ရွှေဖီမြေ၊ ဧပြီ ၁၅ ရက်
စစ်ကောင်စီရဲ့ ရွေးကောက်ပွဲကနေ သမ္မတဖြစ်လာတဲ့ စစ်ခေါင်းဆောင် မင်းအောင်လှိုင်ကို ဂုဏ်ပြုကြောင်း တအာင်းတပ်မတော်- PSLF/TNLA က ဒီနေ့ ဧပြီ ၁၅ ရက်မှာ သဝဏ်လွှာ ပေးပို့ခဲ့ပါတယ်။
TNLA အနေနဲ့ စစ်တပ်နဲ့အတူ ဦးမင်းအောင်လှိုင် ဦးဆောင်တဲ့ အစိုးရသစ်မှာ အပစ်အခတ် ရပ်စဲရေး ကတိကဝတ်တွေကို ဆက်လက်ထိန်းထားပြီး နိုင်ငံရေးပြဿနာကို နိုင်ငံရေးနည်းလမ်းနဲ့ အဖြေရှာဖို့ မျှော်လင့်ထားတယ်လို့ ဆိုပါတယ်။
တအာင်းတပ်ဟာ တရုတ်နိုင်ငံရဲ့ ကြားဝင်မှုကြောင့် ၎င်းတို့ ထိန်းချုပ်ထားတဲ့ မိုးမိတ်နဲ့ မိုးကုတ်မြို့ကို စစ်ကောင်စီထံ လွှဲပြောင်းပေးခဲ့ပြီးနောက် ပြီးခဲ့တဲ့ ၂၀၂၅ ခုနှစ် အောက်တိုဘာ ၂၈ ရက်ကစလို့ အပစ်ရပ်ဖို့ သဘောတူခဲ့ပါတယ်။
သမ္မတ ဖြစ်လာတဲ့ ဦးမင်းအောင်လှိုင်ကို တရုတ်-မြန်မာနယ်စပ်အခြေစိုက် မိုင်းလားတပ်- NDAA၊ ဝတပ်ဖွဲ့- UWSA တို့လည်း ဂုဏ်ပြုသဝဏ်လွှာ ပေးပို့ခဲ့ကြပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
