မိုင်းပန်ပျော်၊ မတ်လ ၃ ရက်၊ ကွတ်ခိုင်
တအာင်းတပ်မတော်-TNLA ထိန်းချုပ်ထားတဲ့ ရှမ်းမြောက် ကွတ်ခိုင်မြို့နယ် ကောင်းနိမ်ကျေးရွာမှာ ဟင်းခူးနေတဲ့ အမျိုးသမီးတစ်ဦးအပေါ်ကို သစ်ကိုင်းကျိုးကျလို့ ပွဲချင်းပြီးသေဆုံးခဲ့တယ်လို့ ရွှေဖီမြေက စုံစမ်းသိရှိရပါတယ်။
ဖြစ်စဉ်ဟာ မနေ့ မတ်လ ၂ ရက် နေ့လည်ပိုင်း ၁ နာရီဝန်းကျင်မှာ ဟင်းခူးနေတဲ့အမျိုးသမီးတစ်ဦးအပေါ်ကို သစ်ကိုင်းကျိုးကျလို့ ပွဲချင်းပြီးသေဆုံးခဲ့တာဖြစ်တယ်လို့ ကောင်းနိမ်ကျေးရွာ ဒေသခံအမျိုးသားတစ်ဦးက ရွှေဖီမြေကို ပြောပါတယ်။
“သူကဟင်းချက်ဖို့ ပဲသီးခူးတာ အဲ့ချိန်ကလေတိုက်တော့ သစ်ကိုင်းက သူအပေါ်ကြိုးကျတာ အဲ့ဒီသစ်ပင်မှာတစ်ခါတည်းသေသွားတာ”
သေဆုံးသွားခဲ့တဲ့ အမျိုးသမီးဟာ အသက် ၃၀ အရွယ်ရှိတဲ့ ဒေါ်အီနောင် ဆိုတဲ့သူဖြစ်ပြီး ကောင်းနိမ်ကျေးရွာမှာ နေထိုင်တဲ့သူဖြစ်တယ်လို့ ၎င်းကဆက်ပြောပါတယ်။
ဒေါ်အီနောင်ရဲ့ ရုပ်အလောင်းကို ကောင်းနိမ်ရွာသားတွေ မီးရှိုးသဂြိုလ်ပေးခဲ့တယ်လို့ ဆိုပါတယ်။
အလားတူ ပြီးခဲ့တဲ့ ဖေဖော်ဝါရီ ၁၅ ရက်မှာလည်း နမ့်ဆန်မြို့နယ် အထက်မန်လွယ်ကျေးရွာမှာ မြေတူးကားတစ်စီးက တိမ်းမှောက်ပြီး ကားမောင်းတဲ့အမျိုးသားတစ်ဦး သေဆုံးခဲ့ပါတယ်။
