ဟွမ်လောဝ်၊ ဧပြီ ၃၀ ရက်၊ သီပေါ
ရှမ်းမြောက် သီပေါမြို့မှာ လေပြင်းတိုက်ခတ်တာကြောင့် ရှေးဟောင်း စေတီတစ်ဆူရဲ့ ထီးတော် မြေခခဲ့ရပြီး ကျောင်းဆောင် ၁ ဆောင်လည်း ပျက်စီးခဲ့တယ်လို့ သီပေါမြို့ခံ အမျိုးသမီးတစ်ဦးက ရွှေဖီမြေကို ပြောပါတယ်။
မနေ့ ဧပြီ ၂၉ ရက် ညနေ ၅ နာရီခွဲမှာ လေပြင်းတိုက်ခတ်တာကြောင့် သီပေါမြို့ ဇာတ်စုရပ်ကွက်ရှိ ရတနာရွှေဂူကျောင်းတိုက်က ရှေ့ဟောင်းစေတီတော်တစ်ဆူရဲ့ ထီးတော် မြေခခဲ့တာ ဖြစ်တယ်လို့ ဆိုပါတယ်။
“လေပြင်းကတော့ ခဏပဲ။ ကျောင်းဆောင်ကတော့ တစ်ဆောင်ပဲပျက်တယ်။ စေတီတစ်ဆူပျက်တယ်။ မိုးရွာတာက ၂ရက် ၃ ရက်လောက်ပဲ ရှိသေးတယ်”
အလာတူး တအာင်းတပ်-TNLA ထိန်းချုပ်ထားတဲ့ နမ့်ဆန်မြို့နယ် ဇယ်တုန်ဟုန်းအုပ်စု လပိုင်းကျေးရွာမှာလည်း လေပြင်းတိုက်ခတ်မှုကြောင့်နေအိမ် ၁၀ လုံးပျက်စီးသွားခဲ့ပါတယ်။
ဒါ့အပြင် ပြီးခဲ့တဲ့ ဧပြီ ၁၈ ရက်ကလည်း လေပြင်းတိုက်ခတ်ခဲ့တာကြောင့် တာချီလိတ်မြို့တွင်းရှိ နေအိမ်နဲ့ အများသုံး အဆောက်အဦးအပြင် စေတီပုထိုးတွေလည်း ပျက်စီးခဲ့ပါတယ်။
ရှမ်းအရှေ့က ကျိုင်းတုံ၊ မိုင်းဖြတ်နဲ့ မိုင်းဆတ်မြို့မှာလည်း လေပြင်းတိုက်ခတ်ခဲ့တာကြောင့် နေအိမ်တွေ ပျက်စီးတာတွေရှိခဲ့ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
