ပို့လဘား၊ ဇန်နဝါရီ ၂၇ ရက်၊ လားရှိုး
ရှမ်းမြောက် လားရှိုးမြို့မှာ ကိုးကန့်တပ်မတော်- MNDAA က နှုတ်ခမ်းကွဲ၊ အာခေါင်ကွဲသူတွေကို အခမဲ့ ကုသပေးမယ်လို့ လားရှိုးမြို့ရဲ့ နယ်မြေမှူးတစ်ဦးက ရွှေဖီမြေကို ပြောပါတယ်။
လားရှိုးမြို့ ပြည်သူ့ဆေးရုံက ကျန်းမာရေးဆရာဆရာမတွေဟာ ဇန်နဝါရီ ၂၃ ရက်ကနေ လာမယ့် ဖေဖော်ဝါရီ ၁၅ ရက်အထိ စာရင်း ကောက်ခံသွားမှာဖြစ်ပြီး ကုသပေးမယ့့်နေ့ကိုတော့ ဖေဖော်ဝါရီ ၁၅ ရက်မှ အသိပေးမှာဖြစ်တယ်လို့ ပြောပါတယ်။
“အခုလောလောဆယ်တော့ ကိုးကန့်ထိန်းချုပ်ထားတဲ့ မြို့တွေပဲ အရင်ကုပေးမယ်။ သူတို့အဆင်ပြေရင် တခြားမြို့တွေလည်း ကုပေးမှာပေါ့နော်။ သူတို့က လားရှိုးဆေးရုံမှာပဲ ကုသပေးမှာဆိုတော့”
ဒီတစ်ကြိမ်ဟာ MNDAA ထိန်းချုပ်ထားတဲ့ လားရှိုး၊ သိန္နီ၊ လောက်ကိုင်၊ ချင်းရွှေဟော်၊ မုံးကိုး၊ ပန်ဆိုင်း၊ ကွမ်းလုံ၊ ကုန်းကြမ်း၊ တာမိုးညဲ စတဲ့မြို့တွေမှာ ကုသပေးမှာဖြစ်ပြီး တခြားမြို့နယ်နဲ့ ဒေသတွေကိုတော့ နောက်တစ်ကြိမ်မှ ကုသပေးသွားမယ်လို့ အဆိုပါ အမျိုးသားက ဆက်ပြောပါတယ်။
