ဆျှိုည်ဖီမျေဦ၊ ကျံရ်အေပ်ြုရ် ဆငည်း 26၊ အိုမ်ငျံရ်
ကညာဆဴင်ကဝ်အီကတူႈဒေဲႈနီန်အူအီး က္လာင်းတဆျှိုည်ဖီမျေဒါႈ မိူဝ်ႈအီးဒါရိူန်းကျာ စေရိူန်းမှီုန် ခေဲင်ကီုင်းအိုမ်ငျံရ် ကပီုန်ဆျှံမ်ကဒါႇပိူည် အ်ုန်အီမိုႈဒီပ်ုန်ထိင်ခြဲအူန်း တံပ်နာန်းတအာင်း – PSLF/TNLA ကဲနီန်အောႏ။
အ်ုန်ဒါႈ ဂေါႇမိုႈတိူဝ်ႈရိူန်းကျာဒီန် ဟံပ်ခနားရိူန်းစဲတ် ဒေဲႈဇိူရ်လည် စီပဲန်ကနာည်နှာင်းအီးဟံရ်အာဝ်ကတူႈ ဆိင်ဒဲႈဆဒိ ကနာည်နံင်စေတ်မေန်းတိူရ်ႈ ခိင်ဒဲႈအီးတရိူန်း ကတီးကရီးအောႏ။
ကညာဆဴင် ပအိုမ်ငျံရ် ကဝ်အီကတူႈဒေဲႈနီန်အူအီး က္လာင်းတဆျှိုည်ဖီမျေဒါႈ “ခံင်မိုႈကဲဟံပ်ကဆူး အယ်မာ်အာဝ်နလှူႈတိူရ်ႈ။ ဟောည်ႇဒီန် ဘံန်ငျားအောတတိူရ်ႈ အူပ္လါႇစီမိုႈလာ် ရိူန်းကျာ။ ဂေါႇဘည်ဒီန် စီပဲန်ဆိင်ဒဲႈအူန်းဆဒိ ကနာည်နှာင်းအီးအာဝ်ကတူႈဒါ”
ဂေါႇတံပ်ကညာအာဏာဆီုက်ဇေဝ်ကဲ ဆီမ်းဟာဝ်းအာဏာ စီပဲန် စံမ်လံပ်ဘြောင်ရိူန်းခြီရ်ခေဲင်ကုင်ကပိုမ်နီန် ကီန်းဟာဝ်း ဂီုည်ဂေါည်ဂေါည်ယိူဝ်းအူန်း အီးကဇိူရ်ႈကယံင်းရိူန်းကျာကဲနီန် တေဲင်အောန်လဴင်အောႏ။
ဆဲႈဒါႇဒီန် ရိူန်းကျာအူကိူရ်ဆဲန်နီန် ဘိူန်းဖါ်ႈကရောႈဒါရိူန်းစဲတ် အူဆဲန် ဘည်ပ္လိူရ်ႈ ပ်ုန်ဒါႈကဲတ ဘိူန်းတိုန်းတောပ်ကားဂေက်ကဲနီန်မာ် ဂီုည်ယိူဝ်းအူန်းအယ်တိူရ်ႈ တေဲင်အောန်လဴင်အောႏ။
ကဝ်အီကပ္လါႇဘေဲႇဆဒါင် – Lway N Tra
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
