မာည်းရူပ၊ ကျံရ်ဇူန် ဆငည်း 22၊ မူစယ်
ဖုင်ယဲဆျှိုည်ဖီမျေတခေါရ်နံပ် တံပ်ဆီုက်ဆျှံမ် SSPP ကဲတိုည်းဟာဝ်း ကောန်တဘိုက်တအာင်းကဲ 5 အီး ပဂေတ်စေတ်မေန်းတိုအီး အေဲမ်ခြီရ် ကာည်း မူစယ်နီန်အောႏ။
ခည်ကျံရ်ဇူန် ဆငည်း 19 ဒိူန် တံပ်ဆီုက်ဆျှံမ် SSPP ကဲ တိုည်းဟာဝ်းကောန်တအာင်း 5 အီး ပရဝ်တေဲင်လိုင်(တိန်လုံ) အ်ုန်အီဂေါည်ခနား မူစယ် ကာည်း အေဲမ်ခြီရ်နီန်အောႏ။
ကဝ်အီနံပ် ဘည်မိုဘည်ဘာည်းနီန် အူအီး က္လာင်းတဖုင်ဆျှိုည်ဖီမျေဒါႈ “ ပရဝ်တေဲင်လိုင် အ်ုန်မိူဝ်ႈဂေတ် SSPP ကဲ။ ပဂေတ်ဒီန် ဆာ်အယ်နံပ်ကြောႈဆျှံမ် ကတူႈဒိုည်ႇတိုည်း။ ကဲတိုည်းကနာည်နံင်ရေဲန်ကောန်ဆီုက်ကဲဒီႈ”
ကဝ်အီကတူႈတိုည်ကဲဒီန်မိုႈ တိုအီးကဒါႇ လှံင်အေဲမ်ခြီရ် ရဝ်မန်နိမ်း အ်ုန်အီဇီုဝ် အောင်ရီ ကာည်း အ်ုန်အီဂေါည်ခေဲင်ကီုင်းမူစယ် ဇံင်စွမ်စော် ကောန်အီမာည်းအူအီ ဆဲႈဒီန် ဖုင်ယဲဆျှိုည်ဖီမျေမာ် ဂီုည်ဆီုပ်တခေါရ်ဘိုး ဒီဂေါည်ကဝ်အီကီုက် 3 အီးဂဲဒိူန်အောႏ။
ကနာည်နံင်ဘိူန်းနံပ် ကဲအီကဆီုဝ်ကဆဲင်တောပ်ဘည် ပ်ုန်တိုည်းဟာဝ်း SSPP ကဲတ ကောန်တအာင်း 5 အီးနီန် ဖုင်ယဲဆျှိုည်ဖီမျေ ဘိူည်ကဆီုပ်တောပ် ကဝ်အီဘိူန်း အခွါင်းအရေးကြောႈက္လာင်း ခေဲင်SSPP အ်ုန်အီမိုႈ ခူန်အွံရ်စိုင်းဖုန်းဟာန်မာ် ညှံမ်ဘိူန်းစိကတူည်ႇအောႏ။
ခည်ကျံရ်ဇူန် ဆငည်း 4 ဒိူန်မာ် ကောန်အီမာည်းအူအီး အ်ုန်အီဂေါည်ပမူစယ်နီန် ကတူႈဆီုက်ဆျှံမ် SSPP ကဲ တိုည်းဟာဝ်းအ်ုန် ကဒါႇလှံင်ဆဘော စီဆူည်ႇရမာအ်ုန်ကဲ ႎီရ်ကရောႈဒါရိူန်း 300 ဆဲန်အောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဆျှိုည်ဖီမျေဂဲနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်နီန်။
