မိုင်းရူပ၊ ဇူလိုင် ၂၈ ရက်၊ နောင်ချို
စစ်ကောင်စီတပ်ဟာ နောင်ချိုမြို့ကို ပြန်ထိန်းချုပ်ပြီးနောက် နောင်ချို–မိုးကုတ်လမ်းပိုင်းရှိ ကျေးရွာတွေကို ထိုးစစ်ဆင်နေပြီး သုံးဆယ်ရွာကို စစ်ကောင်စီ ပြန်ထိန်းချုပ်လိုက်ပြီလို့ ရှေ့တန်းသတင်းအရင်းအမြစ်တွေက ရွှေဖီမြေ ကို ပြောပါတယ်။
စစ်ကောင်စီတပ်ဟာ အုမ္မတီးလမ်းခွဲကနေ ထိုးစစ်ဆင်နေပြီး နောင်ချို–မိုးကုတ်လမ်းပေါ်ရှိ သုံးဆယ် စတဲ့ ကျေးရွာကို ဒီရက်ပိုင်းအတွင်း ပြန်ထိန်းချုပ်နိုင်ခဲ့ပြီး သုံးဆယ်အနီးတဝိုက်မှာ တိုက်ပွဲတွေ ဆက်ဖြစ်နေပါတယ်။
“စစ်ကောင်စီဘက် ပြန်ထိုးနေတာ။ သံဘို၊ ဟိုနောင်ဘက်အထိ စစ်ကောင်စီက ထိုးစစ်ဆင်နေတာ။ လေယာဉ်နဲ့လည်း ဗုံးကြဲနေတယ်” လို့ ရှေ့တန်းသတင်းအရင်းအမြစ်တစ်ဦးက ရွှေဖီမြေ ကို ပြောပါတယ်။
TNLA ဘက်ကတော့ ပြီးခဲ့တဲ့ ဇူလိုင် ၂၆ ရက်မှာ နောင်ချိုမြို့နယ် ဟိုခိုကျေးရွာကို လေကြောင်းနဲ့ တိုက်ခိုက်ပြီး အရပ်သား ၃ ဦး ထိခိုက်ဒဏ်ရာရခဲ့တယ်လို့ မနေ့ ဇူလိုင် ၂৭ ရက်မှာ ထုတ်ပြန်ထားပြီး တိုက်ပွဲသတင်းကိုတော့ ဖော်ပြထားတာ မရှိပါဘူး။
TNLA နဲ့ ပူးပေါင်းတပ်တွေ ထိန်းချုပ်ထားတဲ့ နောင်ချိုမြို့ကို ၁ နှစ်ကျော်အကြာ ပြီးခဲ့တဲ့ ဇူလိုင် ၁၆ ရက်မှာ စစ်ကောင်စီတပ်ထံ ပြန်လည် လက်လွှတ်ခဲ့ရတာ ဖြစ်ပါတယ်။
နောင်ချိုမြို့ကို စစ်ကောင်စီတပ်ဘက်က ပြန်ထိန်းချုပ်ပြီးနောက် နောင်ချိုမြို့ပေါ်မှာ အုပ်ချုပ်ရေး၊ ကျန်းမာရေး၊ ပညာရေး အပါအဝင် စတဲ့ ပြန်လည်ထူထောင်ရေး လုပ်ငန်းတွေကို ပြုလုပ်နေကြာင့် စစ်ကောင်စီဘက်က နေ့စဉ်လိုလို ဝါဒဖြန့် ထုတ်ပြန်နေတာ တွေ့ရပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
