ပိုႈလဘား၊ ကျံရ်ဇူန်လည် ဆငည်း 13၊ မာဝ်းႎံင်း
တိုအီးခေဲင်အရာပ်ကဲ က္လာင်းဒါႈ ဂေါႇမိုႈတံပ်ကညာအာဏာဆီုက်ဇေဝ်ကဲ ဒါဘိုးယာန်ပ်ုရ် ဒေဲႈပျောႈပ္လေဘျုင် ပကီုင်းမာဝ်းႎံင်း အ်ုန်အီမိုႈ ဒီပ်ုန်ထိင်ခြဲအူန်း တံပ်ဆီုက်တအာင်းကဲ စီပဲန် ဟည်တိူဝ်ဘာတ်ဟာဝ်း တိုအီး 1အီးအောႏ။
အဒိူဝ်ကျံရ်ဇူန်လည် ဆငည်း 13 ခိင်ညှာ ကပံတ် 6နြီဒိူန် တံပ်ကညာအာဏာဆီုက်ဇေဝ်ကဲ ဒါယာန်ပ်ုရ် ဒေဲႈပျောႈပ္လေဘျုင် ခေဲင်ကီုင်းမာဝ်းႎံင်းအောႏ။
ကောန်အီမာည်း အ်ုန်အီဂေါည်ခေဲင်အရာပ်ဒီန်အူအီး က္လာင်းဒါႈ “ကဲဒေဲႈပျောႈ 4ပိုင်း။ 3ပိုင်း ဇောႈပပိန္နဲကုန်း။ ဇောႈကဒါႇ ကျောင်အ.မ.က စနဲ 13 နီန် 1ပိုင်း”
ဂေါႇယာန်ပ်ုရ်ဒေဲႈပျောႈပ္လေ ကောန်အီပ်ုန်အူအီး ဘိူန်းဟာဝ်းဖါ်ႈဖေးဘာတ် လလူလေဲဝ်ဟာဝ်း ဂါင်ဂေါည် 7ကြောင်အောႏ။
ခည်ကျံရ်ဇူန်လည် ဆငည်း 11 ခိင်ညှာဇေဝ်း 3နြီဒိူန်မာ် ဂေါႇယာန်ပ်ုန် ဒေဲႈပျောႈပ္လေ ပကီုင်းမာဝ်းႎံင်း တိုအီးဒဝ်းႎဲႈဖေးနာန်း ဟည်ယံမ်းဟာဝ်းဖါ်ႈ အူအီး ဘာတ် 5အီးအောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
