ယာရူစိင်၊ ဇူလိုင် ၂၅ ရက်၊ လားရှိုး
ရှမ်းမြောက် လားရှိုးမြို့ပေါ်က ရပ်ကွက်တချို့မှာ ရေကြီးမှုကြောင့် ပျက်စီးဆုံးရှုံးမှု ရှိနေတယ်လို့ လားရှိုးမြို့ခံ အမျိုးသမီးတစ်ဦးက ရွှေဖီမြေကို ပြောပါတယ်။
ဒီနေ့ ဇူလိုင် ၂၅ ရက် လားရှိုးမြို့ပေါ်ရှိ ရပ်ကွက် ၁၂ နဲ့ ၇ မှာ ရေကြီးရေလျှံမှုဖြစ်ပြီး မြို့တွင်းရှိ နေအိမ်တွေထဲအထိ ရေ တက်လာတာလို့ ဆိုပါတယ်။
“အပျက်အစီးတွေ ရှိတယ်။ ရှေ့ရက်တွေတော့ မိုးမရွာဘူး။ နေ့လယ်ကမှ တော်တော်လေး မိုးပြန်ကြီးနေတာ။ မြေနိမ့်ပိုင်းဘက်တို့ မြောင်းတွေ ရှိတဲ့ဘက်ဆိုတော့ ရေတက်တာပေါ့။ ရပ်ကွက် ၇ ဘက်တော့ ရေတွေ ပြန်ကျနေပါပြီ။ လက်ရှိတော့ နေတောင် ထွက်နေပြီ”
ရေကြီးရေလျှံမှုကြောင့် ပျက်စီးဆုံးရှုံးမှုဟာ သိန်းချီ ရှိတယ်လို့ ဒေသခံတွေ ပြောပေမဲ့ ရွှေဖီမြေအနေနဲ့ သီးခြားအတည်မပြုနိုင်သေးပါဘူး။
လားရှိုးမြို့ပေါ် နှစ်စဉ်နှစ်တိုင်း ရေကြီးရေလျှံမှု ဖြစ်ပေါ်တတ်တဲ့ ရပ်ကွက်တွေမှာ နေထိုင်တဲ့ ဒေသခံတွေအနေနဲ့ သတိထား နေထိုင်ကြဖို့ လိုအပ်တယ်လို့ ဒေသခံတွေက ပြောပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
