီး က္လာင်းတဆျှိုည်ဖီမျေဒါႈ “ဂါင်ကဲအီလေႈဇီုဝ်ကဲဒိူန် ကဲဟည်ဘိဒိုႇ။ ဂါင်မာ်ဘိ တိုအီးမာ်တိုည်း။ တိုအီးပ်ုန်နံပ်အောအူအီး အ်ုန်ကတူႈကဲတိုည်းဟာဝ်း ဒါႈမိုႈအ်ုန် ကဆဲင်တောပ် TNLAကဲ။ မောကံပ်ရောတ်ကဇေန်နီး ကဲညှံမ်ပ္လေႈႎီရ်စိအ်ုန်။”

တတယ်လီဂရမ်ချှံန်နယ် ကဲအီထာ့်ခါမ် တံပ်ကညာအာဏာဆီုက်ဇေဝ်ကဲဒိူန်မာ် ပ္လိူရ်ႈလေႈ ဘည်တောပ်ကဲတဘိ ဂါင်အီကဆီုဝ်ကဆဲင်တောပ် TNLAကာည်း PDFကဲ ခေဲင်ကီုင်းနော်င်ခေဝ်။

ခေဲင်ပ်ုန်တောပ် တံပ်ကညာအာဏာဆီုက်ဇေဝ်ကဲတဘိဒီန် ဆဲႈဒါႇဂါင်ဂေါည် ဆဴင်ခြီရ်မာ်တောပ် ဆာ်မိုႈထာန်ဘိကဲ ညှံမ်နံပ်စိအောႏ။

ဘည်ပြံတ်တံပ်ကညာအာဏာဆီုက်ဇေဝ်ကဲတဝါဒ ဒါႈမိုႈကဲဟည်ႎီရ်ရေဲန်ဇီုင်း လံပ်ႎီရ်ပျိူဝ်ႇယိူဝ်ႇ လံပ်ဘြောင်ချှာင်၊ လံပ်ခေါခါႇ၊ လံပ်ပိင်ငျာကဲနီန် ခေဲင်ကီုင်းနော်င်ခေဝ် အူကဒါႇမာ် ကဲဂီုည်တောပ်ဒေဘိဂါင် တောပ်ဒေတိုည်း တိုအီးခေဲင်အရာပ်ကဲအောႏ။

ဘံန်ဟောည်ႇထိင် TNLA ကဲကာည်း တံပ်ကပိုမ်ကဲတ ကီုင်းနော်င်ခေဝ်နီန် လှေင်ဘြည် 1ဆန်ုမ်လေႈ ခည်ကျံရ်ဇူန်လည် ဆငည်း 16ဒိူန် ကဲဟည်ဘ်ုပ် ပ္လေႈႎီရ်ဘိုးတတည်း တံပ်ကညာအာဏာဆီုက်ဇေဝ်ကဲအောႏ။

ကဝ်အီကပ္လါႇဘေဲႇဆဒါင် – Lway N Tra

ဆဒါင်ဖုင်ယဲဆျှိုည်ဖီမျေနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။

Shwe Phee Myay YouTube

Shwe Phee Myay Telegram

Sign Up for Our Newsletters

Get notified of the best deals on our WordPress themes.

You May Also Like

ခေဲင်ကီုင်းမာဝ်းဝံင်းနီန် တံပ်ဆီုက်ကညာအာဏာဆီုက်ဇေဝ်ကဲ ဂီုည်ပဲန်ကရဲင်ပ္လေါည်ကတီုက်ကပဲင်

ဘိူန်းအယ်နံပ် ဒီထိုးဟာဝ်း တံပ်ကညာအာဏာဆီုက်ဇေဝ်ကဲ ခေဲင်ကီုင်းမာဝ်း ရီမ်းပြောခိုမုန်နီန် တံပ်ကညာအာဏာဆီုက်ဇေဝ် ကာည်း တံပ်ဆီုက်တအာင်း TNLA ကဲပဲန်ကရဲင်ဖါ်ႈ ပ္လေါည်ကတီုက်ကပဴင်နီန် ခေဲင်ကီုင်းမာဝ်းႎံင်းဒီ‌ေပန်ခ္လနီန် ဂီုည်မိုႈလိူည် TNLA ကဲ ထိင်ခြဲအောႏ။

တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင်တောပ်ကော်င် ခေဲင်ရဝ်လုံဝယ် တိုက်ဟာဝ်းဘိုးဂါင်ဂေါည်

တံပ်ဆီုက်တအာင်း TNLA ကဲ ပ္လိူရ်ႈလေႈဒါႈ ဒီပဲန်ကရဲင် ပ္လေါည်ကတီုက်ကပဴင် ခေဲင်လှံင်မာဝ်းႎံင်းနီန် တံပ်ကညာအာဏာဆီုက်ဇေဝ်ကဲ ဒါယာန်ပ်ုရ်ပျောႈဟာဝ်းဘျုင် 30 ပိုင်း ကာည်း ဘျုင်တောပ်ကော်င် 3 ပိုင်းအောႏ။

ဒီခေဲင်ကီုင်းသပိတ်ကျင်းနီန် ကဒါႇဂီုန်း တံပ်ကညာအာဏာဆီုက်ဇေဝ်ကဲ ဟည်ႎီရ်ဘိူန်းဒေ ထိင်ခြဲ

ကဲအီဂေါည်ခေဲင်ပ္လေါည်ကတီုက်ကပဴင်ကဲနီန် က္လာင်းတဆျှိုည်ဖီမျေဒါႈ ဒီကီုင်းသပိတ်ကျင်း ကပီုန်ဒါင်းမာန်းတလေး အ်ုန်အီမိုႈဒီပ်ုန်ထိင်ခြဲအူန်း တံပ်လံပ်တီုက်ႎှီုန်းကဲနီန် ကဒါႇဂီုန်း တံပ်ကညာအာဏာဆီုက်ဇေဝ်ကဲ ဟည်ႎီရ်ဘိူန်းဒေ ထိင်ခြဲအူန်း ခည်ကျံရ်ဇူန်လည် ဆငည်း 22ဒိူန်အောႏ။

ဂေါႇမိုႈကဝ်အီဇိူရ်ႈကားနီန် ဒါဘိုတ်ဘြူႈ ကောန်အီမာည်း 2အီး ဂါရ်အီကဇိူရ်ႈကယံင်းကား ပတော်င်စီး စီပဲန် 1အီးယံမ်းဖါ်ႈ ဘာတ်အူအီး

ဂေါႇမိုႈကဝ်အီဇိူရ်ႈကားနီန် ဒါဘိုတ်ဘြူႈ ဂါရ်ႎါႎည်း 2အီး အီကဇိူရ်ႈကယံင်းကား ပကီုင်းအေးသာယာ လှံင်တော်င်စီး ကပီုန်ဆျှံမ်ကဒါႇက်ြုမ် အ်ုန်အီမိုႈ ဒီပ်ုန်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် စီပဲန် ကဝ်အီမိုႈႎါးအ်ုန် ယံမ်းဖါ်ႈ ကဝ်အီမိုႈႎည်းစီ ကတူႈဟာဝ်းဖေးဆဲဝ်အောႏ။