မာည်းရူပ၊ ကျံရ်မေ ဆငည်း 25၊ တာချှီလိက်
တိုအီးခေဲင်အရာပ်ကဲ က္လာင်းတဆျှိုည်ဖီမျေဒါႈ ဂေါႇမိုႈဘြည်က္လာည်းကစံပ် ပကီုင်းတာချှီလိက် စီပေန်ပဲန် အိုမ်ဒါင်းအိုမ်ဟိုက် ခေဲင်ဇံင်မံင်ခ္လ။
ဇူႈပွံတ်ကျံရ်မေ ဆငည်း 23 စူန်မှိူဝ်ဒိူန် ဂေါႇမိုႈဘြည်က္လာည်းဒါင်းအာဝ်ဟျာႈ စီပဲန်အိုမ်ပ္လေါင်မယ်ဆိုင်ဟိုက်ဒေဲႈဖါ်ႈ လီပ်ဟာဝ်းခေဲင်ဇံင် ဆန်ဆိုင်၊ ပုန်ထွန်း၊ တာလော့ကာည်း မယ်ခေါင်ကဲနီန်အောႏ။
ကဝ်အီဂေါည် ပတာချှီလိက်နီန်အူအီး က္လာင်းတဆျှိုည်ဖီမျေဒါႈ “ဘြည်ဇူႈက္လာည်း ခိင်မှိူဝ်ဒိူန်။ အိုမ်ဟိုက်ကံပ်ရောတ် တေဲင်ဒေင်ဒါင်း။ အာဝ်မိူဝ်ႈမ ဘည်တိူဝ်လတိုအီးကဲနီန်။ ဘည်လူလေဲဝ်ဟာဝ်းဂါင်ဂေါည်မာ် အာဝ်မိူဝ်ႈမ။
ကဲပ္လိူရ်ႈအူန်း ခေဲင်ဆဒါင်ကပီုန်ဆျှံမ်ကဒါႇလေႈဆာင်ငည်း အ်ုန်အီပ္လိူရ်ႈဟြာင်းဆဒါင် တာချှီလိက်နီန်ဒါႈ စူန်မှိူဝ် ဆငည်း 23 ဒိူန်မာ် ဂေါႇမိုႈဘြည်က္လာည်းဒါင်းအာဝ်ဟျာႈ စနဲအိုမ်ဟိုက်ဒေဲႈပွံတ် 316 ဆီန်ဒီမီတာ ဘည်ဟာဝ်းႎီရ်ခေဲင်ကီုင်းမာ် မိူဝ်ႈခည်းကီန်းဒည်းအောႏ။
တောပ်ဘည်ပ်ုန်ကည်း အိုမ်ပ္လေါမ်မယ်ဆိုင် ဘံင်ဆငည်း 24 ခိင်ညှာ 8နြီဒိူန် အိုမ်ဟည်ဟိုက်ဒေဲႈဖါ်ႈ 1ကနီႈ ခေဲင်အူဆငည်း ဂေါႇမိုႈအ်ုန်ဆမာဟိုက်ဒေဲႈဘိုး ဘံင် 3ကနီႈ စီပဲန်မိုးဇလ တံပ်ကညာအာဏာဆီုက်ဇေဝ်ကဲ ဒဲႈအူန်းဆဒိ တကဲအီဂေါည်ရီမ်းပြောပ္လေါင်ကာည်း တကဲအီဂေါည်ဒီဒျဲမ်ကဲဒိူန်အောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဆျှိုည်ဖီမျေဂဲနီန် အာဝ်ဝံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်နီန်။
