မာည်းရူပ၊ ကျံရ်ဇူန်လည် ဆငည်း 21၊ မာဝ်းႎံင်း
ဘိူန်းအယ်နံပ် ဒီဘိူန်းတံပ်ဆီုက်တအာင်း PSLF/ TNLA ကဲတထိင်ခြဲ ခနားကီုင်းမာဝ်းႎံင်း ကာည်း ကီုင်းမိူင်လုံနီန် ဂေါႇမိုႈဒေင်လူလှဲဝ်ႏကဆဝ်းဇဝ်း တောန်ဆငည်း ကားကဲမိူဝ်ႈဘည်အာဝ်ဘိူန်းခ္လေါႈအောႏ။
ကညာကားအူအီး က္လာင်းတဖုင်ဆျှိုည်ဖီမျေဒါႈ ဂေါႇမိုႈဘြည်က္လာည်းကစံပ်ဇာဝ်း ဒေင်မာ်လူလှဲဝ်ႏဖါ်ႈ တောန်ဆငည်း ကားကဲအီအာဝ်ဘိူန်းခ္လေါႈကဲနီန်မာ် ဂေါည်ပွံတ်ဒါပယာ်ႈအောႏ။
ကဲက္လာင်းတဖုင်ဆျှိုည်ဖီမျေဒါႈ “ ဂေါႇမိုႈဒေင်လှဲဝ်ႏဒီႈ ကညာကားကဲစီကတူႈလိူည် ဟာဝ်းအူလိူဝ်ႈအူကြောင်။ ဆာ်မိူဝ်ႈကား အီဟိုက်ဒေဲႈမာ် ကားအီလေႈကဲ နံင်လိုရဲ့ဆဲႈ ဆာ်အူကြောင်ဟည်ဟာဝ်း အူကြောင်စီနံင်ဘိူန်းလာ်ခ္လေါႈ။ ဆီုင်ခီညှာဒိူန် ကံပ်ရောတ်ဘိုး စူန်အံပ် 4 နြီအောညှံမ်ဘိူန်းစိ ခ္လေါႈ”
ကဒါႇ PSLF/TNLA ကဲ ဘိူန်ဘြဲဆားဟာဝ်း ဒေင်အီလူလှဲဝ်ႏဟာဝ်း ခနားမာဝ်းႎံင်း ကာည်း မိုဂူႈနီန်မာ် ကဲဘယ်လိူည်ဒေဘြဲဟာဝ်း ဒီပေန်ခ္လအောႏ။
ဂေါႇမိုႈ ကပုအ်ုန်အီဂေါည် ခနားမာဝ်းႎံင်း ကာည်း နောင်ခေဝ်နီန် ဟည်ကတူႈအီးဒါမဴင်ပဒူႈလှဲဝ်ႏအ်ုန် ဂေါႇဘည်ဒီန် ကညာကားအီဟာဝ်းႎီရ် ကပီုန်ဆျှံမ် ကဒါႇပိူည် – မန္တလေးနီန် ကဲဟည်ႎီရ်ဟာဝ်းဖါ်ႈဒေင် မာဝ်းႎံင်း – မိူင်လုံ – မိုဂူႈ – မန္တလေးအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
